Filipi 2:1 - ULufingwi uLupwa

¹ UChilisiti akuuvhapa umwoyo, ni shikunzi shaakwe shikuvhasuvhaalizya. Muli nu vhuliilani nu Mupepo uMufinjile, havhili mukufwilana uvhwila.

Tesitamenti Umupwa 1965

¹ Ilelo inga lulipʼulukumbusanyo lumo ulwa Chilisiti, nulusuvizyo lwa shikunzi, nuvulilani vwa Mupepo, nishikunzi sha mumwoyo, nulupepelezyo lwa muhati,

Filipi 2:1 Iomraidhean Croise

uLuuka 2:25

Ahavhaliilizyo iho ku Yelusaleemu, kwáli umuntu wumo we vhahatinji uSimiyooni. Umuntu uyo áamile mugolosu, havhili ahamushindihaga uMulungu. Ahasuvhilaga kwinza ukwa we alivhapoha aVhaisilayeeli. USimiyooni ahalongolwaga nu Mupepo uMufinjile.

Yohani 14:18

Te mbaleshe mweka ngati mwe vhantaagwa, kwe ninze havhili kuli imwe.

Yohani 14:27

Lwe nkwepa, nkuvhaleshela uvhutehamu vhwane. Nkuvhaleshela uvhutehamu vhwe vhutali inza vhwe vhukufuma ku vhantu vhe vhakumuhaana uMulungu. Mutaswimililwaje mu mooyo giinyu, havhili mutogopaje.

Yohani 17:13

“We Taata, ishi indi mwi idala nkwinza kuli iwe. Nkuvhavhuuzya avhasundikwa vhaane zyonti izi she indi mu nsi, inga vhavhe nu luseshelo nkaani muhati zyavho, inza vwe niine indi nu luseshelo.

iMbombo izya Vhatumwa 2:46

Vhahavhungaanaga pa Nyumba iMfinjile insiku zyonti. Havhili vhahavhungaanaga mu nyumba zyavho kumensulana ikaati nu kulya ishaakulya shaavho pooka ku mwoyo umwinza nu luseshelo.

iMbombo izya Vhatumwa 4:32

Avhantu vhonti vhe vhámwitisile uYeesu, vháamile umwoyo wooka ni nsiivho zyavho zyámile pooka. Atáliipo umuntu we ahayangaga kuuti ivintu vwe ali navwo vwakwe weeka, ivintu vwavho vwonti vhahasanganyaaga pooka.

VaLoma 5:5

Ulusuuvhilo ulwo lutakutusuupizya, mwe pe uMulungu atulolesiizye ishikunzi shaakwe ishipiti mu mooyo giitu kwi idala ilya kuutupa uMupepo uMufinjile.

VaLoma 8:26

Pooka niizyo, uMupepo uMufinjile we akutwavwaga mu vhuyeyevhazu vhwitu, mwe pe iswe tutamanyile vwe yikwanzilwa kulaavha, nkandi uMupepo uMufinjile wuuyo akutulaavhila ku nkuuta iya vhuswimiilizu ye yitangalondovholwa.

1 VaKolinti 12:13

Niiswe swenti, tuvhe twe Vhayuuda, poosye te twe Vhayuuda, tuvhe twe vhazya, poosye twe vhasatushe, twózeliilwe nu kumuposheela uMupepo wooka, inga tuvhe umuvhili wooka.

1 VaKolinti 15:31

Vhamwitu, insiku zyonti indi mu mayimba aga vhufwe. Kuyitumvwa kwane ku zyinyu, kwe kuli mwa Chilisiti uYeesu uMwene wiitu, kwe kumbiisile kuyanga amazwi iga.

1 VaKolinti 3:16

Vhuli, mutamanyile kuuti imwe mwe Nyumba iMfinjile iya Mulungu? Mutamanyile kuuti uMupepo uwa Mulungu akutendama pahati yiinyu?

2 VaKolinti 13:14

UMwene uYeesu Chilisiti avhafwilaje uvhwila. UMulungu alolesyaje ishikunzi kuli imwe. Woope uMupepo uMufinjile, avhapanje uvhuliilani imwe mwenti.

