1 Timoti 4:3 - ULufingwi uLupwa

³ Vhakuvhahaana avhanaavuli kuuti vhatimalaje, na vhantanda kuuti vhatimalwaje. Vhakuvhalajizya avhantu kuuti vhatalyanje ivwakulya vimo. Ileelo uMulungu ávipezile, inga avhantu vhe vhakumwitiha vhaviposheelaje nu kusalifwa, mwe pe avheene vhavhumanyile uvhwanalyoli.

Tesitamenti Umupwa 1965

³ vakuvindʼukusendʼavantanda, havili vakuti musalaje iṿintu yimo, ṿwʼuMulungu apezile ukuti vaṿiposhelaje nulusalifwo vuvo ve vitisile nukuvumanyʼuvwanalyoli.

1 Timoti 4:3 Iomraidhean Croise

Matayi 14:19

Pe ahavhalajizya avhantu ivho kuuti vhatendame pa masole. Ahanyatula amakaati gasaano igo ni nswi zivhili izyo, aheenya ku mwanya, ahamusalifwa uMulungu. Ahamensulanya, ahaavhapa avhasundikwa vhaakwe, vhoope vhahavhagavhila avhantu ivho.

Matayi 15:11

She shikumwinjila umuntu mwi ilomu, te she shikumuhombezya, nkandi she shikufuma mwi ilomu she shikumuhombezya.”

Matayi 15:36

Ahanyatula amakaati igo 7 nu tuswi utwo, ahamusalifwa uMulungu, ahamensulanya, ahaavhapa avhasundikwa vhaakwe, vhoope vhahavhagavhila avhantu.

uLuuka 24:30

Lwe vhatendama pooka kulya ishaakulya, uYeesu ahanyatula ikaati, ahamusalifwa uMulungu, ahamensula, ahaavhapa.

Yohani 6:23

Pe avhantu avhamwavho vhahinza na mavhooti aganji kufuma mu nkaaya iya Tibeeliya, vhahafiha pe impuga iya vhantu vhahalyanga amakaati, lwe uMwene uYeesu amusalifwa uMulungu.

iMbombo izya Vhatumwa 27:35

Lwe uPaavhuli aamala kuyanga izyo, ahanyatula ikaati, ahamusalifwa uMulungu pilongolela ilya vhantu vhonti vhaala, ahamensula, ahataliha kulya.

VaLoma 14:17

Yeenya, uvhumwene uvhwa Mulungu vhutakuloleha mu vwe tukulya poosye kumwela, nkandi vhukuloleha mu lujendo lwitu ulwa vhugolosu nu vhutehamu nu luseshelo lwe lukufuma kwa Mupepo uMufinjile.

VaLoma 14:3

We akulya ivintu vwonti atamusufwaje we akulya zye nyanyi izya matundu, woope we akulya zye nyanyi izya matundu, atamusufwaje we akulya ivintu vwonti, mwe pe uMulungu amuposheleeye uweene.

VaLoma 14:6

Umuntu we akulishindiha nkaani isiku limo kuluusya izinji, akuvhomba vhwevhulo kumuhondezya uMwene uYeesu. Woope we akulya ivintu vwonti, akuvhomba vhwevhulo kumuhondezya uMwene, mwe pe akumusalifwa uMulungu. Woope we akulya zye nyanyi izya matundu akuvhomba vhwevhulo kumuhondezya uMwene uYeesu, woope akumusalifwa uMulungu.

1 VaKolinti 6:13

Havhili vhamo muli imwe vhakuti, “Lwe tuli ni nzala tukwanzilwa kulya, mwe pe amavhili gakwanza ishaakulya.” Vwe zili, ileelo hakwinza ahavhaliilizyo he uMulungu aligagalulanya amavhili giitu, te gahanze ishaakulya. Ileelo ishi muleshe kuuti tuhondeeye kuvhomba uvhulugusu, inza vwe yikwanzilwa kulya lwe tuli ni nzala. UMulungu atágapezile amavhili giitu kuzya vhulugusu, nkandi kuzya kumuvhombela uMwene uYeesu, woope uMwene akugakonzya amavhili.

1 VaKolinti 7:28

Ileelo poosye inga wiimala, utakuvha wavhomba uvhutalamalandu. Woope umulindu inga ayiimalwa, atakuvha avhomba uvhutalamalandu. Ileelo vhe vhimaliine vhaliivha na mayimba aga mu nsi umu. Ine nkuvhasoha, inga zitahinze zivhaaje izyo.

1 VaKolinti 8:8

Ileelo ishaakulya shitakutuvhiiha kuvha papiipi nu Mulungu. Tutakusovhelwa ishintu naashimo inga tutakulya, havhili poosye inga tukulya, tutakwonjezelwa ishintu naashimo.

Kolosi 2:16

Kuli izyo, umuntu wonti atahavhalonje kuzya miiho aga vwakulya, poosye aga vwakumwela. Havhili atahavhalonje poosye kuzya miiho aga shikulukuulu isha shipuuto, poosye isha mwezi kutukula poosye isha Sabaato.

Kolosi 3:17

Zyonti zye mukuyanga, poosye kuvhomba, muvhombelaje mwi izina ilya Mwene uYeesu. Havhili mumusalifwaje uTaata uMulungu kutuushila ku kwakwe.

1 Timoti 2:4

Uweene akwanza avhantu vhonti vhapokwe nu kuuti vhavhumanye uvhwanalyoli.

1 Timoti 4:4

Vwonti vwe uMulungu ávipezile vwinza, vitaliipo ivwa kuvihaana inga vwaposheelwa ku mpuuto izya kusalifwa.

1 Timoti 5:14

Izyo zye zikumbiiha injanje kuuti avhaziishe vhe vhalindu vhanyatulwaje. Vhapaapaje avhaana nu kusunga inyumba zyavho, inga vhatahinze vhaamupe umulugu idala ilya kutusaamula.

VaHebuli 13:4

Uvhusendelo vhukwanzilwa vhushindikwaje na vhantu vhonti, havhili umulume nu mushi vhatavhombaje uvhulugusu nu vhuvhembu, mwe pe uMulungu alivhalonga avhantu vhonti vhe vhakuvhomba uvhulugusu nu vhuvhembu.

VaHebuli 13:9

Mutalandataje insambiilizyo injeni izya mavhiila mu mavhiila. Yeenya, amaha aga mu mooyo giinyu gakufuma mu vhwila uvhwa Mulungu, gatakufuma mu ndajizyo izya vwakulya zye zitangavhaavwa naashimo vhaala vhe vhakuzilandata.