Filipi 4:5 - ULufingwi uLupwa

⁵ Uvhutonsu vhwinyu vhumanyishe ku vhantu vhonti. UMwene uYeesu apalamiiye.

Tesitamenti Umupwa 1965

⁵ Intembwele zyinyu zimanyihaje kuvantu vonti. UMwene apalamiye.

Filipi 4:5 Iomraidhean Croise

Matayi 6:25

“Pe ishi, nkuvhavhuuzya kuuti, mutayitamwaje ni zya vhulanzi vhwinyu kuuti, kwe mulye ishooni, poosye kuuti kwe mumwele ishooni, poosye ni zya mavhili giinyu kuuti kwe muzwale ishooni. Nkuvhavhuuzya vhwevhulo, mwe pe uvhulanzi vhuli ni nsavho kuluusya ishaakulya, woope umuvhili wuli ni nsavho kuluusya amenda.

Matayi 6:34

“Ishi mutayitamwaje ni zya ndaavhi, mwe pe izya ndaavhi ziliyiyimbila zyeka. Insiku zyonti zili ni ntamwo zyakwe.”

uLuuka 21:34

“Muvhe minso, inga mutahinze mumenwe ni mpapilo mbiivhi nu vhwashimwela ni ntamwo izya mu vhulanzi uvhwa mu nsi umu, isiku ilya kumpeleela ilyo lilivhitushizya kuvhinzila.

1 VaKolinti 16:22

Umuntu wonti we atakumukunda uMwene uYeesu, atipwaje. Malanaasa, kwe kuuti we Mwene uyinze!

1 VaKolinti 6:7

Kulongana ukwo kukulolesya kuuti muposiitwe nziila. Vhuli, te kwashi kumuleha umuntu avhavhombele havhiivhi nu kuvhafwula ivwuma vwinyu?

1 VaKolinti 8:13

Ishi, inga ishaakulya she nkulya, shikumupelela uwamwitu kuvhomba uvhutalamalandu, ipo pe te nkaalye inyama naalumo, inga uwamwitu atahinze ayinjile mu vhutalamalandu.

1 VaKolinti 9:25

Vhe vhakutumvanya mu luvhilo, vhakuvhomba izya kugakonzya amavhili gaavho, inga vhapoote ulutumvanyo. Vhakuvhomba izyo, inga vhaposheele ishipambwi she shikunanjiha. Ileelo iswe tukuvhomba vhwevhulo, inga tuhaposheele ishipambwi she shitakunanjiha naalumo.

2 VaKolinti 10:1

Ishi, ine ne Paavhuli ne nkuloleha ne mutonsu lwe indi pooka niimwe, ileelo nkuloleha ne muhali lwe indi ukutali niimwe, nkuvhalambiilizya ku vhwahayiisye na ku vhutonsu uvhwa Chilisiti,

2 VaTesaloniki 2:2

mutasaagaje nu kuvha na maganigani kuzya nongwa izya vhukuvhwi, poosye izya kulumbiilila, poosye izya kalaata we akusivhiililwa kuuti afumile kuli iswe, kuuti isiku ilya kwinza uMwene lifisile.

uTiiti 3:2

Patahaavhe avhantu vhe vhakuligana, poosye avha ivho, nkandi vhajimbililaje nu kulolesya uvhutonsu ku vhantu vhonti.

VaHebuli 10:25

Tutahagaleshe amaata giitu aga kuhomaana inza vwe avhantu avhanji vhalesile kuhomaana. Ileelo tujendeelele kugomanya amooyo, mwe pe tumanyile kuuti isiku ilya kugaluha uMwene uYeesu lipalamiiye.

VaHebuli 10:37

Yeenya, yisimviilwe mu Vhusimbe uVhufinjile kuuti, “Hasyaye ahavhaliilizyo hansi nkaani, uyo we akwinza, kwe ayinze, havhili te ahaavhe.

1 Peteli 1:11

UMupepo uwa Chilisiti we áali muhati yaavho, ákuvile izya mayimba aga Chilisiti, nu vhushindamu vhwe vhulilandata pisinda. Avhakuvhwi ivho vhálondooye nkaani, inga vhamanye kuuti inongwa izyo zilifumila lii.

1 Peteli 4:7

Uvhusililishilo uvhwa vintu vwonti vhupalamiiye, ishi muyikonzyaje, havhili muvhanje minso ku zye mukuvhomba, inga mulaavhaje vwe yikwanzilwa.

Ishitushizya 22:20

We akuhomeshezya kuli izi, akuti, “Nalyoli nkwinza naluvhiilo.” Amina. Uyinze Mwene Yeesu!

Ishitushizya 22:7

UYeesu akuti, “Yeenya, nkwinza naluvhiilo. Alosiitwe uweene we akugashindiha amazwi aga vhukuvhwi ge gali mwi ikalaata ili.”