Filipi 4:7 - ULufingwi uLupwa

⁷ Pe uvhutehamu vhwe vhukufuma kwa Mulungu vhwe vhukuluusya injeele zyonti, vhulivhuvhatila amooyo giinyu, ni nsiivho zyinyu, mwa Chilisiti uYeesu.

Tesitamenti Umupwa 1965

⁷ Uvwene nyene Uvwihalo vwa Mulungu, vwe vulusizyʼinjele zyonti, vwe vuliyuvatila amoyo ginyu ninsivo zyinyu mwa Chilisiti Yesu.

Filipi 4:7 Iomraidhean Croise

uLuuka 1:79

swenti swe tuli mu shiisi nu kupalamila kufwa, nu kutulongola mwi idala ilya vhutehamu.”

uLuuka 2:14

“Ashindikwaje uMulungu uMupiti uwa ku Mwanya, vhwope uvhutehamu vhuvhanje mu nsi ku vhantu vhe avhitisile.”

Yohani 14:27

Lwe nkwepa, nkuvhaleshela uvhutehamu vhwane. Nkuvhaleshela uvhutehamu vhwe vhutali inza vhwe vhukufuma ku vhantu vhe vhakumuhaana uMulungu. Mutaswimililwaje mu mooyo giinyu, havhili mutogopaje.

Yohani 16:33

Navhavhuuzya izi, inga muvhe nu vhutehamu, mwe pe muli muhati yaane. Mu nsi umu muli na mayimba, ileelo mugomaje amooyo, mwe pe ine njipoosite insi.”

VaLoma 1:7

Kuli izyo, nkuvhasimbila imwe mwe muli ku Luumi, mwe uMulungu avhakunzite nkaani nu kuvhiita kuvha mwe vhafinjile. UTaata wiitu uMulungu nu Mwene uYeesu Chilisiti vhavhafwilaje uvhwila nu kuuvhapa uvhutehamu.

VaLoma 14:17

Yeenya, uvhumwene uvhwa Mulungu vhutakuloleha mu vwe tukulya poosye kumwela, nkandi vhukuloleha mu lujendo lwitu ulwa vhugolosu nu vhutehamu nu luseshelo lwe lukufuma kwa Mupepo uMufinjile.

VaLoma 15:13

Pe ishi, nkulaavha kuuti uMulungu we akuutupa ulusuuvhilo, avhiizuzye uluseshelo lwonti nu vhutehamu mu lwitiho lwinyu, inga ulusuuvhilo lwinyu lwonjele ku maha aga Mupepo uMufinjile.

VaLoma 5:1

Ishi, mwe pe uMulungu atuvhaziizye kuuti swe vhagolosu kwi idala ilya kumwitiha uweene, tuli nu vhutehamu nawo kutuushila kwa Mwene wiitu uYeesu Chilisiti.

VaLoma 8:6

Umuntu we injeele zyakwe zikulongolwa nu vhuntu uvhwa vhutalamalandu, akuyipelela uvhufwe, ileelo umuntu we injeele zyakwe zikulongolwa nu Mupepo uMufinjile akuvha nu vhulanzi nu vhutehamu.

2 VaKolinti 10:5

Tukunanganya amabaado ni zinji zyonti zye zikuvhadinda avhantu kuuti vhatamumanyaje uMulungu. Havhili tukuzigoma insiivho zyonti, inga zimushindihaje uChilisiti.

2 VaKolinti 13:11

Ishi vhamwitu, nkuvhalaga nkuti museshelaje. Musimpaje nu kusuvhalizanya nu kuvha nu vhuliilani nu vhutehamu. Woope uMulungu uwa shikunzi nu vhutehamu kwe avhanje pooka niimwe.

VaGalati 5:22

Ileelo inga tukulongolwa nu Mupepo uMufinjile, tukuvha na mantonongwa iga: ishikunzi nu luseshelo nu vhutehamu nu vhujimbiilizu nu vhwinza nu vhutesi nu vhutungamu

VaEfeso 3:19

Nkulaavha kuuti, mumanye vwe ishikunzi isha Chilisiti shili uvhupiti, isheene shikuluusya uvhumanyinsanyi vhwinyu. Pe kwe muvhe mwe vhalunjisu inza uMulungu.

Filipi 1:1

Ukalaata uno nsimvile ine ne Paavhuli pooka nu Tiimoti, twe vhavhomvi avha Chilisiti uYeesu. Tukuvhasimbila imwe, mwe vhafinjile avha mu nkaaya iya Fiilipi, pooka na vhimiilizi vhiinyu na vhatuuli avha shivhanza.

Filipi 1:2

UTaata wiitu uMulungu nu Mwene uYeesu Chilisiti, vhavhafwilaje uvhwila nu kuuvhapa uvhutehamu.

Filipi 4:19

Woope uMulungu wiitu alivhiizuzya viila vwe musovheliilwe, kulandatana nu vhudumbwe vhwakwe uvhwa kusukumizya kutuushila kwa Chilisiti uYeesu.

Filipi 4:21

Mundamushile avhafinjile vhonti, mwa Chilisiti uYeesu. Avhamwitu vhonti vhe tuli navho pooka ipa, vhakuvhalamuha.

Filipi 4:9

Muvhombaje zyonti zye mwásambiliiye nu kuziposheela kuli ine, izyo zye mwázyivuuye nu kuzilola. Muzivhombaje izyo, pe uMulungu we akuuvhapa uvhutehamu, aliivha pooka niimwe.

Kolosi 3:15

Uvhutehamu uvhwa Chilisiti vhuvhalongozyaje mu mooyo giinyu. UMulungu ávhiisite mwenti kuuti muvhe pooka inza ivipelwa ivwa mu muvhili wooka, inga muvhe nu vhutehamu uvhwo. Mumusalifwaje uweene.

2 VaTesaloniki 3:16

Ishi, uMwene uYeesu wuuyo we vhwandilo vhwa vhutehamu, avhapanje uvhutehamu amanda gonti ku madala gonti. Uweene avhe pooka niimwe mwenti.

VaHebuli 13:20

UMulungu uwa vhutehamu ámuzyusiizye uMwene wiitu uYeesu, uMudiimi uMupiti uwa ngʼonzi, uweene we áyiisite amavhanda gaakwe pa shihovhenkanyo ge gakuhomeshezya ulufingwi ulwa shiima.

uYuuda 1:1

Ukalaata uno nsimvile neene ne Yuuda. Ine ne muvhomvi uwa Yeesu Chilisiti, havhili ne munine uwa Yaakobu. Nkuvhasimbila imwe mwe uTaata uMulungu ahavhiita nu kuvhakunda, havhili uYeesu Chilisiti akuvhasunjiilila.

Ishitushizya 1:4

Ikalaata ili nsimvile ne neene ne Yoohani. Nkuvhasimbila mwe vha vivhanza 7 ivwa mu nsi iya Aasiya. Muvhanje nu vhwila nu vhutehamu vhwe vhukufuma kwa Mulungu, uweene we áliipo na we aliipo na we aliyinza. Havhili muvhanje nu vhwila nu vhutehamu vhwe vhukufuma ku Mpepo 7 zye zili pilongolela ilya shitengo shaakwe isha vhumwene,

Ishitushizya 2:17

We ali na makutwi, atejeelezye ziila zye uMupepo uMufinjile akuvivhuuzya ivivhanza. Ula we alipoota indingo ndiimupa imana iya kukwilu. Havhili ndiimupa ivhwe izelu lye lisimviilwe izina ipwa. Ataliipo we alilimanya izina ilyo, nkandi we wula we akuliposheela.”