Filipi 4:3 - ULufingwi uLupwa

³ Niiwe wamwitu, muvhomvi umutungamu, nkukulaavha kuuti, uvhaavwe avhamaayi ivho vhavhili. Nkulaavha vhwevhulo, mwe pe ivho tuhayimvilwaga pooka navho kuliyanjila Izwi iLyinza izya kulipoha. Twámile pooka nu Kelementi na vhavhomvi avhamwitu avhanji, vhe amazina gaavho gasimviilwe mwi ikalaata ilya vhulanzi.

Tesitamenti Umupwa 1965

³ Ena nkukulambilizya nawe we mukunjilinkani wane uwa nalyoli, ukuti uvatulʼavantanda vanava, she vayikunguye ukukumusyʼIvangeli poka nane nuKelementi navamwavo ve vahantulʼimbombo, vʼamazina gavo gali mwa kalata wa vulanzi.

Filipi 4:3 Iomraidhean Croise

uLuuka 10:20

Ileelo inga mukuseshela, mwe pe impepo inkandamanu zikuvhashindiha, muleshe kuseshela kuli izyo vhweleele, nkandi museshelaje, mwe pe amazina giinyu gasimviilwe nu Mulungu ku mwanya.”

VaLoma 12:1

Ishi vhamwitu, mwe pe uMulungu ali nu vhwila kuli iswe, nkuvhalambiilizya kuuti muyifumwaje amavhili giinyu kuvha ngati mpuutile indanzi, imfinjile ye yikumuhondezya uMulungu. Yeenya, kuvhomba vhwevhulo lye lidala ilya nalyoli ilya kumupuuta.

VaLoma 16:12

Mundamushile uTilifaayina nu Tilifoosa. Avhantanda ivho vhakuvhomba ku mute nkaani imbombo iya Mwene uYeesu. Havhili, mundamushile unkundwa waane uPeelesi. Uno woope mwantanda we ávhomvile ku mute nkaani imbombo iya Mwene uYeesu.

VaLoma 16:9

Mundamushile uAlubaano, umuvhomvi uwamwitu mu mbombo iya Chilisiti, pooka nu nkundwa waane uSitaaku.

Filipi 1:12

Mwe vhamwitu, nkwanza mumanye kuuti, amayimba gonti ge ganaazile gavwizye nkaani kukumusya Izwi iLyinza.

Filipi 1:16

Ivha, vhakulumbiilila ku mwoyo uwa shikunzi, mwe pe vhamanyile kuuti uMulungu ansavhuuye, inga ndumbililaje Izwi iLyinza.

Filipi 1:27

Ileelo ulujendo lwinyu luvhe inza vwe Izwi iLyinza ilya Chilisiti likwanza. Pe inga nkwinza kuvhavuula, poosye inga ntaliipo, inivwaje inongwa zyinyu kuuti mukusimpa ku mwoyo wooka. Havhili inivwaje kuuti, mukulwila ulwitiho ulwa Izwi iLyinza pooka.

Filipi 1:5

mwe pe imwe mukunaavwa kulumbiilila Izwi iLyinza kufuma isiku lye mwítisile, kufishila ileelo.

Filipi 1:7

Nalyoli yihondeeye kuvhasivhiilila izi mwenti ku luseshelo, mwe pe imwe muli mu mwoyo waane. Imwe mwenti mukunavwaga ine imbombo iya Mulungu iya kuliyanjila Izwi iLyinza izya kulipoha, ahavhaliilizyo he nkunziilwe, poosye he náshiili kukungwa.

Filipi 4:2

Nkuvhalambiilizya avha Evodiya nu Sintiike, kuuti vhavhe nu lwivwano ulwa mwa Mwene.

Kolosi 1:7

Mwásambiliiye Izwi iLyinza ilyo kufuma kwa Epaafula. Uweene, muvhomvi wamwitu unkundwa, akuvhavhombela imwe kwa Chilisiti ku vhutungamu.

Ishitushizya 13:8

Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.

Ishitushizya 17:8

Ishihanu isho she washilola sháali shipuuma ileelo isaala izi shifuuye. Kwe shifume kwi ilivha ilya ku vhuzimu, ileelo uMulungu kwe ashilovwe. Vhe vhakutendama pa nsi vhalisukumila. Mwe muumwo, avhantu vhonti vhe amazina gaavho gatásimviilwe mwi ikalaata ilya vhulanzi, kufuma pe ulwalo ulwa nsi lwávhisiilwe, vhalisukumila. Vhalisukumila lwe vhashilola ishihanu isho she ku vhwandilo sháali shipuuma, havhili shihafwa ni saala izi shazyuha!

Ishitushizya 20:12

Pe nkavhalola avhafwe, avhapiti na vhansi, vhimiliiye pilongolela ilya shitengo isha vhumwene, amakalaata gahagubulwa. Havhili ikalaata ilyamwavho ilya vhulanzi lyope lihagubulwa. Pe uMulungu ahavhalonga avhafwe kulandatana nu lujendo lwavho, inza vwe lwásimviilwe mu makalaata igo.

Ishitushizya 20:15

Umuntu wonti we izina lyakwe litálolesile mwi ikalaata ilya vhulanzi, ahasumbilwa mwa sumbi we akwaha umwoto.

Ishitushizya 21:27

Ileelo shonti she shihandamanu te shihinjile muumwo, poosye umuntu wonti we akuvhomba izya kuviisya poosye izya ilenga te ahinjile muumwo. Vhevhaala vhweleele vhe amazina gaavho gasimviilwe mwi ikalaata ilya vhulanzi ilya Hagonzi aha MWENE uMulungu vhe vhaliyinjila.

Ishitushizya 3:5

Ula we alipoota indingo, alizwala ivizwalo ivizelu inza avheene. Havhili te nkalyefwe izina lyakwe mwi ikalaata ilya vhulanzi, nkandi ndilyitiha pilongolela ilya Taata waane na pilongolela ilya vhahavhizya vhaakwe.