Filipi 1:6 - ULufingwi uLupwa

⁶ Ishi nkuhomeshezya kuuti, nalyoli uMulungu we ahataliha imbombo inyinza iya vhuposhi mu mooyo giinyu, kwe ajendeelele kuyimala kufishila isiku lye uYeesu Chilisiti aligaluha.

Tesitamenti Umupwa 1965

⁶ Shʼine nzitungamiye zinizi ukuti uno wʼayanzitʼimbombʼinyinza mumoyo ginyu, wʼaliyimalilizya alifiha nayo pisiku lya Chilisiti Yesu.

Filipi 1:6 Iomraidhean Croise

Yohani 6:29

Woope uYeesu ahavhaamula ahati, “Imbombo ye uMulungu akwanza muvhombaje, ya kuniitiha ine, ne ansonteleziizye kuli imwe.”

iMbombo izya Vhatumwa 11:18

AVhayuuda vhe vhámwitisile uYeesu lwe vhiivwa izyo, vhahaleha kudalisya. Vhahamutiima uMulungu vhahati, “Fwandi uMulungu avhapiiye vhoope avhantu vhe te Vhayuuda idala lye vhangatonta imbiivhi zyavho, inga vhavhwaje uvhulanzi uvhwa shiima!”

iMbombo izya Vhatumwa 16:14

Mu vhe vhahatutejelezyaga, áliipo umwantanda wumo we vhahatinji uLiidiya, áali wa mu nkaaya iya Tiyatiila. Uyo atáali Muyuuda ileelo ahamunyilaga uMulungu. Ahavhombaga imbombo iya kukazya amenda aga muhoola uwa mafwomfwo. UMwene uYeesu ahawiigula umwoyo waakwe, ahagaposheela amazwi ge uPaavhuli ahayangaga.

1 VaKolinti 1:8

UMulungu kwe avhagomwe kufishila kumpeleela, inga mutahinze mulongwe kuuti te mwe vhagolosu isiku liila lye uMwene wiitu uYeesu Chilisiti aliyinza kuvhalonga avhantu.

2 VaKolinti 1:15

Mwe pe imanyile kuuti muliyitumvwa ku zyitu, nanzaga kulongolela kwinza kuli imwe suuti. Kuli izyo, mwaamile muposheelaje uvhuloote luvhili kuzya ine kwinza ukwo luvhili.

2 VaKolinti 2:3

Ye nongwa naavhasimbiiye ukalaata uwamwavho ula, inga lwe ninza kuli imwe, intahaapelwe kuvha nu vhuswimiilizu na vhantu vhe vhakwanzilwa kumbiiha kuvha nu luseshelo. Imanyile kuuti ine inga navha nu luseshelo, niimwe mukuvha nu luseshelo.

2 VaKolinti 7:16

Naseshela nkaani ku zyinyu, mwe pe ishi nkwanzilwa kuvhasuuvhila nziila.

2 VaKolinti 9:4

Yeenya, inga ninza ukwo pooka na vhantu avha ku Makedooniya nu kwaga mutayisengiinye, ipo lwe mwampezya insoni kuzya lusuuvhilo lwitu kuli imwe. Havhili niimwe lwe mwavha ni nsoni zye zitakuyanjiha.

VaGalati 5:10

Imwe mwe vhantu avha Mwene uYeesu. Nkuyanga ishisita amaganigani kuuti, te mulandate amazwi aga vhantu avhanji, nkandi kwe mulandate amazwi gaane. Havhili wonti we akuvhateezya imwe, nalyoli alilongwa, poosye avhe wu naanu.

VaEfeso 4:12

Imbombo yaavho ivho vhonti kwe kuvhasengaanya nu kuvhagomwa avhafinjile kuvhomba imbombo yaakwe. Vhakwanzilwa kuvhomba imbombo iya Mulungu, inga umuvhili uwa Chilisiti wuzengwe, kwe kuuti ishivhanza.

Filipi 1:10

inga mwamulaje zye nyinza. Pe muliivha mwe vhagolosu ishisita uvhunanzi kufishila isiku lye uChilisiti aligaluha.

Filipi 1:29

Imwe mufwililiilwe uvhwila, te kwe kumwitiha uChilisiti vhweleele, nkandi nu kuyimvilwa ku zyakwe.

