Filipi 1:1 - ULufingwi uLupwa

¹ Ukalaata uno nsimvile ine ne Paavhuli pooka nu Tiimoti, twe vhavhomvi avha Chilisiti uYeesu. Tukuvhasimbila imwe, mwe vhafinjile avha mu nkaaya iya Fiilipi, pooka na vhimiilizi vhiinyu na vhatuuli avha shivhanza.

Tesitamenti Umupwa 1965

¹ UPavuli nuTimoti avanyamata va Chilisiti Yesu tukuvasimbila mwe vafinjile mwenti mwa Chilisiti Yesu mwe muli mu-Filipi namwe vasungashivanza namwe vaṿwambombo:

Filipi 1:1 Iomraidhean Croise

Maliko 13:34

Ishiholanyo isha kugaluha kwane shili ngati muntu we akushuula, ahayileha inyumba yaakwe na vhazya vhaakwe, ahaavhapa vhonti amaha ni mbombo zyavho. Ahamulajizya umuguulizi uwa mulyango ahati, ‘Uvhanje minso.’

Yohani 12:26

Umuntu wonti we akumbombela ine, akwanzilwa andandate. Yeenya, ponti pe indi, nu muvhomvi waane kwe avhanje. Havhili uTaata alimushindiha umuntu wonti we akumbombela ine.

iMbombo izya Vhatumwa 1:20

UPeeteli ahajendeelela kuyanga kuuti, “Izyo zye uDaavhudi ásimvile mwi ikalaata ilya Zabuuli kuuti, ‘Pa vhutendamo vhwakwe pasyale litongo, patahaavhe umuntu we angatendama puupo.’ Havhili yisimviilwe kuuti, ‘Imbombo yaakwe iya kulongozya anyatule umuntu uwunji.’

iMbombo izya Vhatumwa 20:28

Muyisunjililaje mweneemwe, pooka ni mpuga yiila ye uMupepo uMufinjile avhavhiisile imwe kuvha mwe vhimiilizi. Mushidiimaje ishivhanza isha Mulungu she áshikazile ku mavhanda gaakwe wuuyo.

iMbombo izya Vhatumwa 9:13

UAnaniya ahamwamula ahati, “We Mwene, nivuuye ku vhantu avhinji vwe uSaavhuli uyo avhavhombeeye imbiivhi avhafinjile vhaaho mu Yelusaleemu!

VaLoma 1:1

Ukalaata uno nsimvile neene ne Paavhuli, ne muvhomvi uwa Chilisiti uYeesu. Ániisite kuuti mbe ne mutumwa, nu kunsaavhula kuuti nkumusyaje Izwi iLyinza ilya Mulungu.

VaLoma 1:7

Kuli izyo, nkuvhasimbila imwe mwe muli ku Luumi, mwe uMulungu avhakunzite nkaani nu kuvhiita kuvha mwe vhafinjile. UTaata wiitu uMulungu nu Mwene uYeesu Chilisiti vhavhafwilaje uvhwila nu kuuvhapa uvhutehamu.

1 VaKolinti 16:10

Inga uTiimoti ayinza kuli imwe, mumuposheele nu kumusunga, inga atendame niimwe ahinza ishisita ilyoga, mwe pe woope akuvhomba imbombo iya Mwene uYeesu inza ine.

2 VaKolinti 1:1

Ukalaata uno nsimvile neene ne Paavhuli, ne uMulungu aniisite ku lukasamo lwakwe kuuti mbe ne mutumwa uwa Chilisiti uYeesu. Ine nu wamwitu uTiimoti tukuvhalamuha imwe mwe muli mu shivhanza isha Mulungu, mwe muli mu nkaaya iya Kolinto, pooka na vhafinjile vhonti vhe vhali mu shigavho isha nsi isha Akaaya.

VaGalati 1:10

Ishi vhuli, mukusiivha kuuti nkwanza kukundwa na vhantu? Ndaali, nkwanza kukundwa nu Mulungu weeka vhweleele! Inga nanzaga kukundwa na vhantu, ine nkandi te ne muzya wa Chilisiti.

VaGalati 3:26

Kwi idala ilya lwitiho, imwe mwenti mwe vhaana vha Mulungu, mwe pe musopenkiine nu Chilisiti uYeesu.

VaGalati 3:28

Ishi pe kutaliipo kusugaana uMuyuuda na we te Muyuuda, nu muzya nu musatushe, nu mwanaavuli nu mwantanda, mwe pe mwenti muli ishintu shooka mwa Chilisiti uYeesu.

