Filipi 2:15 - ULufingwi uLupwa

¹⁵ Muvhe mwe vhaana avha Mulungu vhe vhalunjisile, havhili vhe vhazelufile. Mutahaavhe nu lukwinkwino, poosye uvhunanzi mu vhantu avha havhaliilizyo iha aha lukaani nu vhupuvi. Mu vhantu ivho, imwe mukuloleha inza uvhuzelu mu nsi.

Tesitamenti Umupwa 1965

¹⁵ ukuti muvanje mwe vasitakulongwa navasitavugulugulu, avana va Mulungu avasitaṿilema nashenga musangine navantu avagombanu iva avalemazu, ve muli vuvo imwe mukuhozya fwe ngati nkozyo munsʼumu,

Filipi 2:15 Iomraidhean Croise

Matayi 10:16

“Yeenyi, nkuvhatumiilizya ngati ngʼonzi pahati pa mpumpi! Pe ishi, muvhanje nu vhushindamu uvhwa njeele inza injoha, havhili muvhanje mwe vhatonsu inza inkunda.

Matayi 17:17

UYeesu ahavhavhuuzya ahati, “Mwe vhantu avha havhaliilizyo iha mwe mutali nu lwitiho, havhili mwe vhatalamalandu, kwe ntendame niimwe kufishila lyeli? Havhili kwe mbajimbiilile kufishila lyeli? Muleete umwana uyo ipa.”

Matayi 5:45

Ipo pe muliivha mwe vhaana vha Taata wiitu uwa ku mwanya. Uweene akuvhalamwizya izuvha avhantu avhavhiivhi na vhinza. Havhili, akuuvhapa imvula avhagolosu na vhe te vhagolosu.

Matayi 5:48

Pe ishi, niimwe muvhe mwe vhalunjisu inza uTaata wiitu uwa ku mwanya vwe mulunjisu.”

uLuuka 1:6

UZakaliya nu mushi vháamile vhagolosu pilongolela ilya Mulungu, vhahazilemaga ahinza indajizyo zyonti izya Mulungu ishisita ulukwinkwino.

uLuuka 6:35

“Ileelo imwe, muvhakundaje avhalugu vhiinyu, muvhavhombelaje inyinza nu kuvhapavhila ishisita kusuuvhila kuuti vhalivhagalusizya. Inga mukuvhomba izyo, uMulungu alivhalipa ivwinji. Havhili muliivha mwe vhaana vha Mulungu uMupiti uwa ku Mwanya, mwe pe uweene mwinza poosye na ku vhe vhatakumusalifwa na vhavhiivhi.

Yohani 5:35

UYoohani uMwozyi aalolesiizye uvhwanalyoli kuli imwe inza vwe inyaale yikuhozya mu shiisi, niimwe mwaasesheeye uvhuzelu uvhwo ku havhaliilizyo hansi.

iMbombo izya Vhatumwa 2:40

UPeeteli ahajendeelela kuvhasoha nu kuvhahomeelezya avhantu vhaala ku mazwi aganji aminji, ahati, “Imwe muyiposhe, mutahinze musundwe pooka na vhantu avhavhiivhi avha havhaliilizyo iha!”

iMbombo izya Vhatumwa 20:30

Havhili muli imwe vhalifumila avhantu vhe vhaliyangaga inongwa izya ilenga, inga vhavhateezye avhalandati, kuuti vhavhalandataje avheene.

VaLoma 16:19

Avhantu vhonti vhivuuye kuuti imwe mulilemile ahinza izwi ilya Mulungu. Izyo zikumbiiha kuuti nseshele nkaani, ileelo nkwanza kuuti muvhe nu vhushindamu uvhwa njeele ku mbombo inyinza, havhili mutakweswaje ni mbiivhi.

1 VaKolinti 1:8

UMulungu kwe avhagomwe kufishila kumpeleela, inga mutahinze mulongwe kuuti te mwe vhagolosu isiku liila lye uMwene wiitu uYeesu Chilisiti aliyinza kuvhalonga avhantu.

2 VaKolinti 6:17

Ishi uMWENE uMulungu akuti, “Mwepe pahati yaavho, muyilehaanye navho. Mutalemaje ishintu ishihandamanu, niine pe kwe mbaposheele.”

VaEfeso 5:27

Ávhomvile vhwevhulo, inga ayileetele ishivhanza she shizelufile, ishisita amabada poosye amankunya, poosye uvhuvhiivhi vhwonti inza uvhwo. Aliyileetela ishivhanza she shifinjile, havhili ishisita ulukwinkwino.

Filipi 1:10

inga mwamulaje zye nyinza. Pe muliivha mwe vhagolosu ishisita uvhunanzi kufishila isiku lye uChilisiti aligaluha.

Filipi 3:6

Lwe náshiili kupinduha, náali nu mute nkaani kushiyimvwa ishivhanza. Inga vhugolosu vhwe vhukufumiilana nu kuzilandata indajizyo izya Moose, ntáamile nu vhunanzi.