Filipi 2:12

Vhankundwa vhaane, muhamunyilaga uMulungu lwe náali pooka niimwe. Ishi mumunyilaje inza vhwevhulo, ahavhaliilizyo iha he indi ukutali, kuluusya luula lwe náali pooka niimwe. Jendelelaaji kulunjisya uvhuposhi vhwinyu, kwi lyoga nu kutetema.

Filipi 2:13

Muvhombaje isho, mwe pe uMulungu wuuyo we akuvhomba imbombo muhati zyinyu, kuuti inyinza zye akwanza, zye niimwe mwanzaje nu kuzivhomba.

Filipi 2:16

Mugalemaje amazwi aga vhulanzi. Kuli izyo, pe niine ndiyitumvwa isiku liila lye uChilisiti aligaluha, mwe pe yililoleha kuuti, umute waane ni mbombo yaane vitáali vhweleele.

Kolosi 2:12

Kwi idala ilya kwozelwa, mwáfuuye nu kusyilwa pooka nu Chilisiti. Havhili kwi idala ilyo, mwázyusile pooka nu weene, kutuushila kugiitiha amaha aga Mulungu we ámuzyusiizye.

1 VaTesaloniki 1:3

Lwe tukuvhalaavhila kwa Taata wiitu uMulungu, tukukumbuha pilongolela lyakwe imbombo ye mukuvhomba ku lwitiho. Tukukumbuha umute wiinyu we wukufumiilana ni shikunzi shiinyu, havhili vwe mwimiliiye kufumiilana nu lusuuvhilo lwinyu kwa Mwene wiitu uYeesu Chilisiti.

2 VaTesaloniki 1:11

Kuli izyo, tukuvhalaavhila shiima. Tukumulaavha uMulungu wiitu kuuti avhahondezye kutendama inza vwe ahavhiita. Havhili tukumulaavha kuuti ku maha gaakwe amasisya, alunjisye vwe mukwanza kuzivhomba inongwa inyinza nu kulunjisya imbombo yiinyu yonti iya mu lwitiho.

2 VaTesaloniki 3:4

Woope akuutupa ulusuuvhilo ulupiti kuuti, ishi mukuvhomba ziila zye tukuvhalajizya, havhili kwe mujendeelele kuzivhomba.

Filemoni 1:21

Nkukusimbila ukalaata uno, mwe pe imanyile kuuti kwe uzishindishe ziila zye nakulaavha. Havhili imanyile kuuti kwe uvhombe kuluusya niizyo.

VaHebuli 10:35

Kuli izyo, muvhanje nu vhudandamazu, mwe pe muliposheela ishipeelwa ishipiti nkaani kufuma kwa Mulungu.

VaHebuli 12:2

Tuvhombaje vhwevhulo, uku tukumwenyeelezya uYeesu we átalisiizye idala ilya kuuti iswe tumwitihaje uMulungu, havhili we akuutupa umwoyo kuuti tujendelelaje kumwitiha kufishila ku vhusililishilo. Havhili ávhujimbiliiye uvhufwe pa shihovhenkanyo ishisita kusaajila kulola insoni, kuzya luseshelo lwe lwávhisiilwe pilongolela lyakwe. Ishi atendiime uluvhazu ulwa kundiilo ulwa shitengo isha vhumwene isha Mulungu, pa vhushindamu uvhupiti nkaani.

1 Peteli 5:10

Ileelo lwe mwayimba ku havhaliilizyo hansi, uMulungu alivhasengaanya nu kuvhasuvhaalizya nu kuuvhapa amaha nu kuvhaavwa kuvha nu lwalo ulwa maha mu lwitiho lwinyu. Uweene wu Mulungu uwa vhwila mu zyonti, ávhiisite kutuushila kwa Chilisiti uYeesu, kuuti mwinjile mu vhushindamu vhwakwe uvhwa shiima.

2 Peteli 3:10

Isiku ilya Mwene ilya kulonga avhantu liliyinza kwi idala ilya kwitushizya inza umwivha. Isiku ilyo, imwanya yiliyeepa ku lujilimo ulupiti, ivintu vwe vwápeziilwe hali vilipembwa nu mwoto, yoope insi yiliilovha pooka ni vintu vwonti vwe vili muumwo.