Filipi 3:19 - ULufingwi uLupwa

¹⁹ Vhalisilila kulovha. Avhalugu ivho, impapilo zyavho we wu mulungu waavho. Vhakuyitumvwa ku nongwa zye zingavhasuupizya, havhili vhakusiivha izya mu nsi umu.

Tesitamenti Umupwa 1965

¹⁹ Avene kumpelela kwe vutupulwa vutupu, shʼavene umulungu wavo vula, uvumwamu vwavo vuli munsoni zyavo, vakupangamala zye zya munsʼino.

Filipi 3:19 Iomraidhean Croise

Matayi 16:23

Ileelo uYeesu ahagalunkana kwa Peeteli, ahamuvhuuzya ahati, “Galuuha mwisinda iwe Seetano! Ukulinga kundinda kuvhomba ulukasamo ulwa Mulungu! Nkukuvhuuzya isho, mwe pe zye ukusiivha te zya Mulungu, ukusiivha izya vhantu.”

Matayi 25:41

“Pe vhoope vhe vhali ku luvhazu lwane ulwa kumongo ndivhavhuuzya ndiiti, ‘Yeepi ipa imwe mwe mutifiilwe! Mwinjile mu mwoto uwa shiima we uMulungu ámusenganiziinye uMukwalanzi na vhahavhizya vhaakwe.

uLuuka 12:19

Ipo pe ndivhuvhuuzya umwoyo waane ndiiti, “Ishi uli ni vintu ivwinji ivwinza vwe kuuti vilimushe amaaha aminji. Pe ishi, tuzyaga nu kulya nu kumwela nu kuseshela.”’

uLuuka 16:19

“Kwáli udumbwe wumo, we ahazwalaga amenda aminza aga nsavho impiti aga muhoola uwa mafwomfwo. Insiku zyonti, ahalyanga ishaakulya isha nsavho impiti.

uLuuka 18:4

“Insiku inyinji zihatuuha, umulonzi uyo ahajendelelaga kuhaana kumwavwa umuziishe uyo. Pe ku vhusililishilo, ahayisivhiilila mu mwoyo waakwe ahati, ‘Pooka nu kuuti ntakumunyila uMulungu, poosye kuvhasaajila avhantu,

VaLoma 16:18

Nalyoli avhantu inza ivho vhatakumuvhombela uMwene wiitu uChilisiti, vhakuvhomba ku nsiivho iya kulondola ivintu ivwa kulya vhuuvho. Ku vhuhopenkanyi vhwavho, vhakuyanga amazwi aminza aga kuvhahondezya, fwandi vhakuvhahopenkanya avhantu avha lwitiho uluyeyevhazu.

VaLoma 6:21

Vhuli, ahavhaliilizyo iho lwe muhavhombaga izyo zye ishi mukuzilolela insoni, mwáposheleeye lilonka vhuli? Uvhwanalyoli vhwe vhuno, zitali ni ilonka naalimo, uvhusililishilo vhwakwe vhufwe!

1 VaKolinti 3:3

Nkuyanga vhwevhulo, mwe pe poosye ishi mukulongolwa nu vhuntu uvhwa vhutalamalandu. Pahati yiinyu muli nu mwone ni ivho. Vhuli, izyo zitakulolesya kuuti muli she mukulongolwa nu vhuntu uvhwa vhutalamalandu nu kulandila inza avhantu avha mu nsi umu?

1 VaKolinti 5:2

Shooni she imwe mukuyitumvwa? Mulesile kuswimiililwa nu kumwefwa umuntu we akuvhomba izyo pahati yiinyu!

1 VaKolinti 5:6

Kuyitumvwa kwinyu te kwinza. Vhuli, mutamanyile kuuti umulembo uwa kuluzizya vhunsi vhweleele, vhukuluzya umunya wonti?

2 VaKolinti 11:12

Kwe njendeelele kuvhomba inza vwe nkuvhomba ishi, inga avhatumwa ivho vhe vhakuti vhapiti vhapootwe isha kuyitumvwa kuuti vhakuvhomba inza iswe.

2 VaKolinti 11:15

Pe tutakusukumila lwe vhoope avhavhomvi vhaakwe, vhakuyigalulanya kuvha ngati vhavhomvi avhagolosu. Uvhusililishilo vhwavho vhaliposheela zye zikulandatana ni mbombo zyavho.

VaGalati 6:13

Havhili vhe vhakwanza kuuti avhiitisi vhonti vhatahiililwe, avheene vhatakuzilandata indajizyo zyonti. Vhakwanza kuuti imwe mutahiililwe, inga vhayitumvwizye amavhili giinyu kuuti avheene vhe vhavhavhiisile kuuti mwandushe.

Filipi 2:21

Avhamwavho vhonti, vhakusaajila zye zyavho, vhatakusaajila zye uYeesu Chilisiti akwanza.

Kolosi 3:2

Muzisivhililaje izya ku mwanya, mutazisivhililaje izya pa nsi ipa,

2 VaTesaloniki 1:9

Isunde lyavho liliivha vhunanjisu uvhwa shiima nu kuvhavhiiha ukutali nu Mwene nu vhushindamu vhwakwe uvhupiti.

2 VaTesaloniki 2:12

Ipo vhonti vhe vhatakwitiha uvhwanalyoli, ileelo vhakusesheelela uvhutalamalandu, vhalilongwa.

