Filipi 3:6 - ULufingwi uLupwa

⁶ Lwe náshiili kupinduha, náali nu mute nkaani kushiyimvwa ishivhanza. Inga vhugolosu vhwe vhukufumiilana nu kuzilandata indajizyo izya Moose, ntáamile nu vhunanzi.

Tesitamenti Umupwa 1965

⁶ Izya kuyikungula zye nkashiṿwimʼishivanza, izya vugolosu vwa munkomelezyo zye nkasita ukuva nazyo nazimo izya kundonga.

Filipi 3:6 Iomraidhean Croise

Matayi 23:25

“Mwasheela imwe mwe vhasambiilizi avha ndajizyo, niimwe mwe Vhafalisaayi, mwe vhashifumbo imwe! Mukuyivhiiha mwe vhagolosu pilongolela ilya vhantu, ileelo muhati zyinyu mwizuuye uvhupumula vintu nu vhulugusu. Isho she shooka nu kwozya ulupindi nu luvhiga munzi vhweleele, nu kuleha muhati mwe mwizuuye uvhupoopo.

Matayi 5:20

Nalyoli nkuvhavhuuzya kuuti, inga uvhugolosu vhwinyu vhutakushila uvhwa vhasambiilizi avha ndajizyo izya Moose nu vhwa Vhafalisaayi, te muhinjile naalumo mu vhumwene uvhwa Mulungu.”

uLuuka 1:6

UZakaliya nu mushi vháamile vhagolosu pilongolela ilya Mulungu, vhahazilemaga ahinza indajizyo zyonti izya Mulungu ishisita ulukwinkwino.

iMbombo izya Vhatumwa 21:20

Lwe vhiivwa izyo, vhahamutiima uMulungu. Vhahamuvhuuzya uPaavhuli vhahati, “Wamwitu, waalola amashumi na mashumi aga Vhayuuda vhe vhamwitisile uYeesu. Vhonti ivho, vhali nu mute kuzilandata indajizyo izya Moose.

iMbombo izya Vhatumwa 22:5

Umupuuti umupiti pooka na vhasongo avhamwavho vhonti avha mu lukuvhato lwinyu ulwa vhalongozi, vhangahomeshezya kuuti zye nkuvhavhuuzya zya nalyoli. Avheene vhámpiiye avhakalaata, inga mbatwalile aVhayuuda avhamwitu vhe vhakutendama mu nkaaya iya Damaasiki. Nkasogola ukwo, inga mbakunje avhantu vhe vhakumulandata uMwene uYeesu, nu kuvhaleeta ku Yelusaleemu, inga vhaavhape isunde.

iMbombo izya Vhatumwa 26:5

Vhamanyile imbombo yaane ku havhaliilizyo ahatali. Inga vhakwanza, vhangahomeshezya kuuti, nalyoli náamile mu mpuga iya Vhafalisaayi. Avhantu avha mu mpuga ino vhakulandata indajizyo izya Mulungu kuluusya avhanji vhonti.

iMbombo izya Vhatumwa 8:3

Ahavhaliilizyo iho aha mayimba, woope uSaavhuli ahavhavwalanganyaaga avhantu avha mu shivhanza. Ahinjilaga mu nyumba zyavho, ahavhadendemulaga avhanaavuli na vhantanda nu kuvhakunga mu jeela.

VaLoma 7:9

Insiku izya kwisinda lwe ntázimanyile indajizyo izya Moose, nkalandilaga inza vwe nkwanza. Ileelo lwe nazimanya indajizyo, nkamanya kuuti ine ne mutalamalandu.

1 VaKolinti 10:32

Mutavhavwalazyaje amooyo aVhayuuda, poosye vhe te Vhayuuda, poosye avhantu avha mu shivhanza isha Mulungu.

1 VaKolinti 15:9

Ine ne munsi mu vhatumwa, ntahondeeye poosye nu kwitwa kuuti ne mutumwa, mwe pe náshiyimvwizye ishivhanza isha Mulungu.

Filipi 2:15

Muvhe mwe vhaana avha Mulungu vhe vhalunjisile, havhili vhe vhazelufile. Mutahaavhe nu lukwinkwino, poosye uvhunanzi mu vhantu avha havhaliilizyo iha aha lukaani nu vhupuvi. Mu vhantu ivho, imwe mukuloleha inza uvhuzelu mu nsi.

Filipi 3:9

nu kuvha pooka nawo. Ntakusuuvhila havhili indajizyo, inga mbaazilwe kuuti ne mugolosu kuli izyo. Kuvhaazilwa kwane kuuti ne mugolosu, kuvhe kwi idala ilya kumwitiha uChilisiti. Kuvhaazilwa ukwo, kwe kukufuma kwa Mulungu, havhili kukuvha kwi idala ilya lwitiho.

1 Timoti 1:13

Pooka nu kuuti kwisinda ukwo nkamuligaga nu kuvhayimvwa avhantu vhaakwe nu kuvhasaamula, ileelo ámfwiliiye uvhwila. Nkavhombaga izyo ishisita kumanya, lwe nshiili kuvha nu lwitiho.