Filipi 1:11 - ULufingwi uLupwa

¹¹ Muvhavhombelaje inyinza avhamwinyu, kwi idala ilya Yeesu Chilisiti, kuzya kumushindiha nu kumutiima uMulungu.

Tesitamenti Umupwa 1965

¹¹ lwe mwizuye insanga zya vugolosu zyʼapezilʼuYesu Chilisiti, izya kumushindihʼuMulungu nukumutundumiha.

Filipi 1:11 Iomraidhean Croise

Matayi 5:16

Vhwevhulo, vwe uvhuzelu vhwinyu vhukwanzilwa vhuvhahozezyaje avhantu, inga vhazilolaje imbombo zyinyu inyinza, pe vhamushindihaje uTaata wiitu uwa ku mwanya.”

Yohani 15:16

Te mwemwe mwánsavhuuye ine, ine ne návhasavhuuye imwe kuvha mwe vhasundikwa vhaane. Návhasavhuuye, inga mupaapaje amantonongwa ge gatakusila naalumo. Pe zyonti zye mukumulaavha uTaata uMulungu kwi izina lyane, aliivhapa.

Yohani 15:2

Ulusamba lwonti lwe luli muli ine lwe lutakuhoma amantonongwa, uTaata akuludiba. Ileelo ulusamba lwe lukuhoma amantonongwa, uTaata akulupalulila, inga luhomaje ahinza.

Yohani 15:8

Inga mukuhoma amantonongwa aminji, nu kuvha mwe vhasundikwa vhaane avha nalyoli, kwe mulolesyaje apazelu uvhushindamu uvhwa Taata waane.

VaLoma 15:28

Lwe naamala imbombo iyo, iya kuuvhapa ivwa kuvhaavwa avhapiina ivho, pe ndituushila kuvhalola imwe lwe ndi mu vhulendo uvhwa kusogola ku Hisipaaniya.

VaLoma 6:22

Ileelo ishi musatuliilwe kufuma mu vhutalamalandu, mwe vhazya vha Mulungu, ni ilonka lye mukuliposheela, vhufinjile na ku vhusililishilo uvhulanzi uvhwa shiima.

1 VaKolinti 10:31

Ishi, zyonti zye mukuvhomba, yivhe kwe kulya, poosye kumwela, poosye ishinji shonti she mukuvhomba, muvhombaje kuzya kuumupa uMulungu uvhushindamu.

2 VaKolinti 9:10

UMulungu we akuumupa umuntu imbeyu iya kuvhwala ni ikaati ilya kulya, kwe aavhape imbeyu iya kuvhwala nu kuvhonjezezya. Kwe kuuti kwe aavhape nu kuvhonjezezya umwoyo uwa vhutesi.

VaEfeso 1:12

Ávhomvile vhwevhulo, inga ku zyitu iswe swe vhatanzi kumusuuvhila uChilisiti, uMulungu ashindikwaje ku vhushindamu vhwakwe.

VaEfeso 1:14

UMulungu átupiiye uMupepo waakwe avhe shintu isha kuyipinjiha, kutuhomeshezya kuposheela uvhupwano vhwakwe, kufishila pe alitutavhula iswe swe vhantu vhaakwe. Avhomvile vhwevhulo, inga atimwaje ku vhushindamu vhwakwe!

VaEfeso 2:10

Iswe swe vipelwa ivipwa ivwa Mulungu. Uweene atupezile vhupwa kwi idala ilya kusopenkana nu Chilisiti uYeesu, inga tuvhombe imbombo inyinza. Imbombo izyo uMulungu ázisengiinye kufuma hali, inga iswe tuzivhombaje.

VaEfeso 5:9

Nkuyanga vhwevhulo, mwe pe avhantu vhe vhali mu vhuzelu vhakuvhomba inyinza ni ngolosu ni zya nalyoli ahavhaliilizyo honti.

Filipi 4:17

Te kuuti nkunyonywa kuposheela ivipeelwa ivwamwavho, nkandi kuuti muposheele uvhuloote ku mbombo yiinyu iya kufumwa.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

Kolosi 1:6

Izwi ilyo lye lyálumbiliilwe kuli imwe, likumusile mu nsi zyonti. Umwo likuvhagalulanya avhantu inza vwe lyávhagaluliinye imwe, kufuma pe mwályivuuye nu kuvhumanya uvhwila uvhwa Mulungu mu vhwanalyoli vhwonti.

2 VaTesaloniki 1:12

Tukulaavha vhwevhulo, inga izina ilya Mwene wiitu uYeesu lishindikwaje ku zyinyu. Havhili niimwe mushindikwaje ku zyakwe, kufumiilana nu vhwila uvhwa Mulungu wiitu, nu vhwa Mwene uYeesu Chilisiti.

uTiiti 3:14

Avhantu vhiitu vhasambililaje kuvhomba inyinza ahavhaliilizyo honti, inga vhavhavwaje avhantu avhanji ivintu vwe vhasovheliilwe. Ipo pe vhakuvha vhakuvhahondezya avhanji mu vhuyo vhwavho.

VaHebuli 12:11

Ataliipo umuntu we akuseshela lwe akusundwa, vhonti vhakuswimiililwa. Ileelo vhaala vhe kusundwa kwavho kuvhavhiisile kuuti vhaluvhaalile kuvha nu lujendo ulwinza, vhakuvhomba ingolosu pilongolela ilya Mulungu nu kuvha nu vhutehamu.

1 Peteli 2:12

Muvhanje nu lujendo ulwinza pilongolela ilya vhantu vhe vhatamwitisile uMulungu. Pe inga vhakuvhayanga kuuti mwe vhavhomba mbiivhi, vhazilolaje imbombo zyinyu inyinza, inga vhahamutiime uMulungu ku zyinyu, isiku ilya kwinza kuvhalonga avhantu vhonti.

1 Peteli 2:5

Niimwe vhweleele muli ngati mavhwe amalanzi. Muzengwilwe kuvha nyumba imfinjile ye yitakuloleha pa minso amazelu. Umwo niimwe mwe vhapuuti avhafinjile vhe vhakufumwa impuutile zye zitakuloleha pa minso amazelu. Impuutile izyo zikwitishilwa nu Mulungu kwi idala ilya Yeesu Chilisiti.

1 Peteli 2:9

Ileelo uMulungu ávhasavhuuye imwe kuvha mwe vhantu vhaakwe. Imwe mwe vhapuuti mu vhumwene vhwakwe, havhili mwe vhantu avhafinjile. UMulungu ávhasavhuuye imwe, inga mukumusyaje imbombo zyakwe impiti. Uweene ávhiisite kufuma mu shiisi nu kuvhinjizya mu vhuzelu vhwakwe uvhupiti.

1 Peteli 4:14

Inga mukuligwa, mwe pe mwe vhiitisi avha Chilisiti, mumanyaje kuuti mulosiitwe, mwe pe uMupepo uwa kusukumizya uwa Mulungu ali pooka niimwe.