Filemoni 1:19 - ULufingwi uLupwa

¹⁹ Ine ne Paavhuli nkusimba izi neneene ni nyoovhe yaane, kuuti ine kwe nkulipe. Pooka niizyo, yitahondeeye kuuti nkukumbusye, iwe umanyile kuuti uli nu mulandu kuli ine uwa vhulanzi vhwaho.

Tesitamenti Umupwa 1965

¹⁹ Nene ne Pavuli nsimṿile numuhono wane, ine ndikulipa. Zye ntakukukumbusya izi ukuti uli numulandu nawe kukwane uwa kuyilipa kukwane wenewe.

Filemoni 1:19 Iomraidhean Croise

VaLoma 16:22

Niine ne Telitiiyo, ne musimvi uwa mazwi aga mwa kalaata uno uwa Paavhuli, nkuvhalamuha kwi izina ilya Mwene uYeesu.

1 VaKolinti 4:15

Yeenya, poosye she muli na vhasambiilizi 10,000 mwa Chilisiti, ileelo utaata wiinyu ali wooka. Ine ne ne taata wiinyu mwa Chilisiti uYeesu, mwe pe ne náali ne mutanzi kulumbiilila Izwi iLyinza kuli imwe.

2 VaKolinti 10:1

Ishi, ine ne Paavhuli ne nkuloleha ne mutonsu lwe indi pooka niimwe, ileelo nkuloleha ne muhali lwe indi ukutali niimwe, nkuvhalambiilizya ku vhwahayiisye na ku vhutonsu uvhwa Chilisiti,

2 VaKolinti 3:2

Imwe mwe mwe kalaata we akutuhomeshezya iswe, we asimviilwe mu mooyo giitu. Avhantu vhonti vhakuvhaazya nu kumanya imbombo iya Mulungu ye tuyivhomvile kuli imwe.

2 VaKolinti 9:4

Yeenya, inga ninza ukwo pooka na vhantu avha ku Makedooniya nu kwaga mutayisengiinye, ipo lwe mwampezya insoni kuzya lusuuvhilo lwitu kuli imwe. Havhili niimwe lwe mwavha ni nsoni zye zitakuyanjiha.

VaGalati 5:2

Tejeelezyi! Ine ne Paavhuli nkuvhavhuuzya izi! Inga mukwitiha kutahiililwa, kuzilandata indajizyo izya Moose, pe uChilisiti atali ni ilonka naalimo kuli imwe.

VaGalati 6:11

Yeenyi uvhusimbe vhwane uvhu vwe nsimvile vhwa vhupiti. Ishi nkuvhasimbila ni nyoovhe yaane neneene.

1 Timoti 1:2

Ine nkukusimbila iwe Tiimoti, we mwana waane nalyoli mu lwitiho. UTaata uMulungu nu Mwene wiitu uChilisiti uYeesu, vhakufwilaje uvhwila nu kuukupa ulupepeelezyo nu vhutehamu.

uTiiti 1:4

Nkukusimbila izi iwe Tiiti, we mwana waane mu lwitiho lwe tuli nalwo pooka niiwe. UTaata uMulungu nu Muposhi wiitu uChilisiti uYeesu vhakufwilaje uvhwila, nu kuukupa uvhutehamu.

Filemoni 1:18

Inga kuli limo lye ananzile kuli iwe, poosye inga ali nu mulandu wumo kuli iwe, ine kwe nkulipe.