Filipi 4:18 - ULufingwi uLupwa

¹⁸ Vhamwitu, mposheleeye ivintu vwonti viila vwe mwámusonteleziizye uEpafulodiito, kuuti andeetele. Havhili andeteeye ivwinji kuluusya vwe naasovheliilwe, pe ishi indi navwo ivwinji. Ivintu ivwo, vili ngati mpuutile iya mununsi umwinza, havhili mpuutile ye yikwitishilwa nu kumuhondezya uMulungu.

Tesitamenti Umupwa 1965

¹⁸ Pe ndi naṿwo ṿwonti, ṿikulafuha. Yinkwiliyʼine, shʼahampa uEpafulodito ṿiṿwo ṿwe muhantumilʼimwe, ṿikununchilʼimfu-ngo, ye mputile yʼakuposhelʼuMulungu, yʼakuyishelʼuwene.

Filipi 4:18 Iomraidhean Croise

iMbombo izya Vhatumwa 10:4

UKolineeliyo ahamutontomela uhavhizya uyo kwi lyoga, ahamuvhuziilizya ahati, “We mwene, kuli shooni?” Uhavhizya ahamuvhuuzya ahati, “UMulungu ayiivwa kulaavha kwaho, havhili azyitiha impuutile zyaho zye ukuvhaavwa avhapiina. Zyonti izyo azimanyile, akuzikumbuha ku mwanya.

VaLoma 12:1

Ishi vhamwitu, mwe pe uMulungu ali nu vhwila kuli iswe, nkuvhalambiilizya kuuti muyifumwaje amavhili giinyu kuvha ngati mpuutile indanzi, imfinjile ye yikumuhondezya uMulungu. Yeenya, kuvhomba vhwevhulo lye lidala ilya nalyoli ilya kumupuuta.

2 VaKolinti 11:8

Lwe nkuvhomba imbombo kuli imwe, nkaposheelaga ivwa kunaavwa kufuma ku vivhanza ivinji. Kufumiilana niilyo náamile ngati nkuvhafwula ivintu vwavho, inga mbaavwe imwe.

2 VaKolinti 9:12

Yeenya, imbombo ino ye mukuvhomba, te kuuti yikwavwa avhafinjile vhe vhasovheliilwe vhweleele, yikuvhavhiiha na vhantu avhinji vhamusalifwaje nkaani uMulungu.

VaEfeso 5:2

Mukundanaje ahavhaliilizyo honti, inza vwe uChilisiti ahatukunda nu kufwa ku zyitu. Ahayifumwa inza impuutile iya mununsi umwinza ye yikumuhondezya uMulungu.

Filipi 4:12

Mbeleleeye kusovhelwa, havhili mbeleleeye kuvha ni vwinji. Ahavhaliilizyo honti na ku nongwa zyonti nsambiliiye kuyaayana. Nsambiliiye kwikuta nu kuvha ni nzala, havhili nsambiliiye kuvha ni vwinji nu kusovhelwa.

2 VaTesaloniki 1:3

Vhamwitu, tukwanzilwa kumusalifwa uMulungu amanda gonti ku zyinyu, mwe pe ulwitiho lwinyu lukukula, havhili kukundana kwinyu kukwonjela nkaani.

VaHebuli 13:16

Mujendeelele kuvhomba inyinza nu kuvhaavwa avhamwinyu ivintu vwe muli navwo, mwe pe kuvhomba vhwevhulo, ye mpuutile ye yikumuhondezya uMulungu.

1 Peteli 2:5

Niimwe vhweleele muli ngati mavhwe amalanzi. Muzengwilwe kuvha nyumba imfinjile ye yitakuloleha pa minso amazelu. Umwo niimwe mwe vhapuuti avhafinjile vhe vhakufumwa impuutile zye zitakuloleha pa minso amazelu. Impuutile izyo zikwitishilwa nu Mulungu kwi idala ilya Yeesu Chilisiti.