Filipi 3:11 - ULufingwi uLupwa

¹¹ Nkwanza kwi idala lyonti isiku ilya kumpeleela uMulungu ahanzyusye.

Tesitamenti Umupwa 1965

¹¹ ukuti nane lumo nkafishe kuvuzyuha vwa vafwe.

Filipi 3:11 Iomraidhean Croise

uLuuka 14:14

Pe niiwe uliivha nu vhuloote, mwe pe ivho vhatali ni vintu ivwa kukugalusizya. UMulungu we alikugalusizya, ahavhaliilizyo he alivhazyusya avhagolosu.”

Yohani 11:24

UMaalita ahamwamula uYeesu ahati, “We Mwene, imanyile kuuti, uMulungu lwe akuvhazyusya avhantu vhonti isiku ilya kumpeleela, woope alizyuha.”

iMbombo izya Vhatumwa 23:6

UPaavhuli ahamanya kuuti, mu lukuvhato muula muli aVhasadukaayi na Vhafalisaayi. Pe ahayanga kwi izwi ahati, “Vhamwitu, ine ne Mufalisaayi, havhili ne mwana wa Mufalisaayi. Ipa nkulongwa, mwe pe nkwitiha uvhwanalyoli uvhwa kuuti, avhafwe vhalizyuha.”

iMbombo izya Vhatumwa 26:7

Ulufingwi ulwo lwe avhantu vhonti avha nsi yiitu, inkolo 12, vhakusuuvhila kuuti vhalilufishila. Pe vhakumupuuta uMulungu uvhusiku nu musanya. We mwene, ulusuuvhilo ulwo lwe aVhayuuda vhakundonjeelela ileelo ili!

iMbombo izya Vhatumwa 27:12

Sháali shigomu kutendama pa nkaaya yiila ahavhaliilizyo aha lupepu. Pe avhantu avhinji mu meeli iyo vhahitinkana kuuti vheepe paala. Vhahasiivha kufiha mu nkaaya iya mu luvhazu mwa sumbi ye vhahatinji iFoyiniika. Inkaaya iyo yáamile mu Kileete. Ukwo vhahanzaga tutendame ahavhaliilizyo aha lupepu iho. Inkaaya iyo iya Foyiniika yényiizye uluvhazu ulwa kuvhuswelo.

VaLoma 11:14

Nkusuuvhila kuuti, pamo vhaala vhe tuli amavhanda gooka, kwe vhavhalolele umwone imwe ku ziila zye uMulungu akuvhavhombela, inga vhamo muli vhuuvho vhapokwe.

1 VaKolinti 15:23

Ileelo avhantu vhonti vhalizyuha ku havhaliilizyo he uMulungu ahavhiisile. UChilisiti we álongoleeye kuzyuha, pisinda vhalizyuha avhantu vhaakwe lwe ayinza.

1 VaKolinti 9:22

Havhili lwe náali ku vhayeyevhazu mu lwitiho, náali inza umuyeyevhazu mu lwitiho, inga mbaaje vhamwitishe uChilisiti. Ku vhantu vhonti náyivhiisile kuvha ne wamwavho, inga ku madala gonti imbaposhe vhamo.

1 VaKolinti 9:27

Ileelo nkuwuyimvwa nu kuwuvheelezya umuvhili waane kujimbiilila, inga lwe navhakumusizya avhanji Izwi iLyinza, uMulungu atahinze ankaane.

2 VaKolinti 11:3

Ileelo ishi nkwogopa kuuti inza uEeva vwe áhopeliilwe ni njoha yiila, niimwe mutahinze muhopelwe, muvhuleshe uvhugolosu na mooyo giinyu amazelu kwa Chilisiti.

1 VaTesaloniki 3:5

Pe lwe napootwa kujimbiilila, nkamusonteelezya uTiimoti kuli imwe, inga imanye inongwa izya lwitiho lwinyu. Nkavhomba vhwevhulo, mwe pe nkasiivha kuuti lumo We Akulinga avhalinzile nu kuvhateezya. Pe imbombo yonti ye tuhayivhomba kuli imwe, yihaavhe ya vhweleele.

2 VaTesaloniki 2:3

Mutahiitishe umuntu wonti kuvhahopenkanya ku lyonti, mwe pe isiku ilyo te lihaafishe suuti, she zishiili insiku ziila lwe avhantu avhinji vhalisambuha nkaani kwa Mulungu, havhili lwe uMusambusu ula aloleha. Uyo we ahavhaliilizyo aha kumpeleela uMwene uYeesu alimulovwa nziila.

2 Timoti 4:8

Ishi uMwene ambishiiye ishipambwi isha vhupooti isha vhugolosu. Uweene, uMulonzi uwa Nalyoli, alimpa shenesho isiku liila lye alivhalonga avhantu vhonti ku vhugolosu. Te neene neeka ndaali ne ndiposheela ishipambwi, nkandi na vhanji vhonti vhe vhasungwilwe nkaani kulola kugaluha kwakwe.

VaHebuli 11:35

Mwe pe avhantanda vhamo vhámwitisile uMulungu, vhávhaposheleeye avhajenzi vhaavho vhe vhápezile vhafuuye lwe vhazyuha. Vhamo vháhaanile kuuti vhavhavhiishe kuvha vhasatushe, mwe pe vhávhwenyi kuuti hinza kuyimvilwa nu kuvhagoga kuluusya kumuleha uMulungu. Vhávhomvile vhwevhulo, inga uMulungu avhazyusye nu kuuvhapa uvhulanzi uvhwinza nkaani.

Ishitushizya 20:5

Ulu lwe lwa kwanda uMulungu kuvhazyusya avhantu. Avhamwavho vhonti vhe vháfuuye vhatázyusile kufishila ahavhaliilizyo aha maaha 1,000.