Filipi 3:8 - ULufingwi uLupwa

⁸ Havhili te ziniizyo vhweleele, nkandi ni zyamwavho zyonti, nkuzilola kuuti she shooka nu vhuluuzwe, kuzya vhwinza vhwe vhutali ni shipimilo uvhwa kumumanya nkaani uMwene waane uChilisiti uYeesu. Uweene ku zyakwe mposheleeye uvhuluuzwe uvhwa izyo zyonti. Havhili nkuzilola inza amavi, inga imwaje uChilisiti

Tesitamenti Umupwa 1965

⁸ Ilelʼishi zyonti nziwenyi ukuva zya kunazya, she mbwenyi ukumumanyinsanya uChilisiti Yesu uMwene wane kwe kulusizye uvugomu, we nziloṿezizye mumwakwe zyonti, we zyonti nziloleye mumwakwe ukuva makoko matupu, ukuti imulonche we Chilisiti,

Filipi 3:8 Iomraidhean Croise

uLuuka 1:43

Ine ne naanu ne umaayi uwa Mwene waane ayinzile kunshuulila?

uLuuka 11:20

Ileelo ine, inga nkushimbizya impepo inkandamanu ku maha aga Mulungu, pe uvhumwene uvhwa Mulungu vhwinzile kuli imwe!

Yohani 14:20

Isiku ilyo, muliimanya kuuti ine indi muhati iya Taata waane, niimwe muli muhati yaane, niine indi muhati yiinyu.

Yohani 14:7

Inga mwaamanyile ine, nkandi mumumanyile nu Taata waane. Kwandila ishi, mumumanyile uTaata, havhili mumuvhwenyi.”

Yohani 16:3

Vhalivhavhombelaga vhwevhulo, mwe pe vhatamumanyile uTaata, havhili niine vhweleele vhatamanyile.

Yohani 17:3

Uvhulanzi uvhwa shiima uvhwo vhukuposheelwa kwi idala ilya vhantu kukumanya kuuti iwe we Mulungu weeka uwa nalyoli, havhili kumanya niine kuuti ne Yeesu Chilisiti ne untumile ku kwavho.

Yohani 17:8

mwe pe mbavhuziizye amazwi gonti ge wámbuziizye. Vhoope vhagaposheleeye, havhili vhamanyile kuuti nalyoli mfumile ku kwaho, havhili vhitisile kuuti iwe we unsonteleziizye.

Yohani 20:13

Avhahavhizya ivho vhahamuvhuziilizya vhahati, “We maayi, shooni she ukukuuta?” Ahavhaamula ahati, “Avhantu vhamo vhefwizye ishaala isha Mwene waane, havhili ntamanyile kwe vhashivhiisile!”

Yohani 20:28

UToomasi ahamwamula uYeesu ahati, “Iwe we Mwene waane, havhili iwe we Mulungu waane!”

iMbombo izya Vhatumwa 20:24

Ileelo ntakusaajila uvhulanzi vhwane kuuti vhwa nsavho kuli ine. Nkwanza kuuti imale ulwaji ni mbombo ye uMwene uYeesu ampiiye, kuuti ndumbiilile Izwi iLyinza ilya vhwila uvhwa Mulungu.

VaLoma 8:18

Amayimba giitu aga havhaliilizyo iha, ntakulola kuuti shintu, inga naholanya nu vhushindamu vhwe uMulungu aliitupa ahavhaliilizyo he hakwinza.

VaLoma 8:39

gavhe maha ga ku mwanya, poosye ga pa nsi. Shitaliipo ishipelwa naashimo she shingatulehaanya ni shikunzi isha Mulungu she shili mwa Chilisiti uYeesu uMwene wiitu.

1 VaKolinti 2:2

Lwe náali kuli imwe námuuye mu mwoyo waane kuuti ntahayanje ishinji naashimo, nkandi zye nongwa izya Yeesu Chilisiti, inkaani kufwa kwakwe pa shihovhenkanyo.

1 VaKolinti 9:10

Vhuli, atahayangaga izyo ku nongwa yiitu? Mwe muumwo, inongwa izi zyásimviilwe ku zyitu, mwe pe we akulima, na we akuvuna mu mugunda uwo, vhonti vhakwanzilwa kusuuvhila kuposheela shimo kufuma mu vwe vivuniilwe.

