Filipi 2:13 - ULufingwi uLupwa

¹³ Muvhombaje isho, mwe pe uMulungu wuuyo we akuvhomba imbombo muhati zyinyu, kuuti inyinza zye akwanza, zye niimwe mwanzaje nu kuzivhomba.

Tesitamenti Umupwa 1965

¹³ She wʼuMulungu wʼakuvapelela mumoyo ginyu nukukasama nukuvomba mulukasamo lwakwʼulwinza.

Filipi 2:13 Iomraidhean Croise

uLuuka 12:32

“Mutogopaje, imwe mwe muli impuga inyinsi, mwe pe uTaata wiitu uwa ku mwanya asungwilwe kuuvhapa uvhumwene vhwakwe.

uLuuka 2:14

“Ashindikwaje uMulungu uMupiti uwa ku Mwanya, vhwope uvhutehamu vhuvhanje mu nsi ku vhantu vhe avhitisile.”

Yohani 3:27

UYoohani ahavhaamula ahati, “Umuntu atangavha ni shintu, inga uMulungu atamupiiye.

Yohani 6:45

Yeenya, uVhusimbe uVhufinjile uvhwa vhakuvhwi vhukuti, ‘UMulungu alivhasambiilizya avhantu vhonti.’ Pe umuntu wonti we akutejeelezya nu kusambiilila kufuma kwa Taata waane, we akwinza ku kwane.

Yohani 6:65

Pe ahajendeelela kuyanga kuuti, “Ino ye nongwa nkuvhavhuuzya kuuti, ataliipo umuntu we anginza ku kwane inga uTaata waane atamulongooye.”

iMbombo izya Vhatumwa 11:21

Amaha aga MWENE uMulungu gáamile pooka navho, avhantu avhinji nkaani vhahiitiha nu kutaliha kumulandata uMwene uYeesu.

VaLoma 12:3

Ishi, mwe pe uChilisiti ampiiye uvhwila kuuti mbe ne mutumwa waakwe, nkuvhavhuuzya mwenti kuuti, muleshe kuyilola kuuti muhondeeye kuluusya vwe muli. Muyilolaje kuuti, mwenti mupeliilwe ulwitiho lweluula nu Mulungu.

VaLoma 9:11

Ileelo avhaana ivho she vhashiili kupaapwa, havhili she vhashiili kuvhomba ishintu shonti, shivhe shinza, poosye shivhiivhi, uMulungu ahamuvhuuzya uLebeka ahati, “Usongo alimuvhombela umwana.” Izi zikulolesya kuuti uMulungu akusaavhula umuntu kulandatana nu lukasamo ulwa Mulungu, yitakuvha kulandatana ni mbombo izya muntu uyo.

VaLoma 9:16

Kuli izyo, kusaavhula umuntu, uMulungu akumufwila uvhwila, atakusaavhula kulandatana nu kwanza ukwa muntu, poosye umute uwa muntu.

1 VaKolinti 12:6

Havhili kuvhomba imbombo kuli ukwa mavhiila mu mavhiila, ileelo uMulungu we wewuula we akuuvhapa avhantu vhonti amaha aga kuvhomba imbombo izyo.

1 VaKolinti 15:10

Ileelo uvhwila uvhwa Mulungu vhwe vhumbiisile kuvha ne mutumwa. Havhili uvhwila vhwakwe kuli ine vhutáali vhwa vhweleele, mwe pe kutuushila uvhwila uvhwo, mbomvile imbombo kuluusya avhatumwa vhonti. Ntavhomvile izyo ku maha gaane, ileelo uMulungu ku vhwila vhwakwe we ali pooka niine.

2 VaKolinti 3:5

Te kuuti tukusiivha kuuti tukuvhomba zyonti ku maha giitu, amaha giitu gakufuma kwa Mulungu.

VaEfeso 1:11

Ivintu vwonti vikuvhombeha kulandatana nu lukasamo nu vhwamuzi uvhwa Mulungu. Woope uMulungu kufuma hali átusavhuuye iswe swe Vhayuuda, kuuti tuvhe swe vhaana vhaakwe kwi idala ilya kusopenkana nu Chilisiti.

VaEfeso 1:5

uMulungu álongoleeye kwamula kutuvhiiha kuvha swe vhaana vhaakwe kutuushila kwa Yeesu Chilisiti. Ávhomvile vhwevhulo, kulandatana nu lukasamo lwakwe na vwe yámuhondeziizye,

VaEfeso 1:9

Ahatumanyisya ulukasamo lwakwe ulwa vhuzigizigi, lwe ákasiime kulandatana na vwe yikumuhondezya. Ulukasamo ulwo ásivhiliiye kululolesya kutuushila kwa Mwana waakwe uyo,

VaEfeso 2:8

Kwe ku vhwila vhwakwe uMulungu avhaposile kwi idala ilya kumwitiha uChilisiti. Nalyoli, uvhuposhi uvhwo vhutakufumiilana niimwe, shipeelwa isha vhweleele kufuma kwa Mulungu.

2 VaTesaloniki 1:11

Kuli izyo, tukuvhalaavhila shiima. Tukumulaavha uMulungu wiitu kuuti avhahondezye kutendama inza vwe ahavhiita. Havhili tukumulaavha kuuti ku maha gaakwe amasisya, alunjisye vwe mukwanza kuzivhomba inongwa inyinza nu kulunjisya imbombo yiinyu yonti iya mu lwitiho.

2 Timoti 1:9

Uweene átuposile, ahatwita kuuti tuvhe twe vhantu vhaakwe avhafinjile. Uvhuposhi vhwitu uvhwo vhutakufumiilana ni mbombo zyitu, vhukufumiilana nu lukasamo ulwa Mulungu wuuyo ku vhwila vhwakwe. Uvhwila uvhwo vhwe átufwiliiye mwa Chilisiti uYeesu, lwe insi yishiili kupelwa.

VaHebuli 13:21

Havhili uMulungu ajendeelele kuuvhapa amaha aga kuvhomba zye uweene akasiime, avhombe mu mooyo giinyu kwi idala ilya Yeesu Chilisiti zye zikuhondela pilongolela lyakwe. Uweene ashindikwaje shiima shiima! Amina.

1 Peteli 1:3

Ashindikwaje uMulungu, uTaata uwa Mwene wiitu uYeesu Chilisiti, mwe pe ku vhwila vhwakwe uvhupiti kuli iswe, atupezile vhupwa kwi idala ilya kumuzyusya uYeesu Chilisiti. Ávhomvile vhwevhulo, inga tuvhe nu lusuuvhilo ulwa vhulanzi,