2 VaTesaloniki 2:8

Ipo pe uMusambusu uyo aliloleha, ileelo uMwene uYeesu lwe akwinza alimugoga nu mwuyu kufuma mwi ilomu lyakwe. Havhili alimulovwa ku vhuzelu uvhwa vhushindamu uvhwa kwinza kwakwe.

1 Timoti 6:5

nu kudalinkana na vhamwavho shiima. Avhantu ivho zye vhakusiivha, mbiivhi, vhatali nu vhwanalyoli. Vhakusiivha kuuti kuvha nu lujendo ulwinza pilongolela ilya Mulungu lye lidala ilya kulyaga ilonka.

2 Timoti 3:4

Vhaliivha vhantu vhe vhakwaniilila avhamwavho, nu kuvha na mabaado nu kuyitumvwa. Havhili vhaliivha vhantu vhe vhakusungwa nkaani izya kuhondezya amooyo gaavho, kuluusya kumukunda uMulungu.

Yakobu 4:16

Ileelo imwe mutakuvhomba vhwevhulo, mu kuyitiima nu kuyitumvwa. Kuyitumvwa kwinyu ukwo kuvhiivhi.

2 Peteli 2:1

Ahavhaliilizyo aha vhakuvhwi, vháfumiiye avhakuvhwi avha ilenga mu Vhaisilayeeli. Vhwevhulo, avhasambiilizi avha ilenga vhalifumila muhati yiinyu. Avhasambiilizi ivho vhalileeta ku vhuzigizigi insambiilizyo izya ilenga nu kumuhaana uYeesu uMulongozi uMupiti we ávhatavhuuye. Kwi idala ilya nsambiilizyo zyavho, vhaliyileteelela naluvhiilo kulovha kwavho.

2 Peteli 2:13

Avhantu ivho vhaliyimvilwa kuzya mayimba ge vhahavhavhombelaga avhanji. Avheene vhakuseshela kuvhomba izya vhupafu apazelu. Havhili lwe muli pooka navho pa mulyo uwa shikunzi, vhakuvhapezya insoni imwe, kuzya mbombo zyavho imbiivhi zye zili inza amabada mu mwenda umuzelu.

2 Peteli 2:3

Avhasambiilizi avha ilenga ivho, ku mpapilo zyavho vhalivhavhuzyaga ivwili ivwa ilenga, inga muvhapanje ivintu vwinyu. Ileelo kufuma hali uMulungu ayisengiinye kuvhalonga, havhili akuzilola zye vhakuvhomba. Alivhalovwa naluvhiilo!

uYuuda 1:10

Ileelo avhantu ivha, vhakusaamula inongwa zye vhatazimanyile. Havhili inongwa zimo vhazimanyile inza ivihanu vwe vitali ni njeele. Inongwa izyo zye zikuvhalovwa.

uYuuda 1:16

Ivha, vhantu vhe vhakuyivhuna nu kukwinkwina shiima. Vhakulandata impapilo zyavho, havhili vhakuyanga amazwi amamwamu nkaani aga kuyitumvwa. Vhakuvhatiima avhantu inga vhalyaje ilonka.

uYuuda 1:4

Nkuvhasimbila ukalaata uno, mwe pe kuli avhantu vhamo vhe vhatakumushindiha uMulungu, vhayinjiziizye ku vhuzigizigi nu kusangaana niimwe. Avhantu ivho vhakugalulanya izwi ilya vhwila, inga livhitishilaje kuvhomba uvhumalaaya. Ivha vhantu vhe vhakumuhaana we ali weeka uMulongozi uMupiti, we wu Yeesu Chilisiti uMwene wiitu. Ileelo kufuma hali, uVhusimbe uVhufinjile vhwáyanzile kuuti vhalilongwa.

Ishitushizya 18:7

Mumuyimvwe nu kumuvhavwa kufumiilana nu kuyitumvwa kwakwe, kufumiilana ni mpapilo zyakwe. Akuyitumvwa mu mwoyo waakwe kuuti, ‘Ine nkutendama pa shitengo shaane nu kukonzya fwe ne samwene. Ine te ne muziishe, havhili ntaliswimiililwa naalumo!’

Ishitushizya 19:20

Ileelo we átendiime pa mfwalaasi ahashigoma ishihanu isho pooka nu mukuvhwi waakwe uwa ilenga, we ahavhombaga ivilolesyo pa luvhambo lwakwe. Ku vilolesyo vwakwe ivwo, ávhahopenkiinye vhaala vhe vháamile ni vimanyilo ivwa shihanu isho, na vhe vhahashipuutaga ishiholanyo shaakwe. Ishihanu isho pooka nu mukuvhwi uyo vhahasumbwa vhonti vhavhili, she vhapuuma mwa sumbi we akwaha umwoto uwa mbaluuti.

Ishitushizya 21:8

Ileelo avhantu avha ilyoga na vhe vhatakwitiha na vhapoopo na vhagozi na vhalugusu na vhalozi na vhe vhakupuuta iviholanyo na vha ilenga vhonti, uvhuyo vhwavho vhuliivha mwa sumbi ula we akwaha umwoto ni mbaluuti. Uwo we vhufwe uvhwa vhuvhili.”

Ishitushizya 22:15

Ileelo kunzi ukwo kuli imbwa na vhalozi na vhalugusu na vhagozi na vhaala vhe vhakupuuta iviholanyo na vhonti vhe vhakusungwa ilenga nu kuliyanga.