Matayi 1:1 - ULufingwi uLupwa

¹ Iga ge mazina aga mu luho ulwa Yeesu Chilisiti, we áfumile mu luho ulwa mwene uDaavhudi na mu luho ulwa Aabulahamu.

Tesitamenti Umupwa 1965

¹ Ukalata wa luho lwa Yesu Chilisiti, umwana-Davidi, umwana-Abulahamu.

Matayi 1:1 Iomraidhean Croise

Matayi 1:18

Kupaapwa ukwa Yeesu Chilisiti kwáli ishi. UMaliiya unyina waakwe ázinjiliilwe nu Yoosefu. Ileelo lwe vhashiili kwimalana, uMaliiya álolesile ali pa vhumwamu. Uvhumwamu uvhwo ávhwazile kwi idala ilya Mupepo uMufinjile.

Matayi 1:2

UAabulahamu ámupaafile uYisaaka, uYisaaka ahamupaapa uYaakobu, woope uYaakobu ahamupaapa uYuuda na vhanine vhaakwe.

Matayi 15:22

Yeenya, umwantanda wumo uMukananaayo we ahatendamaga ukwo, ahinza kwa Yeesu, ahavhilishila ahati, “We Mwene, Mwana wa Daavhudi, umfwile uvhwila! Umwana waane umulindu alemwilwe nkaani ni mpepo inkandamanu.”

Matayi 3:16

Lwe uYeesu ayoozelwa, ahatumpuha mu minzi nu kwimiilila. Yeenya, naluvhiilo ku mwanya kuhiiguha, ahamulola uMupepo uwa Mulungu akwiha pamwanya yaakwe ku shiholanyo isha nkunda.

Matayi 9:27

Pisinda, lwe uYeesu ayeepa paala, avhantonko vhavhili vhahamulandata, vhahavhilishila ku maha vhahati, “We Mwana wa Daavhudi, utufwile uvhwila!”

uLuuka 1:33

Havhili, alivhakonzyaga aVhaisilayeeli insiku zyonti, uvhumwene vhwakwe te vhuhaavhe nu vhusililishilo.”

Yohani 7:42

Vhuli, uVhusimbe uVhufinjile vhutakuyanga kuuti, uChilisiti akufuma mu luho ulwa mwene Daavhudi? Havhili kuuti alipaapwa mu Betelehemu, inkaaya ye woope umwene uDaavhudi ápafwilwe?”

iMbombo izya Vhatumwa 2:30

Ileelo uDaavhudi ámanyile kuuti uMulungu álafile ku lufingwi kuuti alimupwaniha umuntu uwa luho lwakwe mu vhumwene vhwakwe. Havhili, mwe pe áali mukuvhwi,

VaLoma 1:3

Izwi ilyo lye likumuhomeshezya uMwana waakwe we ápafwilwe inza umuntu mu luho ulwa mwene uDaavhudi.

VaLoma 4:13

UMulungu áfinzile nu Aabulahamu na vhantu avha mu luho lwakwe kuuti, aliivhapa insi yonti kuuti yivhe vhupwano vhwavho. UMulungu atáfinzile isho nu Aabulahamu, mwe pe ahazilandataga indajizyo, nkandi, mwe pe ámwitisile uMulungu. Pe uweene uMulungu ahamuvhaazya uAabulahamu kuuti mugolosu.

VaLoma 9:5

AVhaisilayeeli ivho vhe vhazukulu vha Aabulahamu nu Yisaaka nu Yaakobu. Fwe muntu, woope uChilisiti Mwisilayeeli, havhili wu Mulungu uMupiti uwa vwonti. Ashindikwaje shiima! Amina.

VaGalati 3:16

Ileelo uMulungu áfinzile kwa Aabulahamu utaata wiitu, uweene pooka nu muntu uwa mu mpaapo zyakwe. UVhusimbe uVhufinjile vhutakuti, “Na vhantu avha mu mpaapo zyakwe,” kwe kuuti avhantu avhinji, ileelo vhukuti, “Nu muntu uwa mu mpaapo zyakwe,” kwe kuuti ali wooka, uyo we wu Chilisiti.

1 Timoti 2:5

Tumanyile kuuti izyo zye zya nalyoli, mwe pe aliipo uMulungu wooka vhweleele, havhili kuli wooka we akuvhakundanya avhantu nu Mulungu, we muntu uChilisiti uYeesu.

2 Timoti 2:8

Umukumbuhaje uYeesu Chilisiti we ázyusile, uwa mu luho ulwa mwene Daavhudi, inza vwe likuyanga Izwi iLyinza lye nkulumbiilila.

Ishitushizya 22:16

“Ine ne Yeesu, imusonteleziizye uhavhizya waane kuvhahomeshezya imwe inongwa izi kuzya vivhanza. Ine ne lizi, havhili ne wa mu mpaapo izya mwene uDaavhudi, uluzota luula lwe lukulama nkaani inzanshi.”