Filipi 4:9 - ULufingwi uLupwa

⁹ Muvhombaje zyonti zye mwásambiliiye nu kuziposheela kuli ine, izyo zye mwázyivuuye nu kuzilola. Muzivhombaje izyo, pe uMulungu we akuuvhapa uvhutehamu, aliivha pooka niimwe.

Tesitamenti Umupwa 1965

⁹ Nazye musambiliye, nazye muposheleye, nazye mwiṿuye, nazye muwenyi kukwane, zye muvombaje zizyo. PʼuMulungu umuhatavwihalo aliva namwe.

Filipi 4:9 Iomraidhean Croise

Matayi 1:23

“Yeenya! Umulindu we atamumanyile umwanaavuli, aliivha pa vhumwamu. Havhili alipaapa umwana umwanaavuli! Pe umwana uyo vhalimwita izina ilya Maanweli.” Izina ilyo kwe kuuti, “UMulungu ali pooka niiswe.”

Matayi 28:20

nu kuvhasambiilizya kulandata zyonti zye mbalajiziizye imwe. Niine kwe mbe pooka niimwe amanda gonti, kufishila ku vhusililishilo uvhwa nsi.”

Matayi 7:21

“Te vhonti vhe vhakuyanga kuuti, ‘We Mwene,’ vhaliyinjila mu vhumwene uvhwa Mulungu, nkandi umuntu we akuvhomba zye uTaata waane uwa ku mwanya akwanza, we aliyinjila.

uLuuka 6:46

“Shooni she mukuniita kuuti, ‘We Mwene,’ ileelo mutakuzivhomba zye nkuvhavhuuzya?

uLuuka 8:21

Ileelo uYeesu ahavhaamula ahati, “Umaayi waane na vhanine vhaane vhe vhala vhonti vhe vhakutejeelezya izwi ilya Mulungu nu kulilandata.”

Yohani 13:17

Inga mwazimanya izyo, pe uMulungu alivhaloota inga mukulandata ishiholanyo isho.”

Yohani 15:14

Inga mukuvhomba zye mbalajiziizye, kwe muvhe mwe vhamanyani vhaane.

Yohani 2:5

Pe unyina ahavhavhuuzya avhavhomvi vhe vhahavhavhombelaga avhajeni pa mulyo ahati, “Zyonti zye uYeesu avhavhuuzya, muhavhombaje.”

iMbombo izya Vhatumwa 9:6

Ishi yimiliila! Usogole mu nkaaya, umwo muli umuntu we kuuti akuvhuuzye zye ukwanzilwa kuvhomba.”

VaLoma 15:33

UMulungu we akuutupa uvhutehamu, avhanje niimwe mwenti! Amina.

VaLoma 16:20

Ishi, uMulungu we akuutupa uvhutehamu alimutinzanya uSeetano nu kuuvhapa imwe amaha aga kumupoota. UMwene wiitu uYeesu Chilisiti avhafwilaje uvhwila.

1 VaKolinti 10:31

Ishi, zyonti zye mukuvhomba, yivhe kwe kulya, poosye kumwela, poosye ishinji shonti she mukuvhomba, muvhombaje kuzya kuumupa uMulungu uvhushindamu.

1 VaKolinti 14:33

UMulungu wiitu te wa vhuvwalanganu, nkandi wu Mulungu uwa vhutehamu. Inza vwe zili mu vivhanza vwonti ivwa vhafinjile,

1 VaKolinti 4:16

Ishi, nkuvhalambiilizya kuuti muvhombaje inza vwe ine nkuvhomba.

2 VaKolinti 13:11

Ishi vhamwitu, nkuvhalaga nkuti museshelaje. Musimpaje nu kusuvhalizanya nu kuvha nu vhuliilani nu vhutehamu. Woope uMulungu uwa shikunzi nu vhutehamu kwe avhanje pooka niimwe.

Filipi 3:17

Mwe vhamwitu, mulandataje ishiholanyo shaane. Muvhenyaaje vhaala vhe vhakulandata ishiholanyo she twávhapiiye imwe.

Filipi 4:7

Pe uvhutehamu vhwe vhukufuma kwa Mulungu vhwe vhukuluusya injeele zyonti, vhulivhuvhatila amooyo giinyu, ni nsiivho zyinyu, mwa Chilisiti uYeesu.

1 VaTesaloniki 1:6

Pooka nu kuuti mwámile mu mayimba kuzya lwitiho lwinyu, ileelo mwáposheleeye Izwi ilyo ku luseshelo lwe lukufuma kwa Mupepo uMufinjile. Vwe mwávhomvile vhwevhulo, mwálandasite ishiholanyo shiitu ni shiholanyo isha Mwene uYeesu.

1 VaTesaloniki 2:14

Vhamwitu, ziila zye zyávhaazile avhantu mu vivhanza ivwa Mulungu mu shigavho isha nsi isha Yudeeya, vhe vhamwitisile uChilisiti uYeesu, zye niimwe zivhaazile. Avhantu vhiinyu vhavhayimvwizye, inza avheene, vwe aVhayuuda avhamwavho vhávhayimvwizye.

1 VaTesaloniki 5:23

UMulungu wuuyo we akuutupa uvhutehamu, avhazelufwe imwe ku zyonti. Kwe kuuti ayenyelezyaje amooyo giinyu nu vhulanzi vhwinyu na mavhili giinyu, inga muvhe ishisita kukwinkwinwa kufishila lwe akwinza uMwene wiitu uYeesu Chilisiti.

2 VaTesaloniki 3:4

Woope akuutupa ulusuuvhilo ulupiti kuuti, ishi mukuvhomba ziila zye tukuvhalajizya, havhili kwe mujendeelele kuzivhomba.

2 Timoti 4:22

UMwene uYeesu avhe pooka niiwe. Avhafwilaje uvhwila imwe mwenti.

Yakobu 1:22

Mukuyihopela kuuti mukulilandata izwi ilya Mulungu, ileelo mukulitejeelezya vhweleele. Muvhombaje inza vwe likuyanga,

2 Peteli 1:10

Pe ishi vhamwitu, muyikungulaje nkaani nu kuhomeshezya kuuti uMulungu ávhiisite nu kuvhasaavhula, mwe pe inga mukuvhomba vhwevhulo te muhaagwe naalumo.

1 Yohani 3:22

Havhili tukuposheela kufuma ku kwakwe shonti she tukumulaavha, mwe pe tukuzishindiha indajizyo zyakwe nu kuvhomba zye zikumuhondezya.