Filipi 4:1 - ULufingwi uLupwa

¹ Ishi vhamwitu mwe mbakunzite nu kuvhasamba nkaani, imwe mwe mukumbiiha kuuti mbe nu luseshelo nu kuposheela ishipambwi. Vhankundwa mukwanzilwa kusimpa mwa Mwene uYeesu.

Tesitamenti Umupwa 1965

¹ Mwe mumwo lelo mwe vamwitu avankundwa vane, mwe mbasamṿile nkani, mwe luseshelo lwane nishipambwi shane, musimpaje vovulo mwa Mwene, mwe vankundwa.

Filipi 4:1 Iomraidhean Croise

Matayi 10:22

Avhantu vhonti vhalivhavitilwaga, mwe pe mukundandata ine. Ileelo we alijimbiilila kufishila ku vhusililishilo we aliipokwa.

Yohani 8:31

Pe uYeesu ahavhavhuuzya aVhayuuda vhe vhámwitisile ahati, “Inga mukugalandata amazwi gaane ge nkuvhasambiilizya, pe nalyoli kwe muvhe mwe vhasundikwa vhaane.

iMbombo izya Vhatumwa 11:23

Lwe aafiha ukwo, ahalola vwe uMulungu avhaloosite avhantu ivho, ahaseshela nkaani. Ahavhalambiilizya vhonti kuuti, vhajendelelaje kuvha vhatungamu kwa Mwene uYeesu ku mwoyo wonti.

iMbombo izya Vhatumwa 14:22

Umwo mwonti vhahavhagomwaga avhalandati amooyo nu kuvhasoha kuuti vhasimpaje mu lwitiho. Vhahavhavhuzyaga kuuti, “Tukwanzilwa kutuushila amayimba aminji, kwinjila mu vhumwene uvhwa Mulungu.”

iMbombo izya Vhatumwa 2:42

Avhatumwa avha Yeesu vhahasambilizyaga izwi ilya Mulungu ku vhaala vhe vhámwitisile. Vhonti vháamile nu vhuliilani, vhahamensulanaga ikaati nu kulya pooka, nu kumulaavha uMulungu pooka.

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

1 VaKolinti 15:58

Ishi vhamwitu vhankundwa, musimpaje, mutavunzihaje umwoyo mu lwitiho. Insiku zyonti, mukanyilaje kuvhomba imbombo iya Mwene uYeesu, mwe pe mumanyile kuuti, imbombo ye mukuvhomba mwa Mwene, mutakuyimba vhweleele.

1 VaKolinti 16:13

Muvhanje minso nu kusimpa mu lwitiho, havhili mutavhanje ni lyoga, nkandi muvhanje mwe vhadandamazu.

VaGalati 5:1

UChilisiti atusatuuye, inga tuvhe twe vhasatushe. Ishi musimpe ku maha, mutahiitishe kuvha mwe vhazya avha ndajizyo havhili.

Filipi 1:27

Ileelo ulujendo lwinyu luvhe inza vwe Izwi iLyinza ilya Chilisiti likwanza. Pe inga nkwinza kuvhavuula, poosye inga ntaliipo, inivwaje inongwa zyinyu kuuti mukusimpa ku mwoyo wooka. Havhili inivwaje kuuti, mukulwila ulwitiho ulwa Izwi iLyinza pooka.

Filipi 1:8

UMulungu amanyile kuuti, zye nkuyanga zya nalyoli lwe nkuhomeelezya kuuti, ku shikunzi isha Chilisiti uYeesu, nsamvile nkaani kuvhalola.

Filipi 2:16

Mugalemaje amazwi aga vhulanzi. Kuli izyo, pe niine ndiyitumvwa isiku liila lye uChilisiti aligaluha, mwe pe yililoleha kuuti, umute waane ni mbombo yaane vitáali vhweleele.

Filipi 2:26

Niishi avhasamvile nkaani imwe mwenti. Aswimiliilwe nkaani, mwe pe imwe mwivuuye kuuti aamile muvhinu.

Kolosi 4:12

UEpaafula umuntu uwa ku mwinyu, umuvhomvi uwa Chilisiti uYeesu, akuvhalamuha. Ahavhaliilizyo honti akuyikungula kuvhalaavhila imwe inga musimpaje mu lwitiho, havhili muvhe mwe vhalunjisu nu kuvha mwe vhadandamazu ku zyonti zye uMulungu akwanza.

1 VaTesaloniki 3:13

Havhili avhagomwe amooyo giinyu, inga muvhanje mwe vhafinjile. Muvhanje ishisita ulukwinkwino pilongolela ilya Taata wiitu uMulungu, lwe akwinza uMwene wiitu uYeesu pooka na vhafinjile vhaakwe vhonti. Amina!

2 VaTesaloniki 2:15

Ishi vhamwitu, musimpe nu kulema insambiilizyo zye mwáposheleeye kutuushila mu mazwi giitu ge twálumbiliiye, poosye ge twávhasimbiiye mwi ikalaata lyitu.

2 Timoti 2:1

Ishi we mwana waane, uvhe na maha kwi idala ilya vhwila vhwe tukuvhwaga mwa Chilisiti uYeesu.

VaHebuli 10:23

Ishi pe tulemeelele nziila ulwitiho ulwo lwe tukulwitiha, mwe pe uweene we áfinzile mutungamu.

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

VaHebuli 4:14

Ishi, mwe pe tuli nu mupuuti umupiti nkaani we ásogooye nu kwinjila ku mwanya, uYeesu uMwana wa Mulungu, tuzileme nkaani ziila zye tukuzyitiha.

2 Peteli 3:17

Ishi ileelo imwe vhankundwa, mwe pe mwazimanya inongwa izya vhasambiilizi avha ilenga, muvhanje minso kuuti vhatahinze vhavhahopenkanye kwi idala ilya kuvhalumila ilenga. Inga mukuvhatejeelezya, munginze mugwe nu kululeha ulwitiho lwinyu ulwa nalyoli.