Filipi 4:8 - ULufingwi uLupwa

⁸ Mwe vhamwitu, kumaliilizya, nkuvhavhuuzya kuuti, muvhanje mukusivhiilila zyonti zye zya nalyoli, zyonti zye zya mushinzi, zyonti zye zya muumwo, zyonti zye te nkandamanu, zyonti zye zihondeeye, zyonti zye zikutiimwa ahinza. Zyonti zye ngolosu, poosye intiimo inyinza, izyo, zye muvhanje mukusivhiilila.

Tesitamenti Umupwa 1965

⁸ Nkumalilizya lelo mwe vamwitu, nkuti izya nalyoli zyonti, nizya mushinzi zyonti, ningolosu zyonti, ninzelu zyonti, ninyinza zyonti, nazyonti zye zihondeyʼukuyangwa, nga zya vwahayisunde, nga zya kutimwa, zye muzipangamale zyonti zinizi.

Filipi 4:8 Iomraidhean Croise

Matayi 22:16

Pe vhahavhasonteelezya avhasundikwa vhaavho na vhatuuli avha mwene uHeelodi kwa Yeesu, vhahamuvhuziilizya vhahati, “We Musambiilizi, tumanyile kuuti iwe we mugolosu, ukusambiilizya idala ilya Mulungu mu vhwanalyoli. Havhili utakuvhasaajila avhantu kulandatana nu vhupiti vhwavho.

Maliko 6:20

mwe pe uHeelodi ahamugulilaga. Uweene uHeelodi ahamwogopaga uYoohani, mwe pe ámanyile kuuti muntu umugolosu, havhili mufinjile. Ahasungwaga kumutejeelezya, ileelo lwe amutejeelezya ahaswimililwaga nkaani.

uLuuka 16:15

UYeesu ahavhavhuuzya ahati, “Imwe mukuyivhiiha mwe vhagolosu pilongolela ilya vhantu, ileelo uMulungu azimanyile zye zili mu mooyo giinyu. Ivintu vwe avhantu vhakuvimwamiha, uMulungu akuviviitilwa!”

uLuuka 2:25

Ahavhaliilizyo iho ku Yelusaleemu, kwáli umuntu wumo we vhahatinji uSimiyooni. Umuntu uyo áamile mugolosu, havhili ahamushindihaga uMulungu. Ahasuvhilaga kwinza ukwa we alivhapoha aVhaisilayeeli. USimiyooni ahalongolwaga nu Mupepo uMufinjile.

uLuuka 23:50

Kwáli umuntu wumo kufuma mu nkaaya iya Alimataayi mu nsi iya Vhayuuda, izina lyakwe vhahatinji uYoosefu. UYoosefu áamile wooka mu vhapiti avha Vhayuuda. Ileelo atítinkiine na vhamwavho kumugoga uYeesu, mwe pe áamile mugolosu pilongolela ilya Mulungu. Havhili, ahasuvhilaga kwinza ukwa vhumwene uvhwa Mulungu.

Yohani 7:18

Umuntu wonti we akuyanga ku maha gaakwe, akulondola uvhushindamu vhwakwe wuuyo. Ileelo we akulondola kuumupa uvhushindamu ula we amusonteleziizye, akuyanga uvhwanalyoli, atakuyanga izya ilenga.”

iMbombo izya Vhatumwa 10:22

Vhahamwamula vhahati, “Umupiti wumo uwa vhasikaali we izina lyakwe wu Kolineeliyo, atusonteleziizye. Uweene muntu umugolosu, havhili we akumunyila uMulungu na Vhayuuda vhonti vhakumutiima. Ishi, uhavhizya umufinjile amulajiziizye kuuti akwite, usogole mu nyumba yaakwe, inga atejeelezye amazwi ge kwe umuvhuuzye.”

iMbombo izya Vhatumwa 22:12

“Mu nkaaya iyo mwámile umuntu wumo we izina lyakwe vhahatinji uAnaniya. Uweene ahamushindihaga uMulungu, havhili ázilemile nkaani indajizyo zyitu. AVhayuuda vhonti vhe vhahatendamaga umwo, vhahamuyanjilaga inyinza.

iMbombo izya Vhatumwa 6:3

Ishi vhamwitu, kuli imwe musevhe avhantu 7 vhe muhomesheziizye kuuti vhali nu lujendo ulwinza, havhili vhizuuye uMupepo uMufinjile nu kuvha nu vhushindamu uvhwa njeele nkaani. Ivho vhe tuvhavhiishe mu mbombo ino iya kugavhanya ivwakulya,

VaLoma 13:13

Tuvhe nu lujendo ulwinza inza vwe yikwanzilwa ku vhantu vhe vhakulandila mu vhuzelu. Tutahaavhe twe vhapafu, poosye twe vhashimwela, poosye twe vhavhembu, poosye twe vhamalaaya, poosye twe vha ivho poosye twe vha mwone.

VaLoma 13:3

Yeenya, umuntu we akuvhomba inyinza, atakumwogopa umupiti, nkandi we akuvhomba imbiivhi. Pe ishi, inga ukwanza utamwogopaje umupiti waaho, ukwanzilwa uvhombaje inyinza, woope kwe akutiimaje.