2 VaKolinti 2:14

Tukumusalifwa uMulungu, mwe pe mwa Chilisiti akutulongola ahavhaliilizyo honti kuvhapoota avhalugu. Havhili akutuvhiiha iswe kuuti tukumusyaje izwi ilya Chilisiti imbazu zyonti, inza umununsi umwinza vwe wukusaata kwonti.

VaGalati 4:6

Ishi, mwe pe twe vhaana vhaakwe, uMulungu amusonteleziizye uMupepo uwa Mwana waakwe mu mooyo giitu, uMupepo we akutuvhiiha kuuti tumwitaje uMulungu tutinji, “Aba,” kwe kuuti, “Taata.”

VaGalati 5:22

Ileelo inga tukulongolwa nu Mupepo uMufinjile, tukuvha na mantonongwa iga: ishikunzi nu luseshelo nu vhutehamu nu vhujimbiilizu nu vhwinza nu vhutesi nu vhutungamu

VaEfeso 4:4

Iswe swenti tusopenkiine inza ivipelwa ivwa mu muvhili wooka, havhili tuli nu Mupepo uMufinjile wooka. Vhwevhulo, uMulungu átwisite nu kutuvhiishila ulusuuvhilo lwoka ulwa lwito lwitu.

Filipi 1:8

UMulungu amanyile kuuti, zye nkuyanga zya nalyoli lwe nkuhomeelezya kuuti, ku shikunzi isha Chilisiti uYeesu, nsamvile nkaani kuvhalola.

Filipi 3:3

Iswe twe tutahiliilwe ku wanalyoli, mwe pe tukumupuuta uMulungu kwi idala ilya Mupepo waakwe. Tukuyitumvwizya uChilisiti uYeesu, havhili tutakusuuvhila kutahiililwa.

Kolosi 2:2

Nkuvhomba ishi, inga mwenti amooyo giinyu gagome. Havhili musopenkane pooka ku shikunzi, nu kuvha nu vhumanyi vhwe vhukuuvhapa uvhwanalyoli. Pe mulivhumanya uvhuzigizigi uvhwa Mulungu, kwe kuuti uChilisiti wuuyo.

Kolosi 3:12

Ishi, mwe pe mwe vhasaavhulwa avha Mulungu, havhili mwe vhafinjile vhe avhakunzite, muvhe nu mwoyo uwa vhwila nu mwoyo umwinza nu vhwahayiisye nu vhutonsu nu vhujimbiilizu.

VaHebuli 6:18

Inga uMulungu afinga nu kulapa, atakwandula naalumo, mwe pe uweene atakuluma ilenga. Uweene ávhomvile ivintu ivi vivhili, kufinga nu kulapa, inga aatupe umwoyo iswe twe tushimbiliiye kuzilema nkaani ziila zye tukuzisuuvhila.

1 Peteli 1:2

UTaata uMulungu ávhasavhuuye imwe kulandatana nu lukasamo lwakwe, havhili ávhazelufwizye kwi idala ilya Mupepo waakwe. Ávhomvile vhwevhulo, inga mumushindihaje uYeesu Chilisiti, we ávhazelufwizye na mavhanda gaakwe. UMulungu ayonjezye kuvhafwila uvhwila nu kuuvhapa uvhutehamu ku vhwinji.

1 Yohani 3:24

Umuntu we akuzishindiha indajizyo izya Mulungu, akulandila ku vhuliilani nu weene, woope uMulungu akulandila ku vhuliilani nawo. Tumanyile kuuti uMulungu akulandila ku vhuliilani niiswe kwi idala ilya Mupepo uMufinjile we atupiiye.

1 Yohani 4:12

Ataliipo umuntu wonti we amuvhwenyi uMulungu lumo. Ileelo inga tukukundana, uMulungu akulandila ku vhuliilani niiswe, havhili ishikunzi shaakwe shikulunjiha muli iswe.

1 Yohani 4:16

Ishi, iswe tumanyile nu kwitiha kuuti uMulungu atukunzite. UMulungu shikunzi. Wonti we akulandila ku shikunzi, we akulandila ku vhuliilani nu Mulungu, woope uMulungu akulandila ku vhuliilani nu weene.