Filemoni 1:24 - ULufingwi uLupwa

²⁴ Vhoope avhavhomvi avhamwitu avha ipa, uMaaliko nu Alisitaaliko nu Deema nu Luuka vhakukulamuha.

Tesitamenti Umupwa 1965

²⁴ nuMaliko nuAlisitaliki nuDema nuLuka, ve vavombezi poka nane.

Filemoni 1:24 Iomraidhean Croise

iMbombo izya Vhatumwa 12:12

Lwe aamanya izyo, ahasogola ku nyumba iya Maliiya, umaayi uwa Yoohani we vhahatinji uMaaliko. Mu nyumba iyo vhávhungiine avhantu avhinji vhe vhahamulaavhaga uMulungu.

iMbombo izya Vhatumwa 12:25

Avha Balinaaba nu Saavhuli lwe vhaamala imbombo yaavho, vhaheepa ku Yelusaleemu pooka nu Yoohani we vhahatinji uMaaliko, vhahasogola ku Antiyookiya.

iMbombo izya Vhatumwa 13:13

UPaavhuli na vhamwavho vhaheepa ni meeli ku Paafo, vhahafiha mu nkaaya iya Peelige mu wilaaya iya Pamufiiliya. Ileelo uYoohani uMaaliko ahavhaleha kunuukwo, ahagaluha ku Yelusaleemu.

iMbombo izya Vhatumwa 19:29

Kuhavha ivho mu nkaaya yonti iya Hefeeso. Vhahavhalema avha Gaayo nu Alisitaaliko, avhahaaya avha ku Makedooniya, vhe vhahashuulaga pooka nu Paavhuli, vhahashimbila navho kusogola ku luvhungaano ulupiti lwe avhantu vhakwizizya.

iMbombo izya Vhatumwa 27:2

Pe tuhinjila mu meeli yimo ye yikufuma ku Adalamitiyo. Avhantu avha meeli iyo vhásivhiliiye kushuula nu kwimiilila mu nkaaya zimo izya mu luvhazu mwa sumbi mu shigavho isha nsi isha Aasiya. Tuhanda kushuula, twámile pooka nu Alisitaaliko uwa mu nkaaya iya Tesaloniiki mu shigavho isha nsi isha Makedooniya.

2 VaKolinti 8:23

Ishi inga umuntu akwanza kumanya inongwa izya Tiiti, mumuvhuzyaje kuuti uno muvhomvi wamwitu we tuli nawo pooka mu mbombo iya kuvhaavwa imwe. Havhili inga umuntu akwanza kumanya inongwa izya vhanji ivho vhavhili, mumuvhuzyaje kuuti ivho vhiitisi vhamwitu, vhe ivivhanza vivhatumile, vhoope vhakumuleetela uvhushindamu uChilisiti.

Filipi 2:25

Ileelo ishi, nkulola suuti kuuti, yihondeeye kumutuma kuli imwe uwamwitu uEpafulodiito. Uweene muvhomvi, havhili musikaali uwamwitu we mwámusonteleziizye kunaavwa vwe nsovheliilwe.

Filipi 4:3

Niiwe wamwitu, muvhomvi umutungamu, nkukulaavha kuuti, uvhaavwe avhamaayi ivho vhavhili. Nkulaavha vhwevhulo, mwe pe ivho tuhayimvilwaga pooka navho kuliyanjila Izwi iLyinza izya kulipoha. Twámile pooka nu Kelementi na vhavhomvi avhamwitu avhanji, vhe amazina gaavho gasimviilwe mwi ikalaata ilya vhulanzi.

Kolosi 4:10

UAlisitaaliko, we akunziilwe pooka niine mu jeela, akuvhalamuha. Woope uMaaliko, umuvwala uwa Balinaaba akuvhalamuha. Uweene muposheleeye indajizyo zye zikupanga kuuti, inga aafiha kuli imwe, mumuposheelaje ahinza.

Kolosi 4:14

ULuuka umuganga wiitu unkundwa nu Deema vhakuvhalamuha.

1 Peteli 5:13

Ishivhanza isha ku Babeeli she shisavhuliilwe nu Mulungu, shikuvhalamuha. Havhili umwana waane mu lwitiho uMaaliko, akuvhalamuha.

3 Yohani 1:8

Pe ishi, iswe tukwanzilwa kuuti tuvhaavwe avhantu inza ivho, inga tuvhombe pooka navho imbombo iya kusambiilizya uvhwanalyoli.