VaEfeso 1:1

Ukalaata uno nsimvile neene ne Paavhuli ne mutumwa uwa Chilisiti uYeesu. Násavhuliilwe kuvha ne mutumwa ku lukasamo ulwa Mulungu. Nkuvhasimbila imwe mwe mukutendama mu nkaaya iya Hefeeso, mwe vhafinjile avhatungamu avha Chilisiti uYeesu.

VaEfeso 1:15

Kuli izyo, lwe niivwa kuuti mukumwitiha uMwene uYeesu nu kuvhakunda avhafinjile vhonti,

VaEfeso 6:24

UMulungu avhafwile uvhwila vhonti vhe vhakumukunda uMwene wiitu uYeesu Chilisiti ku shikunzi she shitali nu vhusililishilo.

Filipi 2:19

Inga uMwene uYeesu asungwa, nkusuuvhila kuuti, ndimusonteelezya uTiimoti kuli imwe. Ahinze avhasuvhaalizye, havhili pisinda ansuvhaalizye niine lwe agaluha kumbuuzya inongwa zyinyu.

Filipi 2:5

Muvhe ni nsiivho ziila, zye áali nazyo uChilisiti uYeesu.

Filipi 3:12

Ntakuti nzifishiiye zyonti izyo, havhili ntakuti ne mulunjisu ku zyonti. Ileelo nkujendeelela kudaga, inga mfishile zyonti. UChilisiti uYeesu ansavhuuye, inga mfishile izyo zyonti.

Filipi 3:3

Iswe twe tutahiliilwe ku wanalyoli, mwe pe tukumupuuta uMulungu kwi idala ilya Mupepo waakwe. Tukuyitumvwizya uChilisiti uYeesu, havhili tutakusuuvhila kutahiililwa.

Filipi 3:8

Havhili te ziniizyo vhweleele, nkandi ni zyamwavho zyonti, nkuzilola kuuti she shooka nu vhuluuzwe, kuzya vhwinza vhwe vhutali ni shipimilo uvhwa kumumanya nkaani uMwene waane uChilisiti uYeesu. Uweene ku zyakwe mposheleeye uvhuluuzwe uvhwa izyo zyonti. Havhili nkuzilola inza amavi, inga imwaje uChilisiti

1 VaTesaloniki 1:1

Ukalaata uno nsimvile neene ne Paavhuli pooka nu Silwano nu Tiimoti. Tukuvhasimbila imwe mwe muli mu shivhanza isha mu nkaaya iya Tesaloniiki, mwe mpuga iya vhantu mwe mumwitisile uTaata uMulungu nu Mwene uYeesu Chilisiti. UMulungu avhafwilaje uvhwila nu kuuvhapa uvhutehamu.

1 VaTesaloniki 2:2

Havhili mumanyile kuuti lwe twáshiili kufiha kuli imwe, twáyimvile nu kuligwa mu nkaaya yiila iya Fiilipi. Pooka nu kuuti kuli imwe kwáliipo kudindanjizya nkaani, ileelo uMulungu átupiiye uvhudandamazu uvhwa kulumbiilila Izwi lyakwe iLyinza.

2 VaTesaloniki 1:1

Ukalaata uno nsimvile neene ne Paavhuli pooka nu Silwano nu Tiimoti. Tukuvhasimbila mwe mpuga iya vhantu mwe mumwitisile uTaata wiitu uMulungu nu Mwene uYeesu Chilisiti, mwe muli mu shivhanza isha mu nkaaya iya Tesaloniiki.

2 VaTesaloniki 1:10

Isunde ilyo liliivha isiku liila lye uMwene uYeesu aliyinza, kuposheela uvhushindamu kufuma ku vhafinjile vhaakwe, kwe kuuti aliposheela umushinzi kufuma ku vhonti vhe vhamwitisile. Niimwe vhuulo muliivha pooka navho, mwe pe muvhwitisile uvhwahoome vhuula vhwe twávhaleteeye.

1 Timoti 1:2

Ine nkukusimbila iwe Tiimoti, we mwana waane nalyoli mu lwitiho. UTaata uMulungu nu Mwene wiitu uChilisiti uYeesu, vhakufwilaje uvhwila nu kuukupa ulupepeelezyo nu vhutehamu.

