Filipi 2:17 - ULufingwi uLupwa

¹⁷ Inga vhangangoga, kwe mbe inza impuutile iya divaayi ye yikupungulwa kwonjeelezya impuutile yiinyu. Impuutile yiinyu iyo, mbombo ye mukumuvhombela uMwene. Ileelo poosye inga nkufwa, nkuseshela nkaani, havhili nkuseshela nu kudovhela pooka niimwe.

Tesitamenti Umupwa 1965

¹⁷ Pope nashenga vakwitʼamavanda gane pashifinjilo nakuzya mbombo ye nkuluvombelʼulwitiho lwinyu, pe nkuseshela havili nkuseshela poka namwe mwenti.

Filipi 2:17 Iomraidhean Croise

iMbombo izya Vhatumwa 20:24

Ileelo ntakusaajila uvhulanzi vhwane kuuti vhwa nsavho kuli ine. Nkwanza kuuti imale ulwaji ni mbombo ye uMwene uYeesu ampiiye, kuuti ndumbiilile Izwi iLyinza ilya vhwila uvhwa Mulungu.

iMbombo izya Vhatumwa 21:13

Ileelo uweene ahatwamula ahati, “Mukuhonzya vhuli kukuuta nu kumvunza umwoyo? Ine nitisile zyonti, te kwe kukungwa kweka vhweleele, nitisile nu kufwa ku Yelusaleemu kuzya izina ilya Mwene uYeesu.”

VaLoma 12:1

Ishi vhamwitu, mwe pe uMulungu ali nu vhwila kuli iswe, nkuvhalambiilizya kuuti muyifumwaje amavhili giinyu kuvha ngati mpuutile indanzi, imfinjile ye yikumuhondezya uMulungu. Yeenya, kuvhomba vhwevhulo lye lidala ilya nalyoli ilya kumupuuta.

VaLoma 15:16

kuuti mbe ne muvhomvi uwa Chilisiti uYeesu ku vhantu vhe te Vhayuuda. Nkuvhalumbiilila Izwi iLyinza, inga mbe inza umupuuti we akuvhafumwa imwe kwa Mulungu, inza impuutile iya kumuhondezya uMulungu, havhili ye uMupepo uMufinjile ayizelufwizye.

2 VaKolinti 12:15

Ine indi nu luseshelo kufumwa ivintu vwane nu kuyifumwa kuvhaavwa imwe. Ileelo ishi yikuloleha kuuti, lwe ine nkwonjezya kuvhakunda nkaani, nkulola ishikunzi shiinyu shikusheepa kuli ine.

2 VaKolinti 4:12

Kwe kuuti iswe tuli mu ntamwo izya kufwa, ileelo muli izyo, imwe mukuvhwaga uvhulanzi.

2 VaKolinti 6:10

Havhili tukuloleha ngati tuswimiliilwe, ileelo ahavhaliilizyo honti tuli nu luseshelo, tukuloleha twe vhapiina, ileelo tuvhapiiye avhinji uvhudumbwe, tukuloleha tuli nyoovhe zyeka, ileelo tuli ni vintu vwonti.

2 VaKolinti 7:4

Lwe nkuyanga niimwe indi nu vhudandamazu, havhili nkuyitumvwa nkaani ku zyinyu. Imwe mwansuvhaalizya nkaani ine. Pooka nu kuuti niishi tuli mu mayimba aminji, mumbiisile kuvha nu luseshelo ulupiti.

Filipi 1:20

Nkusuuvhila nkaani kuuti te nkasuupile naalumo, ileelo kwe njendeelele kuvha nu vhudandamazu ishi na havhaliilizyo honti. Kwe mbombe vhwevhulo, inga uChilisiti ajendeelele kutiimwa ku zyonti zye nkuvhomba, yivhe ku vhulanzi vhwane, poosye ku vhufwe vhwane.

Filipi 2:18

Havhili niimwe mukwanzilwa kuseshela pooka niine.

Filipi 2:30

mwe pe aavhiiye aafwa kuzya mbombo iya Chilisiti. Ahaazya uvhulanzi vhwakwe kuzya kunaavwa vwe naasovheliilwe, vwe imwe mutaamile munavwaje, mwe pe muli ukutali.

Filipi 4:18

Vhamwitu, mposheleeye ivintu vwonti viila vwe mwámusonteleziizye uEpafulodiito, kuuti andeetele. Havhili andeteeye ivwinji kuluusya vwe naasovheliilwe, pe ishi indi navwo ivwinji. Ivintu ivwo, vili ngati mpuutile iya mununsi umwinza, havhili mpuutile ye yikwitishilwa nu kumuhondezya uMulungu.

Kolosi 1:24

Ishi nkuyimba ku zyinyu. Ileelo nkuseshela amayimba igo, mwe pe tukwanzilwa kuyimba kuzya Chilisiti. Mu muvhili waane nkuyimba kuzya muvhili uwa Chilisiti, kwe kuuti ishivhanza shaakwe.

1 VaTesaloniki 2:8

Twávhakunzite imwe nkaani. Kuli izyo, twásesheeye te kwe kuvhavhuuzya Izwi iLyinza ilya Mulungu vhweleele, nkandi havhili nu kuyifumwa kuvhomba zyonti zye zihondeeye kuvhaavwa, mwe pe nalyoli mwe vhankundwa vhiitu.

2 Timoti 4:6

Nkukuvhuuzya izyo, mwe pe ine vhakwanza kungoga inza kufumwa impuutile iya divaayi kwa Mulungu, mwe pe ahavhaliilizyo haane aha kufwa hafisile.

1 Peteli 2:5

Niimwe vhweleele muli ngati mavhwe amalanzi. Muzengwilwe kuvha nyumba imfinjile ye yitakuloleha pa minso amazelu. Umwo niimwe mwe vhapuuti avhafinjile vhe vhakufumwa impuutile zye zitakuloleha pa minso amazelu. Impuutile izyo zikwitishilwa nu Mulungu kwi idala ilya Yeesu Chilisiti.

1 Yohani 3:16

Iswe tushimanyile ishikunzi, mwe pe uChilisiti ávhufumwizye uvhulanzi vhwakwe ku zyitu. Niiswe vhweleele, inga haafiha ahavhaliilizyo aha kuvhaavwa avhamwitu, tukwanzilwa kuyikungula kuvhaavwa, poosye nu kuvhufumwa uvhulanzi vhwitu ku zyavho.