2 VaKolinti 4:4

Litamanyisile kuli ivho, mwe pe uSeetano we wu mulungu uwa nsi ino, agubishiiye injeele izya vhantu vhe vhatamwitisile uChilisiti, inga vhapotwaje kuvhulola uvhuzelu uvhwa Izwi iLyinza ilya vhushindamu uvhwa Chilisiti, we shiholanyo isha Mulungu.

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.

VaGalati 1:16

Ávhwenyi kuuti hinza andolesezye uMwana waakwe vwe ali, inga ndumbiilile izwi lyakwe ku vhantu vhe te Vhayuuda. Ahavhaliilizyo haala ntásogooye naluvhiilo kwa muntu wonti kumuvhuziilizya zye nkwanzilwa kuvhomba.

VaEfeso 4:13

Ishivhanza shizengwe, kufishila pe ulwitiho lwitu swenti lwavha lwoka na pe twamumanya uMwana wa Mulungu, kwe kuuti, kufishila pe twakula nu kugoma nu kuvhufishila uvhulunjisu uvhupiti inza uvhwa Chilisiti.

Filipi 1:1

Ukalaata uno nsimvile ine ne Paavhuli pooka nu Tiimoti, twe vhavhomvi avha Chilisiti uYeesu. Tukuvhasimbila imwe, mwe vhafinjile avha mu nkaaya iya Fiilipi, pooka na vhimiilizi vhiinyu na vhatuuli avha shivhanza.

Filipi 3:10

Nkwanza kumumanya uChilisiti, na maha aga kuzyuha kwakwe. Havhili imbe na mayimba inza uweene, inga nkolane nawo poosye kufwa kwakwe.

Filipi 3:12

Ntakuti nzifishiiye zyonti izyo, havhili ntakuti ne mulunjisu ku zyonti. Ileelo nkujendeelela kudaga, inga mfishile zyonti. UChilisiti uYeesu ansavhuuye, inga mfishile izyo zyonti.

Filipi 3:7

Ileelo zyonti zye nkazilolaga kuuti lilonka kuli ine, ishi nkuzilola kuuti vhuluuzwe vhweleele kuzya Chilisiti.

2 Timoti 4:6

Nkukuvhuuzya izyo, mwe pe ine vhakwanza kungoga inza kufumwa impuutile iya divaayi kwa Mulungu, mwe pe ahavhaliilizyo haane aha kufwa hafisile.

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

1 Peteli 2:7

Ivhwe ilyo lya nsavho kuli imwe mwe mukwitiha, ileelo ku vhaala vhe vhatakwitiha, “Ivhwe lye avhazenzi vhálihaanile lye lyavha livhwe ipiti ilya pa shipembe isha nyumba.”

2 Peteli 1:2

UMulungu ayonjezye kuvhafwila uvhwila nu kuuvhapa uvhutehamu kwi idala ilya kumumanya uweene nu Yeesu uMwene wiitu.

2 Peteli 1:3

UMulungu ku maha gaakwe atupiiye ivintu vwonti vwe tukuvwanza mu vhulanzi vhwitu, nu kuvha nu lujendo ulwinza pilongolela lyakwe. UMulungu atupiiye vwonti ivwo kwi idala ilya kumumanya uweene we atwisite ku vhushindamu na ku vhwinza vhwakwe wuuyo.

2 Peteli 1:8

Inga vwonti ivwo vwonjela kukula mu mooyo giinyu, vikuvhaavwa kumumanya uMwene wiitu uYeesu Chilisiti nu kuvhomba inyinza mu vhulanzi vhwinyu.

2 Peteli 3:18

Ileelo mujendeelele kukula mu vhwila nu kumumanya uMwene wiitu nu Muposhi uYeesu Chilisiti. Uvhushindamu vhuvhanje nu weene ishi na shiima! Amina.

1 Yohani 1:3

Tukuvhakumusizya inongwa izya Yeesu uyo, we twámuvhwenyi nu kumwivwa, inga muvhe nu vhuliilani pooka niiswe. Mu vhuliilani uvhwo tuli pooka nu Taata uMulungu, nu Mwana waakwe uYeesu Chilisiti.

1 Yohani 2:19

Avhalugu ivho vhafumile kuli iswe, ileelo vhataamile nu vhuliilani uvhwa nalyoli niiswe. Mwe pe inga vhavhanje nu vhuliilani uvhwa nalyoli niiswe, nkandi vhasyaye kuli iswe. Ishi vheefile, inga yiloleshe apazelu kuuti vhataamile nu vhuliilani uvhwa nalyoli niiswe.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.