Filipi 1:8 - ULufingwi uLupwa

⁸ UMulungu amanyile kuuti, zye nkuyanga zya nalyoli lwe nkuhomeelezya kuuti, ku shikunzi isha Chilisiti uYeesu, nsamvile nkaani kuvhalola.

Tesitamenti Umupwa 1965

⁸ ShʼuMulungu we wʼuhome wane, amanyile ṿwe nkuvasambilʼimwe mushikunzi she shili mumwoyo wa Chilisiti Yesu.

Filipi 1:8 Iomraidhean Croise

uLuuka 1:78

mwe pe uMulungu wiitu ali nu vhwila nkaani ku kwitu. Ku vhwila uvhwo, uvhuzelu kufuma ku mwanya vhulituhozezya,

VaLoma 1:9

UMulungu we nkumuvhombela ku mwoyo waane wonti, lwe nkuvhalumbiilila avhantu avhanji Izwi iLyinza ilya Mwana waakwe, wu hoome waane. Amanyile vwe nkuvhalaavhila imwe ahavhaliilizyo honti ishisita kulita.

VaLoma 9:1

Nkuyanga uvhwanalyoli, mwe pe nkumwitiha uChilisiti. Havhili umwoyo waane we wukulongolwa nu Mupepo uMufinjile, woope wukuhomeshezya kuuti nkuyanga uvhwanalyoli, ntakuluma ilenga.

2 VaKolinti 13:9

Tukuseshela, mwe pe iswe twe vhayeyevhazu, ileelo imwe muli na maha. Tukumulaavha uMulungu avhaavwe kuuti muvhe mwe vhagolosu.

2 VaKolinti 6:12

Iswe tutalesile kuvhakunda imwe, nkandi imwe mwe mulesile kutukunda iswe.

2 VaKolinti 7:15

Ishikunzi isha Tiiti kuli imwe shikwonjela, lwe akukumbuha umushinzi wiinyu mwenti na vwe mwaamuposheleeye ahinza, havhili kwi idala ilya kunyila.

VaGalati 1:20

Nkulapa pilongolela ilya Mulungu, kuuti izi zye nkuvhasimbila, ntakuluma ilenga.

VaGalati 3:26

Kwi idala ilya lwitiho, imwe mwenti mwe vhaana vha Mulungu, mwe pe musopenkiine nu Chilisiti uYeesu.

VaGalati 4:19

Vhaana vhaane, inza vwe umwantanda we ali pa vhumwamu akuyiivwa uvhuvhaavi lwe ahavhaliilizyo aha kupaapa haafiha, vwe zyáli niine. Niishi indi she nkuyiivwa uvhuvhaavi nkaani ku zyinyu. Kwe njendeelele kuyiivwa uvhuvhaavi kufishila lwe ulujendo ulwa Chilisiti lwaloleha mu lujendo lwinyu.

Filipi 2:1

UChilisiti akuuvhapa umwoyo, ni shikunzi shaakwe shikuvhasuvhaalizya. Muli nu vhuliilani nu Mupepo uMufinjile, havhili mukufwilana uvhwila.

Filipi 2:26

Niishi avhasamvile nkaani imwe mwenti. Aswimiliilwe nkaani, mwe pe imwe mwivuuye kuuti aamile muvhinu.

Filipi 4:1

Ishi vhamwitu mwe mbakunzite nu kuvhasamba nkaani, imwe mwe mukumbiiha kuuti mbe nu luseshelo nu kuposheela ishipambwi. Vhankundwa mukwanzilwa kusimpa mwa Mwene uYeesu.

Kolosi 2:1

Nkwanza mumanye kuuti, nkuyikungula ku maha gonti kuvhaavwa imwe na vhiitisi avha ku Lawodikiya na vhanji vhonti vhe tutahalolana naalumo.

Kolosi 3:12

Ishi, mwe pe mwe vhasaavhulwa avha Mulungu, havhili mwe vhafinjile vhe avhakunzite, muvhe nu mwoyo uwa vhwila nu mwoyo umwinza nu vhwahayiisye nu vhutonsu nu vhujimbiilizu.

1 VaTesaloniki 2:5

Mumanyile kuuti tutahayangaga amazwi, inga mutusungwe, poosye kuyanga amazwi ge te ga nalyoli inga tulyaje ilonka. UMulungu wu hoome!

1 VaTesaloniki 2:8

Twávhakunzite imwe nkaani. Kuli izyo, twásesheeye te kwe kuvhavhuuzya Izwi iLyinza ilya Mulungu vhweleele, nkandi havhili nu kuyifumwa kuvhomba zyonti zye zihondeeye kuvhaavwa, mwe pe nalyoli mwe vhankundwa vhiitu.

2 Timoti 1:4

Nkukumbuha amansozi gaaho lwe tuhalehaanaga. Nsamvile kukulola, inga mbe nu luseshelo.

Filemoni 1:12

Ishi nkumugalusya ku kwaho, uno imukunzite ku mwoyo waane wonti.

Filemoni 1:20

Ishi wamwitu, umbombele ili kuzya Mwene wiitu uYeesu, havhili usansamusye umwoyo waane mwa Chilisiti.

1 Yohani 3:17

Umuntu wonti we ali ni vintu, havhili akumulola uwamwavho we asovheliilwe, ileelo atakuvha nu mwoyo uwa vhwila, angayanga vhuli kuuti ali ni shikunzi isha Mulungu?