Filipi 3:18 - ULufingwi uLupwa

¹⁸ Imbavhuuzizye inongwa izi ulwinji. Ishi havhili nkuvhuyiila kuvhavhuuzya ku mansozi, kuuti avhantu avhinji vhakulandila ngati vhalugu avha shihovhenkanyo isha Chilisiti.

Tesitamenti Umupwa 1965

¹⁸ Shʼavinji vakujendela, ve nkavavuzyagʼimwe ulwinji, havili nashinishi nkuvavuzyʼimwe lwe nkukutʼamansozi ukuti ve valugu va shihovenkanyo sha Chilisiti.

Filipi 3:18 Iomraidhean Croise

uLuuka 19:41

UYeesu lwe apalamila nu kuyilola inkaaya iya Yelusaleemu, ahanda kukuuta kuzya mayimba ge gakwinza ku nkaaya iyo.

iMbombo izya Vhatumwa 20:19

Nkamuvhombelega uMwene uYeesu ku vhwahayiisye vhwonti na ku mansozi. Havhili nkayimbaga, mwe pe aVhayuuda vhahasiivhaga kungoga.

VaLoma 9:2

Nalyoli, ine indi nu vhuswimiilizu uvhupiti nu vhuvhaavi vhwe vhutakusila mu mwoyo waane,

1 VaKolinti 1:18

Inongwa izya kufwa uChilisiti pa shihovhenkanyo, vhe vhakuteega vhakulola vhwalangani, ileelo iswe twe tukupokwa, maha ga Mulungu.

1 VaKolinti 6:9

Mutamanyile kuuti avhavhiivhi te vhahinjile mu vhumwene uvhwa Mulungu? Mutahayihopenkanye! Avhalugusu na vhantu vhe vhakupuuta iviholanyo na vhavhembu, poosye vhe vhakuvhembuha avhanaavuli vhuuvho vheeka,

2 VaKolinti 11:13

Avhantu inza ivho vhatumwa avha ilenga, avheene vhavhomvi vhe vhakuhopenkanya, vhakuyivhiiha ngati vhatumwa avha Chilisiti.

2 VaKolinti 11:29

Inga wumo muyeyevhazu, niine nkuyiivwa kuuti ne muyeyevhazu, inga wumo vhamupelela kuvhomba uvhutalamalandu, niine nkuvha nu vhuswimiilizu.

2 VaKolinti 2:4

Naavhasimbiiye ukalaata uyo she indi nu vhuvwalale mu mwoyo na mayimba na mansozi. Insiivho zyane te kuuti nanzaga kuvhapelela uvhuswimiilizu, nkandi nanzaga mumanye vwe indi ni shikunzi kuli imwe.

VaGalati 1:7

poosye she te Lizwi iLyinza inga hansi. Nalyoli avhantu ivho vhakuvhatamwa imwe, havhili vhakwanza kwandula Izwi iLyinza ilya Chilisiti.

VaGalati 2:14

Pe lwe naalola kuuti vhatakuvhomba kulandatana nu vhwanalyoli uvhwa Izwi iLyinza, nkamuvhuuzya uKeefa apazelu pa vhantu vhonti nkati, “Pooka nu kuuti iwe we Muyuuda, ukulandata amaata aga vhantu vhe te Vhayuuda! Pe shooni she ukuvhavijiilizya avhantu vhe te Vhayuuda kulandata amaata aga Vhayuuda?”

VaGalati 2:21

Ntakwanza kuvhuhaana uvhwila uvhwa Mulungu. Yeenya, inga umuntu angavhaazilwa kuuti mugolosu kwi idala ilya kuzilandata indajizyo izya Moose, pe uChilisiti áfuuye vhweleele!

VaGalati 5:21

nu mwone nu vhwashimwela nu vhupafu ni zinji zye zikuholana niizyo. Nkuvhavhuuzya havhili inza vwe návhavhuziizye kuuti, avhantu vhe vhakuvhomba izyo, te vhahinjile mu vhumwene uvhwa Mulungu.

VaGalati 6:12

Vhe vhakuvhavijiilizya imwe kutahiililwa, vhakuvhomba vhwevhulo, mwe pe vhakwanza kushindikwa na Vhayuuda, ku ziila zye zikuvhombwa mu muvhili. Vhakuvhomba vhwevhulo, inga gatahavhaaje amayimba ge gakufumiilana nu kulumbiilila uvhwanalyoli uvhwa shihovhenkanyo isha Chilisiti.

VaGalati 6:14

Ileelo ine ntahaavhe ni shintu shonti isha kuyitumvwizya, injitumvwizyaje she shihovhenkanyo isha Mwene wiitu uYeesu Chilisiti. Kwi idala ilya shihovhenkanyo isho, imbombo izya vhantu avha mu nsi, zitali ni ilonka naalimo kuli ine, havhili zye nkulola zili ni ilonka, avhantu avha mu nsi vhakulola zitali ni ilonka.

VaEfeso 4:17

Ishi vhamwitu, nkuvhasoha nu kuvhahomeelezya ku maha aga Mwene uYeesu. Kwandila ishi, mutalandilaje fwe vhantu vhe vhatakumwitiha uMulungu, avheene insiivho zyavho zya shaaha.

Filipi 1:4

Kulaavha kwane kwonti, nkuvhalaavhila mwenti ku luseshelo,

1 VaTesaloniki 4:6

Muli izyo, umuntu wonti atahamunanjile uwamwavho, poosye kumuhopenkanya. Inza vwe twávhavhuziizye nu kuvhasoha kuuti, vhonti vhe vhakuvhomba izyo, uMwene uYeesu aliivhapa isunde.

2 VaTesaloniki 3:11

Twayanga amazwi iga, mwe pe twivuuye kuuti vhaliipo vhamo kuli imwe vhe vhahata, vhatakuvhomba naashimo, vhakuyinjizya mu zya vhanji.

2 Peteli 2:10

Alivhalonga vhaala vhe vhakuzilandata impapilo izya vhuntu vhwavho uvhwa vhutalamalandu nu kugasuufwa amaha aga Mulungu. Avhantu ivho vhali nu lukaani, havhili vhakuyitumvwa, vhakuvisaamula ivipelwa ivishindamu ivwa ku mwanya.

uYuuda 1:13

Vhakupootwa kuyidindila inza amavhilingwa amapiti aga mwa sumbi, havhili imbombo zyavho izya nsoni, zikukumuha inza umutatafula uwa mavhilingwa igo. Havhili, vhali inza inzota zye zikweleela, ivho, ishiisi ishipiti, vhwe vhutendamo vhwavho vhwe vhahavhiishilwa shiima.