Filipi 2:14 - ULufingwi uLupwa

¹⁴ Muvhombaje inongwa zyonti ishisita kukwinkwina, ni shisita kudalinkana.

Tesitamenti Umupwa 1965

¹⁴ Zyonti zyenga mukuvomba zye muvombaje shisitakukwinkwina mumwo navasitamaganigani,

Filipi 2:14 Iomraidhean Croise

Matayi 20:11

Pe lwe vhaposheela, vhahanda kumukwinkwina umuhaata mugunda, vhahati,

Maliko 14:5

Yeenya, amafuta iga twaamile tukazyaje nu kuposheela idinaali 300 nu kutuuha, nu kuuvhapa avhapiina zyenezyo.” Vhahamupilila umwantanda ula.

Maliko 9:14

Vhahafiha ku vhasundikwa avhamwavho, vhahaaga pali ivhungaana ipiti ilya vhantu livhazyunguluuye, avhasambiilizi avha ndajizyo izya Moose vhahadalinkanaga navho.

uLuuka 5:30

Avhasambiilizi avha ndajizyo izya Moose na Vhafalisaayi, vhahanda kuvhakwinkwina avhasundikwa avha Yeesu, vhahatinji, “Shooni she mukulya nu kumwela pooka na vhasonchezya musonko na vhatalamalandu?”

iMbombo izya Vhatumwa 15:2

Avha Paavhuli nu Balinaaba lwe vhiivwa izwi ilyo, vhahatumvanya nu kuvhuzilizanya navho nkaani. Pisinda, avhantu avha shivhanza isha ku Antiyookiya vhahalajizya kuuti, avha Paavhuli nu Balinaaba pooka na vhiitisi vhamo vhasogole ku Yelusaleemu, kuvhavhuziilizya avhatumwa na vhasongo avha shivhanza izwi ilyo.

iMbombo izya Vhatumwa 15:39

Pe vhahadalinkana nkaani nu kulehaana. UBalinaaba ahamunyatula uMaaliko, ahalimbila imeeli, ahasogola nawo ku Kiipulo.

iMbombo izya Vhatumwa 15:7

Lwe vhapanzanya ku havhaliilizyo ahatali, uPeeteli ahimiilila, ahati, “Vhamwitu, imwe mumanyile kuuti kufuma ku vhwandilo, uMulungu ánsavhuuye kufuma muli imwe, kuuti ndumbiilile Izwi iLyinza ku vhe te Vhayuuda, inga vhalyivwe nu kulyitiha.

iMbombo izya Vhatumwa 6:1

Insiku izyo, uvhwinji uvhwa vhalandati avha Yeesu vhuhonjelaga nkaani. Muli ivho, vháliipo aVhayuuda vhe vhahayangaga injango iya Shiyunaani, na vhe vhahayangaga injango iya Shiyalaamu. Isiku limo kuhafumila kuyivhuna. AVhayuuda vhe vhahayangaga iShiyunaani vhahayivhunaga kuuti avhaziishe vhaavho vhahavhaluvwaga kuvhagavhila ivwakulya insiku zyonti.

VaLoma 12:18

Muvhombaje zyonti zye mungavhomba zye zikuvhavhiiha kuvha nu vhutehamu na vhantu vhonti.

VaLoma 14:1

Mumuposheelaje uwamwinyu we muyeyevhazu mu lwitiho, mutadalinkanaje nawo ku nsiivho zyakwe zye zikusugaana ni zyinyu.

VaLoma 16:17

Ishi, vhamwitu, nkuvhasoha kuuti muvhe minso na vhantu vhaala, vhe insambiilizyo zyavho zikuvhavhiiha avhiitisi kuuti vhatapunkane. Muvhe apatali navho, mwe pe insambiilizyo zyavho zikusugaana ni nsambiilizyo zye musambiliiye. Mutantame navho.

1 VaKolinti 10:10

Havhili mutakwinkwinaje inza vhamo muli ivho vwe vhákwinkwinile, uhavhizya umugozi ahavhalovwa.

2 VaKolinti 12:20

Ishi nkwogopa kuuti lwe nkwinza kuli imwe, intahinze imbaaje muli nu lujendo lwe ntalusungwilwe. Ilyo lilimbiiha kuvhomba zye mutasungwilwe. Nkwogopa kuuti lumo ingavhaaga muli ni ivho nu mwone nu mulaha nu lupapilo ni ndigo ni iyevho nu kuyitumvwa nu vhusambusu.

VaGalati 5:15

Ileelo inga mukulumana nu kuliizana inza ivihanu, muvhe minso, mutahinze mumalane.

VaGalati 5:26

Tutanzilizanyaaje, poosye kulolelana umwone, mwe pe tukuyitumvwa vhweleele.

Filipi 2:3

Havhili mutavhombelaje ishintu shonti ku lutumvanyo, poosye kuzya kuyitumvwa, nkandi ku vhwahayiisye. Umuntu amushindihaje uwamwavho kuluusya uweene.

1 VaTesaloniki 5:13

Muvhashindihaje nkaani nu kuvhakunda kulandatana ni mbombo yaavho. Havhili mutendamaje ku vhutehamu.

1 VaTesaloniki 5:15

Yeenyi, umuntu wonti atamulanduzyaje uwamwavho ku mbiivhi. Amanda gonti muvhombelanaje inyinza mweneemwe nu kuvhavhombela avhantu vhonti.

VaHebuli 12:14

Mwe vhamwitu, mukanyilaje kulandila ku vhutehamu na vhantu vhonti. Havhili mukanyilaje kuvha mwe vhafinjile mu vhulanzi vhwinyu, mwe pe ataliipo umuntu we angamulola uMWENE uMulungu ishisita kuvha mufinjile.

Yakobu 1:20

Nkuyanga vhwevhulo, mwe pe we ali nu mulaha uwa vhuntu, atangavhomba zye zihondeeye pilongolela ilya Mulungu.

Yakobu 3:14

Ileelo inga amooyo giinyu gizuuye umwone nu lupapilo, pe mutayitiimaje, havhili mutayangaje ilenga ku zya nalyoli.

Yakobu 5:9

Mwe vhamwitu, mutakwinanaje, inga mutahinze mulongwe, mwe pe uMulonzi apalamiiye kwinza.

1 Peteli 3:11

Yikwanzilwa aleshe kuvhomba imbiivhi, avhombaje inyinza. Havhili alondolaje kuvha nu vhutehamu na vhanji nu kuvhulandata,

1 Peteli 4:9

Lwe mukuvuulana, mutetelanaje ishisita ulukwinkwino.

uYuuda 1:16

Ivha, vhantu vhe vhakuyivhuna nu kukwinkwina shiima. Vhakulandata impapilo zyavho, havhili vhakuyanga amazwi amamwamu nkaani aga kuyitumvwa. Vhakuvhatiima avhantu inga vhalyaje ilonka.