VaLoma 14:18

We akumuvhombela uChilisiti inza vhwevhulo, akumuhondezya uMulungu, havhili akwitishilwa na vhantu.

VaLoma 2:29

Ndaali, uMuyuuda uwa nalyoli we wula we mu mwoyo waakwe akumushindiha uMulungu. Kwope kutahiililwa ukwa nalyoli kwe kuvhulingaanya umwoyo kwe kukuvhombwa nu Mupepo uMufinjile, te kwi idala ilya kulandata indajizyo. Umushinzi uwa muntu inza uyo wutakufuma ku vhantu ndaali, wukufuma kwa Mulungu.

1 VaKolinti 4:5

Ishi mutavhalongaje avhantu she ahavhaliilizyo aha vhulonzi hashiili kufiha, muguliilile kufishila isiku lye uMwene uYeesu aliyinza. Uweene we alizivhiiha apazelu zyonti zye zizyihiime mu shiisi, nu kuzilolesya zye zili mu mooyo aga vhantu. Ahavhaliilizyo iho, uMulungu alivhatiima vhonti vhe vhakwanzilwa kutiimwa.

2 VaKolinti 13:7

Tukumulaavha uMulungu kuuti mutavhombaje uvhutalamalandu. Tutakwanza tuloleshe kuuti tuhondeeye, nkandi kuuti imwe muvhombaje inyinza, poosye she iswe tukuloleha ngati tuposiitwe.

2 VaKolinti 6:8

Iswe tuyifumwizye kuvhomba imbombo iya Mulungu, avhantu vhatushindishe, poosye vhatusuufwe, vhatutiime, poosye vhatuyanje havhiivhi. Tukuloleha twe vha ilenga, fwandi tukuyanga izya nalyoli.

2 VaKolinti 8:18

Tukumusonteelezya uTiiti, nu wamwitu wumo we ivivhanza vwonti vikumutiima ku mbombo iya kulumbiilila Izwi iLyinza.

2 VaKolinti 8:21

Insiivho zyitu, tukwanza kuvhomba ahinza pilongolela ilya Mwene na pilongolela ilya vhantu.

VaGalati 5:22

Ileelo inga tukulongolwa nu Mupepo uMufinjile, tukuvha na mantonongwa iga: ishikunzi nu luseshelo nu vhutehamu nu vhujimbiilizu nu vhwinza nu vhutesi nu vhutungamu

VaEfeso 4:25

Ishi muleshe kuluma ilenga. Umuntu wonti yikwanzilwa amuvhuzyaje uwamwavho izya nalyoli, mwe pe swenti tuli pooka mwa Chilisiti inza ivipelwa ivwa mu muvhili wooka.

VaEfeso 5:9

Nkuyanga vhwevhulo, mwe pe avhantu vhe vhali mu vhuzelu vhakuvhomba inyinza ni ngolosu ni zya nalyoli ahavhaliilizyo honti.

VaEfeso 6:14

Mukwanzilwa kuyisengaanya inza ishi, kutumvanya nu Mukwalanzi. Inza vwe umusikaali akuyipinya ni ilamba mu musana, kuyisengaanya kulwa, niimwe mulandataje uvhwanalyoli uvhwa Mulungu, inga vhuvhavwaje. Havhili inza vwe umusikaali akuzwala inkwela ku shifuvha, inga ayidinde nu vhwele ni mpalala, niimwe mukwanzilwa muvhanje nu lujendo ulugolosu, inga muyidinde nu Mukwalanzi.

Filipi 3:1

Pe ishi, vhamwitu, seshelaaji mwa Mwene uYeesu. Ine ntakuviitwa kuvhuyiila havhili kuvhasimbila zye návhasimbiiye, mwe pe zyenezyo zikuvhavhiiha kuuti mutahateezye ulwitiho.

Kolosi 4:5

Mutatezyaje ahavhaliilizyo shaaha he muli naho aha kulolesya ulujendo ulwinza ku vhantu vhe vhatamwitisile uChilisiti.

1 VaTesaloniki 4:12

Ipo mukuvha mwalolesya ulujendo ulwinza pilongolela ilya vhe vhatamwitisile uMulungu, havhili mutakuvha mwe vha kusuuvhila ivwa vhanji.

1 Timoti 2:2

Muvhalavhilaje avhamwene na vhalongozi avhanji vhonti, inga tulandilaje ku vhutehamu, lwe tukuvha nu lujendo ulwinza nu kuvhomba zye zihondeeye pilongolela ilya Mulungu.

1 Timoti 3:11

Vhwevhulo, avhashi vhaavho, vhoope vhakwanzilwa kuuti avhantu vhavhashindihaje. Vhatavhanje vhakwakwa, nkandi vhayikonzyaje nu kuvha vhatungamu ku zyonti.

1 Timoti 3:4

Akwanzilwa ayimilililaje inyumba yaakwe ahinza, nu kuvhasambiilizya avhaana vhaakwe ulujendo ulwinza nu kuuti vhavhanje nu mushinzi.

