Filipi 2:3 - ULufingwi uLupwa

³ Havhili mutavhombelaje ishintu shonti ku lutumvanyo, poosye kuzya kuyitumvwa, nkandi ku vhwahayiisye. Umuntu amushindihaje uwamwavho kuluusya uweene.

Tesitamenti Umupwa 1965

³ Mutasivaje nazimo izya kupelʼukulundunkana nizya kuyimwamiha shaha, nkandi muyisyaje nukusivililana ukuti avana winyu vavalusizyʼimwe uvupiti.

Filipi 2:3 Iomraidhean Croise

uLuuka 18:14

Pe uYeesu ahati, “Nkuvhavhuuzya kuuti, umusonchezya musonko ávhweleeye kuhaaya, avhaziliilwe kuuti mugolosu. Ileelo uMufalisaayi ula, haa! Navhavhuuzya vhwevhulo, mwe pe umuntu wonti we akuyizuvwa, uMulungu alimwisya. Ileelo umuntu we akuyiisya, uMulungu alimuzuvwa.”

VaLoma 12:10

Mukundanaje inza avhanine vwe vhakukundana. Uvhashindihaje avhamwinyu kuluusya vwe ukuyishindiha weneewe.

VaLoma 13:13

Tuvhe nu lujendo ulwinza inza vwe yikwanzilwa ku vhantu vhe vhakulandila mu vhuzelu. Tutahaavhe twe vhapafu, poosye twe vhashimwela, poosye twe vhavhembu, poosye twe vhamalaaya, poosye twe vha ivho poosye twe vha mwone.

VaLoma 2:8

Ileelo vhe vhakupapamila na vhe vhakuhaana uvhwanalyoli, nkandi vhakwitiha kuvhomba imbiivhi, uMulungu alivhaviitilwa nu kuuvhapa isunde.

1 VaKolinti 15:9

Ine ne munsi mu vhatumwa, ntahondeeye poosye nu kwitwa kuuti ne mutumwa, mwe pe náshiyimvwizye ishivhanza isha Mulungu.

1 VaKolinti 3:3

Nkuyanga vhwevhulo, mwe pe poosye ishi mukulongolwa nu vhuntu uvhwa vhutalamalandu. Pahati yiinyu muli nu mwone ni ivho. Vhuli, izyo zitakulolesya kuuti muli she mukulongolwa nu vhuntu uvhwa vhutalamalandu nu kulandila inza avhantu avha mu nsi umu?

2 VaKolinti 12:20

Ishi nkwogopa kuuti lwe nkwinza kuli imwe, intahinze imbaaje muli nu lujendo lwe ntalusungwilwe. Ilyo lilimbiiha kuvhomba zye mutasungwilwe. Nkwogopa kuuti lumo ingavhaaga muli ni ivho nu mwone nu mulaha nu lupapilo ni ndigo ni iyevho nu kuyitumvwa nu vhusambusu.

VaGalati 5:15

Ileelo inga mukulumana nu kuliizana inza ivihanu, muvhe minso, mutahinze mumalane.

VaGalati 5:26

Tutanzilizanyaaje, poosye kulolelana umwone, mwe pe tukuyitumvwa vhweleele.

VaEfeso 4:2

Muvhanje nu vhwahayiisye, havhili muvhanje mwe vhatonsu ku zyonti. Mujimbililanaje nu kuswilana ku shikunzi.

VaEfeso 5:21

Havhili mushindinkanaje, mwe pe mukumushindiha uChilisiti.

Filipi 2:14

Muvhombaje inongwa zyonti ishisita kukwinkwina, ni shisita kudalinkana.

Kolosi 3:12

Ishi, mwe pe mwe vhasaavhulwa avha Mulungu, havhili mwe vhafinjile vhe avhakunzite, muvhe nu mwoyo uwa vhwila nu mwoyo umwinza nu vhwahayiisye nu vhutonsu nu vhujimbiilizu.

Kolosi 3:8

Ileelo ishi, muleshe nziila kuvha nu mulaha nu vhuhalazu nu vhuvhiivhi nu musaamu, na mazwi amamwamu mu mili zyinyu.

1 Timoti 6:4

Avhantu ivho vhakuyitumvwa vhweleele, vhatazimanyile naazimo, vhakwanza kudalinkana shaaha ku mazwi aga kuyitumvwa. Uvhwo vhwe vhwandilo uvhwa vhantu kuvha nu mwone ni ivho ni ndigo nu kuvhasivhiilila havhiivhi avhamwavho

1 Peteli 3:8

Izwi ilya vhusililishilo kuli izi, nkuti muvhanje nu mwoyo wooka nu kufwilana uvhwila, havhili mukundanaje inza avhanine vwe vhakukundana nu kuvha nu mwoyo umwinza nu vhwahayiisye.

1 Peteli 5:5

Niimwe mwe vhajaaha muvhashindihaje avhasongo. Mwavwanaje mwenti ku vhwahayiisye, mwe pe yisimviilwe mu Vhusimbe uVhufinjile kuuti, “UMulungu akuvhahaana avha mabaado, ileelo akuvhafwila uvhwila vhe vhali nu vhwahayiisye.”