Filipi 3:1 - ULufingwi uLupwa

¹ Pe ishi, vhamwitu, seshelaaji mwa Mwene uYeesu. Ine ntakuviitwa kuvhuyiila havhili kuvhasimbila zye návhasimbiiye, mwe pe zyenezyo zikuvhavhiiha kuuti mutahateezye ulwitiho.

Tesitamenti Umupwa 1965

¹ Zisyaye lelo zye zya kuti museshelaje mwa Mwene mwe vamwitu. Lwe nkuvuyizya shima ukuvasimbila zizyo, pe zitakundinkʼine, imwe nyene pe mukusimpa.

Filipi 3:1 Iomraidhean Croise

Matayi 5:12

Lwe zikuvhombeha izyo, museshelaje nu kudovhela, mwe pe uMulungu aliivhapa ishipeelwa ishipiti ku mwanya. Havhili vhwevhulo, vwe vhahavhayimvwaga avhakuvhwi vhe vhávhalongoleeye imwe.”

uLuuka 1:47

Havhili wukumudovhela uMulungu uMuposhi waane,

VaLoma 5:11

Havhili, te lye liniilyo lyeka vhweleele, pooka niilyo uMulungu atuvhiisile kuuti tuseshele nkaani ku ziila zye atuvhombeeye, mwe pe kwi idala ilya Mwene uYeesu Chilisiti, tukundiine nu Mulungu.

2 VaKolinti 13:11

Ishi vhamwitu, nkuvhalaga nkuti museshelaje. Musimpaje nu kusuvhalizanya nu kuvha nu vhuliilani nu vhutehamu. Woope uMulungu uwa shikunzi nu vhutehamu kwe avhanje pooka niimwe.

VaEfeso 6:10

Izyamwavho, nkwanza muposheele amaha kufuma ku maha amasisya aga Mwene uYeesu.

Filipi 3:3

Iswe twe tutahiliilwe ku wanalyoli, mwe pe tukumupuuta uMulungu kwi idala ilya Mupepo waakwe. Tukuyitumvwizya uChilisiti uYeesu, havhili tutakusuuvhila kutahiililwa.

Filipi 4:4

Muvhe nu luseshelo ulwa mwa Mwene uYeesu insiku zyonti, havhili nkuvhavhuuzya kuuti museshelaje!

Filipi 4:8

Mwe vhamwitu, kumaliilizya, nkuvhavhuuzya kuuti, muvhanje mukusivhiilila zyonti zye zya nalyoli, zyonti zye zya mushinzi, zyonti zye zya muumwo, zyonti zye te nkandamanu, zyonti zye zihondeeye, zyonti zye zikutiimwa ahinza. Zyonti zye ngolosu, poosye intiimo inyinza, izyo, zye muvhanje mukusivhiilila.

1 VaTesaloniki 4:1

Ishi vhamwitu, musambiliiye kufuma kuli iswe vwe yikwanzilwa kulandila, inga kumuhondezya uMulungu. Mwe muumwo vwe mukuvhomba vhwevhulo. Ishi, tukuvhalambiilizya ku maha aga Mwene uYeesu kuuti muvhombaje vhwevhulo nu kuluusya.

1 VaTesaloniki 5:16

Muvhanje nu luseshelo amanda gonti,

Yakobu 1:2

Mwe vhamwitu, museshelaje lwe indingo izya mavhiila mu mavhiila zikuvhaaga,

1 Peteli 3:8

Izwi ilya vhusililishilo kuli izi, nkuti muvhanje nu mwoyo wooka nu kufwilana uvhwila, havhili mukundanaje inza avhanine vwe vhakukundana nu kuvha nu mwoyo umwinza nu vhwahayiisye.

1 Peteli 4:13

Ileelo museshelaje, mwe pe mukuyimba inza vwe uChilisiti áyimvile. Kuli izyo, muliivha nu luseshelo ulupiti nkaani, lwe uChilisiti aloleha mu vhushindamu vhwakwe.

2 Peteli 3:1

Vhankundwa, uno wu kalaata uwa vhuvhili we nkuvhasimbila. Mu vhakalaata ivho vhavhili, nkuvhakumbusya inongwa zye muzimanyile, inga zivhavwaje kusiivha ahinza.