1 Timoti 3:8

Vhwevhulo, avhatuuli avha shivhanza vhakwanzilwa kuuti avhantu vhavhashindihaje. Vhatavhanje ni ilenga, havhili vhatavhanje vhe vhashimwela, poosye kuvha vhapapizi avha mpiiya.

uTiiti 1:1

Ukalaata uno nsimvile neene ne Paavhuli, ne muvhomvi uwa Mulungu, havhili ne mutumwa uwa Yeesu Chilisiti. Antumile kuzya vhantu avha Mulungu vhe avhasavhuuye wuuyo, kuuti vhavhe nu lwitiho. Havhili vhavhumanye uvhwanalyoli vhwonti vhwe vhukuleeta ulujendo ulwinza pilongolela ilya Mulungu.

uTiiti 1:7

Mwe pe umwimiilizi akuyimililila imbombo iya Mulungu, akwanzilwa kuuti avhanje muntu we atakukwinkwinwa naashimo. Atakwanzilwa kuuti avhanje muntu we akuyitumvwa, poosye we ali nu mulaha, poosye we wu shimwela, poosye we wa ivho. Havhili atakwanzilwa kuuti avhanje nu lupapilo ulwa mpiiya.

Filemoni 1:1

Ukalaata uno nsimvile neene ne Paavhuli, ne nkunziilwe kuzya kulumbiilila izwi ilya Chilisiti uYeesu. Ine nu wamwitu uTiimoti, tukukusimbila iwe Filimooni, we muvhomvi uwamwitu unkundwa.

VaHebuli 13:23

Nkwanza mumanye kuuti uwamwitu uTiimoti vhamufumwizye mu jeela. Inga ayinza naluvhiilo ipa, kwe ninze nawo kuli imwe, inga tuvhalamushe.

Yakobu 1:1

Ukalaata uno nsimvile neene ne Yaakobu, ne muvhomvi uwa Mulungu nu wa Mwene uYeesu Chilisiti. Nkuvhalamuha imwe mwe Vhayuuda mwenti mwe vha nkolo 12, mwe musaasite mu nsi izya mavhiila mu mavhiila.

1 Peteli 2:25

Mwáteezile inza ingʼonzi zye ziteezile idala, ileelo ishi mumugalushiiye uMudiimi nu Mwimiilizi uwa mooyo giinyu.

2 Peteli 1:1

Ukalaata uno nsimvile neene ne Peeteli, ne muvhomvi, havhili ne mutumwa uwa Yeesu Chilisiti. Nkuvhasimbila imwe mwe muposheleeye ulwitiho luula ulwa nsavho, lwe niiswe tuluposheleeye. Muluposheleeye ulwitiho ulwo kwi idala ilya vhugolosu uvhwa Mulungu wiitu uMuposhi uYeesu Chilisiti.

uYuuda 1:1

Ukalaata uno nsimvile neene ne Yuuda. Ine ne muvhomvi uwa Yeesu Chilisiti, havhili ne munine uwa Yaakobu. Nkuvhasimbila imwe mwe uTaata uMulungu ahavhiita nu kuvhakunda, havhili uYeesu Chilisiti akuvhasunjiilila.

Ishitushizya 1:1

Ishi, shitushizya isha Yeesu Chilisiti. UMulungu ámupiiye ishenesho, inga avhalolesye avhavhomvi vhaakwe zye kuuti zivhombeshe ishisita kuhaavha. UYeesu ahamulolesya uYoohani umuvhomvi waakwe kutuushila kwa havhizya waakwe.

Ishitushizya 1:20

Inzota 7 zye wazilola nzilemile ku nyoovhe yaane iya kundiilo, vhe vhahavhizya avha vivhanza viila 7. Havhili ivisajishilo ivwa sahaabu ivwa nyaale 7 vivhanza ivwo 7.”

Ishitushizya 19:10

Pe nkakupama pilongolela ilya vinama vwakwe kuuti imupuute. Ileelo uweene ahambuuzya, ahati, “Leha! Ine ne muvhomvi vhweleele inza iwe na vhamwinyu, swenti tukufumwa uvhwahoome uvhwa Yeesu. Mupuute uMulungu! Nkuyanga vhwevhulo, mwe pe vhe vhakufumwa uvhwahoome uvhwa Yeesu, vhe vhali nu Mupepo uMufinjile. Woope we akuvhaavwa kufumwa uvhukuvhwi.”

Ishitushizya 2:12

“Uhavhizya uwa shivhanza isha ku Pegaamo, musimbile uti: Iga mazwi kufuma kwa Yeesu, ula we ali ni ipanga lye lihozile kwonti:

Ishitushizya 2:8

“Uhavhizya uwa shivhanza isha ku Siimina, musimbile uti: Iga mazwi kufuma kwa Yeesu, ula we Vhwandilo nu Vhusililishilo, we áfuuye havhili ahazyuha:

Ishitushizya 22:9

Ileelo uweene ahambuuzya ahati, “Leha! Ine ne muvhomvi vhweleele inza iwe na vhamwinyu avhakuvhwi na vhonti vhe vhakuzyitiha indajizyo zye zili mwi ikalaata ili. Mupuute uMulungu!”