Filipi 2:30 - ULufingwi uLupwa

³⁰ mwe pe aavhiiye aafwa kuzya mbombo iya Chilisiti. Ahaazya uvhulanzi vhwakwe kuzya kunaavwa vwe naasovheliilwe, vwe imwe mutaamile munavwaje, mwe pe muli ukutali.

Tesitamenti Umupwa 1965

³⁰ She mbombo ya Chilisiti yʼimupeleye ukusyala hansi ukufwa, shʼahasita nukusaganyʼuvulanzi, ukuti avwizuzyajʼuvusovele vwe vusyaye kumwinyu uvwa kumbombelʼine.

Filipi 2:30 Iomraidhean Croise

iMbombo izya Vhatumwa 20:24

Ileelo ntakusaajila uvhulanzi vhwane kuuti vhwa nsavho kuli ine. Nkwanza kuuti imale ulwaji ni mbombo ye uMwene uYeesu ampiiye, kuuti ndumbiilile Izwi iLyinza ilya vhwila uvhwa Mulungu.

VaLoma 16:4

Avheene vhatásajiiye poosye kuvhulovwa uvhulanzi vhwavho, ku zyane. Nkuvhasalifwa nkaani, te neene neeka ne nkuvhasalifwa, nkandi na vhantu avha mu vivhanza vwonti ivwa vhe te Vhayuuda, vhoope vhakuvhasalifwa.

1 VaKolinti 15:53

Yiliivha vhwevhulo, mwe pe umuvhili uno we wukuvhola wukwanzilwa wugalunkane nu kuvha muvhili umupwa we wutakunanjiha, umuvhili we wukufwa, wukwanzilwa wugalunkane kuvha muvhili umupwa we wutakufwa.

1 VaKolinti 16:10

Inga uTiimoti ayinza kuli imwe, mumuposheele nu kumusunga, inga atendame niimwe ahinza ishisita ilyoga, mwe pe woope akuvhomba imbombo iya Mwene uYeesu inza ine.

1 VaKolinti 16:17

Nkuseshela nkaani kuvhalola avha Siteefani nu Folitunaato nu Akayiiko, vhinzile ipa kufuma kuli imwe, mwe pe ulwavwo lwe mwaamile munavwaje imwe, vhakunaavwa vhuuvho.

2 VaKolinti 12:15

Ine indi nu luseshelo kufumwa ivintu vwane nu kuyifumwa kuvhaavwa imwe. Ileelo ishi yikuloleha kuuti, lwe ine nkwonjezya kuvhakunda nkaani, nkulola ishikunzi shiinyu shikusheepa kuli ine.

2 VaKolinti 4:12

Kwe kuuti iswe tuli mu ntamwo izya kufwa, ileelo muli izyo, imwe mukuvhwaga uvhulanzi.

Filipi 2:17

Inga vhangangoga, kwe mbe inza impuutile iya divaayi ye yikupungulwa kwonjeelezya impuutile yiinyu. Impuutile yiinyu iyo, mbombo ye mukumuvhombela uMwene. Ileelo poosye inga nkufwa, nkuseshela nkaani, havhili nkuseshela nu kudovhela pooka niimwe.

Filipi 2:27

Mwe muumwo, aavhinile nkaani. Paasyaye hansi kuuti afwe. Ileelo uMulungu aamufwiliiye uvhwila. Te wuuyo weeka vhweleele, nkandi pooka niine, aamfwiliiye uvhwila, inga uvhuswimiilizu vhwane, vhutahinze vhwonjele nkaani.

Filipi 4:10

Nkuseshela nkaani mwa Mwene uYeesu, mwe pe ku vhusililishilo mwavhuyiizya havhili kunkumbuha. Nalyoli shiima vwe muhankumbuhaga vhwevhulo, ileelo mutáamile na havhiliilizyo aha kunaavwa.

Filipi 4:18

Vhamwitu, mposheleeye ivintu vwonti viila vwe mwámusonteleziizye uEpafulodiito, kuuti andeetele. Havhili andeteeye ivwinji kuluusya vwe naasovheliilwe, pe ishi indi navwo ivwinji. Ivintu ivwo, vili ngati mpuutile iya mununsi umwinza, havhili mpuutile ye yikwitishilwa nu kumuhondezya uMulungu.

Filemoni 1:13

Naasungwilwe kuuti asyale ipa niine, inga anavwaje ziila zye waamile unavwaje, ahavhaliilizyo he nkunziilwe kuzya Izwi iLyinza.

Ishitushizya 12:11

Vhoope vhamupoosite ku mavhanda aga Hagonzi aha MWENE uMulungu, na kwi izwi lye vháhomesheziizye. Ivho vhe vhatahavhumwamihaga uvhulanzi vhwavho, havhili vhatahogopaga kufwa.