1 VaTesaloniki 5:23

UMulungu wuuyo we akuutupa uvhutehamu, avhazelufwe imwe ku zyonti. Kwe kuuti ayenyelezyaje amooyo giinyu nu vhulanzi vhwinyu na mavhili giinyu, inga muvhe ishisita kukwinkwinwa kufishila lwe akwinza uMwene wiitu uYeesu Chilisiti.

1 Timoti 3:10

Yikwanzilwa kuvhenyeelezya mu mbombo, inga vhaloleha kuuti vhahondeeye, pe vhitishilwaje mu mbombo iyo iya vhutuuli.

1 Timoti 3:2

Ileelo umwimiilizi akwanzilwa avhe muntu we atakukwinkwinwa. Avhe nu mushi wooka vhweleele. Avhe muntu we akuyikonzya nu kuvha nu vhutimvu, havhili we avhantu vhakumushindiha. Avhe muntu we mutesi ku vhajeni na we amanyile kusambiilizya.

1 Timoti 5:14

Izyo zye zikumbiiha injanje kuuti avhaziishe vhe vhalindu vhanyatulwaje. Vhapaapaje avhaana nu kusunga inyumba zyavho, inga vhatahinze vhaamupe umulugu idala ilya kutusaamula.

1 Timoti 5:20

Avhasongo vhe vhakuvhomba uvhutalamalandu, uvhapililaje pilongolela ilya vhantu vhonti, inga avhanji vhogopaje kuvhomba.

1 Timoti 5:7

Zyope izyo uvhavhuzyaje avhiitisi, inga vhatakwinkwinwaje naashimo.

uTiiti 1:6

Usongo uwa shivhanza akwanzilwa kuuti avhanje muntu we atakukwinkwinwa naashimo. Havhili akwanzilwa avhe nu mushi wooka vhweleele. Avhaana vhaakwe vhakwanzilwa kuuti vhavhanje nu lwitiho, vhatalongwaje kuuti vhali ni ivho, poosye kuuti vhatali nu mushinzi.

uTiiti 2:10

Vhatiivhaje ishintu naashimo ku vhapiti vhaavho. Vhalolesyaje ulujendo ulwa kusuuvhilwa ku zyonti, inga ku lujendo lwavho lwonti vhazivhiishe insambiilizyo izya Mulungu uMuposhi wiitu kuuti zivhe zya kuhondezya.

uTiiti 2:15

Amazwi iga ge uvhasambilizyaje avhantu. Uvhagomwaje amooyo nu kuvhasoha ku vhudandamazu. Utahiitishe kuuti pavhe umuntu wonti uwa kukusuufwa.

VaHebuli 7:26

Umupuuti umupiti inza uyo we akwanzilwa kuli iswe, mwe pe uweene mufinjile, havhili atali nu vhunanzi, poosye uvhuhandamanu. UMulungu ámulehiinye na vhatalamalandu, ahamuzuvwa ku mwanya.

1 Peteli 2:12

Muvhanje nu lujendo ulwinza pilongolela ilya vhantu vhe vhatamwitisile uMulungu. Pe inga vhakuvhayanga kuuti mwe vhavhomba mbiivhi, vhazilolaje imbombo zyinyu inyinza, inga vhahamutiime uMulungu ku zyinyu, isiku ilya kwinza kuvhalonga avhantu vhonti.

1 Peteli 2:9

Ileelo uMulungu ávhasavhuuye imwe kuvha mwe vhantu vhaakwe. Imwe mwe vhapuuti mu vhumwene vhwakwe, havhili mwe vhantu avhafinjile. UMulungu ávhasavhuuye imwe, inga mukumusyaje imbombo zyakwe impiti. Uweene ávhiisite kufuma mu shiisi nu kuvhinjizya mu vhuzelu vhwakwe uvhupiti.

2 Peteli 3:14

Ishi vhankundwa, lwe mukuguliilila izyo kuuti zilunjishe, muvhanje nu mute kuvhomba inyinza, inga uMulungu avhavhiishe kuvha mwe vhafinjile, mwe mutali nu vhunanzi pilongolela lyakwe, nu kuvha nu vhutehamu mu mooyo giinyu.

Ishitushizya 2:5

Pe ukumbushe paala pe wáamile lwe ushiili kuteega. Upindushe, uzivhombaje imbombo intanzi. Ileelo inga utavhomba izyo, nkwinza naluvhiilo kuli iwe nu kusheefwa ishisajishilo isha nyaale pe shili.

Ishitushizya 3:9

Yeenyi, ndivhaleetela imwe avha mwi isinagoogi ilya Seetano vhe vhakuyitaha kuuti Vhayuuda, ileelo lilenga. Ndivhapela vhinze kukusugamilila nu kumanya kuuti nkukunzite.