Filemoni 1:17 - ULufingwi uLupwa

¹⁷ Ishi inga ukuyilola kuuti uli pooka niine, umuposheele ahinza, inza vwe ungamposheela ine neneene.

Tesitamenti Umupwa 1965

¹⁷ Ishi inga umbwenyʼine ukuva ne mulilani waho, pʼumuposhele fwe ngati ukumposhela nene.

Filemoni 1:17 Iomraidhean Croise

Matayi 10:40

“Umuntu wonti we akuvhaposheela imwe, akumposheela neene. Woope we akumposheela ine, akuvha akumuposheela ula we antumiliziizye.

Matayi 18:5

Havhili, umuntu wonti we akumuposheela umwana umunsi inza uno kwi izina lyane, akumposheela neene.”

Matayi 25:40

Pe ine ne Mwene ndivhaamula ndiiti, ‘Nalyoli nkuvhavhuuzya kuuti, lyonti lye mwámuvhombeeye wumo mu vhamwitu ivha vhe te vhamwamu, mwámbombeeye neene.’

iMbombo izya Vhatumwa 16:15

Ahoozelwa uweene pooka na vhantu avha mu nyumba yaakwe, ahatulambiilizya kuuti tusogole ku kwakwe, ahati, “Inga mwandola kuuti nalyoli namwitiha uMwene uYeesu, mwinjile mu nyumba yaane, mutendame.” Pe ahatusinjiilizya kuuti, tusogole nawo.

2 VaKolinti 8:23

Ishi inga umuntu akwanza kumanya inongwa izya Tiiti, mumuvhuzyaje kuuti uno muvhomvi wamwitu we tuli nawo pooka mu mbombo iya kuvhaavwa imwe. Havhili inga umuntu akwanza kumanya inongwa izya vhanji ivho vhavhili, mumuvhuzyaje kuuti ivho vhiitisi vhamwitu, vhe ivivhanza vivhatumile, vhoope vhakumuleetela uvhushindamu uChilisiti.

VaEfeso 3:6

Uvhuzigizigi uvhwo vhwe vhuno: Kwi idala ilya kulyitiha Izwi iLyinza, vhonti vhe te Vhayuuda na Vhayuuda vhakupwana pooka uvhumwene uvhwa Mulungu. Vhakuvha pooka inza ivipelwa ivwa mu muvhili. Kwe kuuti, kutuushila kwa Chilisiti uYeesu vhakuposheela pooka ulufingwi lwe uMulungu áfinzile kuvhaloota aVhayuuda.

Filipi 1:7

Nalyoli yihondeeye kuvhasivhiilila izi mwenti ku luseshelo, mwe pe imwe muli mu mwoyo waane. Imwe mwenti mukunavwaga ine imbombo iya Mulungu iya kuliyanjila Izwi iLyinza izya kulipoha, ahavhaliilizyo he nkunziilwe, poosye he náshiili kukungwa.

1 Timoti 6:2

Inga avhamwene vhaavho vhiitisi, avhazya vhatavhasufwaje, mwe pe vhamwavho. Nalyoli vhakwanzilwa kuuti vhonjezyaje kuvhavhombela ahinza, mwe pe ivho vhe vhakulonka mu mbombo yaavho iya vhuzya, vhakuvha vhamwavho, havhili vhe vhankundwa vhaavho. Uvhasambilizyaje avhantu vhonti mu shivhanza amazwi igo nu kuvhasoha.

Filemoni 1:10

nkukulambiilizya kuzya mwana waane uOniseemu. Ahavhaliilizyo he nkunziilwe ipa na manyoloolo, avha mwana waane mu lwitiho.

Filemoni 1:12

Ishi nkumugalusya ku kwaho, uno imukunzite ku mwoyo waane wonti.

Filemoni 1:18

Inga kuli limo lye ananzile kuli iwe, poosye inga ali nu mulandu wumo kuli iwe, ine kwe nkulipe.

VaHebuli 3:1

Ishi vhamwitu, imwe mwe vhafinjile, mwe uMulungu avhiisite inza iswe, mumwenyelezyaje nkaani uYeesu we mutumwa havhili mupuuti wiitu umupiti mu lwitiho lwitu.

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

Yakobu 2:5

Mwe vhamwitu vhankundwa, tejeelezyi ahinza! UMulungu avhasavhuuye avhantu avhapiina mu nsi umu kuuti vhavhe vhe vhadumbwe mu lwitiho, nu kuposheela uvhumwene vhwe áfinzile ku vhonti vhe vhakumukunda.

1 Peteli 5:1

Ishi nkuvhasimbila imwe mwe vhasongo avha vivhanza. Ine ne songo uwamwinyu, havhili ne hoome uwa mayimba aga Chilisiti. Ine ndiposheela uvhushindamu pooka nawo, ahavhaliilizyo he hakwinza. Nkuvhalambiilizya kuuti

1 Yohani 1:3

Tukuvhakumusizya inongwa izya Yeesu uyo, we twámuvhwenyi nu kumwivwa, inga muvhe nu vhuliilani pooka niiswe. Mu vhuliilani uvhwo tuli pooka nu Taata uMulungu, nu Mwana waakwe uYeesu Chilisiti.