1 Timoti 4:12

Atahaavhe umuntu uwa kukusuufwa, mwe pe we mujaaha, nkandi uvhe we shiholanyo ishinza ku vhiitisi, mu hayanjile haaho na mu lujendo lwaho na mu shikunzi shaaho na mu lwitiho lwaho na ku mwoyo waaho umugolosu.

1 Timoti 5:10

Avhanje amanyisile kuuti avhombaga imbombo inyinza, inza kusunga avhaana vhaakwe ahinza nu kuposheela avhajeni nu kuvhaavwa avhafinjile ku vhutonsu nu kuvhaavwa vhe vhali mu mayimba nu kuyifumwa ku mbombo izinji zyonti inyinza.

1 Timoti 5:2

vhantanda avhagoosi vhe vhamaayi vhaaho. Vhoope avhalindu uvhasohaje ku mwoyo umugolosu ngati vhanine vhaaho.

uTiiti 1:8

Ileelo akwanzilwa kuuti avhanje muntu we mutesi na we akuzisungwa nyinza. Havhili akwanzilwa kuuti avhanje muntu we akuyikonzya nu kuvhomba ingolosu nu kuvha mufinjile na we akuyidinda ku mbiivhi.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

uTiiti 2:2

Avhanaavuli avhagoosi, uvhasambilizyaje kuuti vhavhanje vhantu vhe vhakuyikonzya nu kushindikwa, havhili vhavhanje nu vhutimvu. Vhagomaje mu lwitiho, nu kuvha ni shikunzi nu vhujimbiilizu.

uTiiti 2:7

Niiwe weneewe uvhombaje ahinza mu zyonti, ufishile kuvha we shiholanyo ishinza kuli ivho. Ahavhaliilizyo he ukuvhasambiilizya avhantu, uvhasambilizyaje mu vhwanalyoli, ishisita isuufwo.

uTiiti 3:14

Avhantu vhiitu vhasambililaje kuvhomba inyinza ahavhaliilizyo honti, inga vhavhavwaje avhantu avhanji ivintu vwe vhasovheliilwe. Ipo pe vhakuvha vhakuvhahondezya avhanji mu vhuyo vhwavho.

VaHebuli 11:2

Kwi idala ilyo ilya kumwitiha uMulungu, avhataata vhiitu vhámuhondeziizye nkaani uMulungu.

VaHebuli 13:18

Mujendeelele kutulaavhila. Tuli nu vhwanalyoli kuuti amooyo giitu gatakutulonga naashimo, mwe pe tuli nu mute kuvhomba izya nalyoli ku vhantu vhonti.

Yakobu 1:27

Imbombo zye zikumuhondezya uMulungu uTaata zye zino: kuvhaavwa avhantaagwa na vhaziishe mu mayimba gaavho nu kuyidinda kuuti izya mu nsi zitahakuhandamanie.

Yakobu 3:17

Ileelo vhe vhakuvha nu vhushindamu uvhwa njeele vhwe vhukufuma kwa Mulungu, amooyo gaavho mazelu. Ivho vhe vhakusungwa kuvha nu vhutehamu na vhantu avhanji, vhatonsu, havhili vhali nu mushinzi. Muhati zyavho vhizuuye uvhwila ni mbombo inyinza. Vhatakuvhomba uvhunyala ku vhantu vhamo, havhili vhatali ni shifumbo.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

1 Peteli 2:12

Muvhanje nu lujendo ulwinza pilongolela ilya vhantu vhe vhatamwitisile uMulungu. Pe inga vhakuvhayanga kuuti mwe vhavhomba mbiivhi, vhazilolaje imbombo zyinyu inyinza, inga vhahamutiime uMulungu ku zyinyu, isiku ilya kwinza kuvhalonga avhantu vhonti.

1 Peteli 4:8

Ipiti ku zyonti mukundanaje ku mwoyo wonti, mwe pe inga wamukunda umuntu kwe uvhanje ukumuswila, poosye inga akuvhombela uvhutalamalandu ulwinji.

2 Peteli 3:1

Vhankundwa, uno wu kalaata uwa vhuvhili we nkuvhasimbila. Mu vhakalaata ivho vhavhili, nkuvhakumbusya inongwa zye muzimanyile, inga zivhavwaje kusiivha ahinza.

1 Yohani 3:18

Mwe vhaana vhaane, tutayangaje pe pi ilomu vhweleele, kuuti tuvhakunzite avhamwitu, nkandi nalyoli tuvhakundaje kwi idala ilya kuvhavhombela inyinza.

1 Yohani 3:3

Wonti we akusuuvhila kuuti aliholana nu Chilisiti, akuyizelufwa inga avhe muzelu, inza vwe uweene uChilisiti muzelu.

1 Yohani 4:1

Mwe vhankundwa, mutavhitihaje avhantu vhonti vhe vhakuti vhali nu Mupepo uwa Mulungu, mwe pe avhakuvhwi avha ilenga avhinji vhafumiiye mu nsi. Mwenyelezyaje ahinza, kumanya inga umuntu akulongolwa nu Mupepo uwa Mulungu pamo haa.