Filipi 2:2 - ULufingwi uLupwa

² Mwe pe zyonti izyo ziliipo, ishi nkuvhalaavha kuuti muvhe ni nsiivho zyoka nu kukundana. Havhili muvhe nu mwoyo wooka ni nsiivho zyoka. Vhwevhulo, pe kwe mumbiishe kuvha nu luseshelo ulupiti.

Tesitamenti Umupwa 1965

² pe munizuzyajʼuluseshelo, ukuti muve ninsivo zyoka zyene mwenti, muve nishikunzi shoka shene mwenti, mwenti muve numwoyo woka mwene nukusiva ahantu hoka hene.

Filipi 2:2 Iomraidhean Croise

Yohani 3:29

Umulindu we akwimalwa akwanzilwa kusogola kwa mulume waakwe. Ine indi inza umumanyani uwa mulume we akumwimala umulindu uyo, nkwimiilila pa luvhazu pa we akwimala, nkuseshela lwe nkwivwa izwi lyakwe.

iMbombo izya Vhatumwa 1:14

Ivho vhonti vhahavhungaanaga kulaavha, pooka na vhantanda vhamo nu Maliiya umaayi wa Yeesu na vhanine avha Yeesu.

iMbombo izya Vhatumwa 2:1

Lwe isiku ilya Pentekoositi lyafiha, avhantu vhonti vhe vhámwitisile uYeesu, vhávhungiine pooka.

iMbombo izya Vhatumwa 2:46

Vhahavhungaanaga pa Nyumba iMfinjile insiku zyonti. Havhili vhahavhungaanaga mu nyumba zyavho kumensulana ikaati nu kulya ishaakulya shaavho pooka ku mwoyo umwinza nu luseshelo.

iMbombo izya Vhatumwa 5:12

Ku maha aga Mulungu, avhatumwa avha Yeesu vhahavhombaga ivilolesyo ni zya kusukumizya ku vhwinji mu vhantu. Avhantu vhe vhámwitisile uYeesu vhonti, vhahavhungaanaga pa Nyumba iMfinjile, mwi Idala iLyilishe ilya Solomooni.

VaLoma 12:16

Mwivwanaje ahinza na vhamwinyu. Mutayitumvwaje, muvhanje nu vhuliilani na vhantu vhe vhatakushindikwa, mutayilolaje kuuti muvhapoosite injeele.

1 VaKolinti 1:10

Ishi vhamwitu, nkuvhalambiilizya kwi izina ilya Mwene wiitu uYeesu Chilisiti kuuti muvhe mwe vhantu mwe mukwivwana, ipo pe kwe muvhe nu vhuliilani. Mutapagulanaje, nkandi muvhanje ishintu shooka ku zye mukusiivha havhili nu kuvha nu mwoyo wooka.

2 VaKolinti 13:11

Ishi vhamwitu, nkuvhalaga nkuti museshelaje. Musimpaje nu kusuvhalizanya nu kuvha nu vhuliilani nu vhutehamu. Woope uMulungu uwa shikunzi nu vhutehamu kwe avhanje pooka niimwe.

2 VaKolinti 2:3

Ye nongwa naavhasimbiiye ukalaata uwamwavho ula, inga lwe ninza kuli imwe, intahaapelwe kuvha nu vhuswimiilizu na vhantu vhe vhakwanzilwa kumbiiha kuvha nu luseshelo. Imanyile kuuti ine inga navha nu luseshelo, niimwe mukuvha nu luseshelo.

2 VaKolinti 7:7

Te kuuti aatusuvhaliziizye kwi idala ilya kwinza uTiiti vhweleele, nkandi na kwi idala lye mwaamusuvhaliziizye uweene. Aatuvhuziizye na vwe musamvile kundola ine na vwe mwaamile nu vhuswimiilizu na vwe mwaamile nu mute uwa kunaavwa ine. Izyo zikumbiiha kuvha nu luseshelo nkaani.

Filipi 1:4

Kulaavha kwane kwonti, nkuvhalaavhila mwenti ku luseshelo,

Filipi 2:16

Mugalemaje amazwi aga vhulanzi. Kuli izyo, pe niine ndiyitumvwa isiku liila lye uChilisiti aligaluha, mwe pe yililoleha kuuti, umute waane ni mbombo yaane vitáali vhweleele.

Filipi 2:20

Nkusuuvhila kumusonteelezya uweene, mwe pe ntali nu muntu uwamwavho inza uweene we angavhasaajila.

Filipi 4:2

Nkuvhalambiilizya avha Evodiya nu Sintiike, kuuti vhavhe nu lwivwano ulwa mwa Mwene.

Kolosi 2:5

Pooka nu kuuti ntali pooka niimwe, nkuvhasivhiilila ahavhaliilizyo honti. Nkuseshela, mwe pe nivuuye uvhuliilani vhwinyu na vwe mukusimpa mu lwitiho lwinyu kwa Chilisiti.

2 VaTesaloniki 2:13

Ileelo iswe tukwanzilwa kumusalifwa uMulungu amanda gonti ku zyinyu imwe vhamwitu, mwe uMwene uYeesu avhakunzite. Tukwanzilwa kuvhomba isho, mwe pe ávhasavhuuye imwe kufuma ku vhwandilo uvhwa kupela kwakwe inga muposheele uvhuposhi. Uvhuposhi uvhwo muvhuposheleeye kwi idala ilya Mupepo uMufinjile we akuzelufwa ni lya kwitiha uvhwanalyoli.

2 Timoti 1:4

Nkukumbuha amansozi gaaho lwe tuhalehaanaga. Nsamvile kukulola, inga mbe nu luseshelo.

Filemoni 1:20

Ishi wamwitu, umbombele ili kuzya Mwene wiitu uYeesu, havhili usansamusye umwoyo waane mwa Chilisiti.

2 Yohani 1:4

Naasesheeye nkaani, lwe niivwa kuuti avhaana vhaaho vhamo vhakulandila kulandata uvhwanalyoli, inza vwe uTaata uMulungu ahatulajizya.

3 Yohani 1:4

Shitaliipo ishintu she shikumpa uluseshelo ulupiti nkaani kuluusya isha kwivwa kuuti avhaana vhaane vhakujendeelela kulandila mu vhwanalyoli.