1 Timoti 4:1 - ULufingwi uLupwa

¹ UMupepo uMufinjile akutuvhuuzya ishisita kuzyiha kuuti amanda iga aga kumpeleela, avhantu vhamo kwe vhagaleshe amazwi aga lwitiho. Vhalizitejelezyaga impepo imbiivhi zye zikuhopela, nu kuzilandata insambiilizyo zyavho.

Tesitamenti Umupwa 1965

¹ UwenʼuMupepo akuyanga shisitamaganigani ukuti mumaha ga kumpelela pe vamo valigalamuha mulwitiho, nukutejelezyʼimpepo impuṿwavantu ninsambilizyo zya mpepʼimbivi,

1 Timoti 4:1 Iomraidhean Croise

Matayi 18:7

“Mwasheela mwe vhantu mwe vha mu nsi umu, ku ndingo zye zikupelela avhantu kuvhomba uvhutalamalandu! Indingo izyo zikwanzilwa kwinza, ileelo asheela umuntu we akuzileeta indingo izyo!

uLuuka 17:1

UYeesu ahavhavhuuzya avhasundikwa vhaakwe ahati, “Indingo zye zikupelela avhantu kuvhomba uvhutalamalandu ziliipo insiku zyonti. Ileelo asheela umuntu we akuzileeta indingo izyo!

Yohani 16:13

UMupepo uyo we alivhalolesya uvhwanalyoli, lwe ayinza kuli imwe, alivhalongola kuvhulandata uvhwanalyoli vhwonti. Te ahayangaje ku maha gaakwe wuuyo, aliyangaga zye azyivwa nu kuvhavhuuzya zye zilifumila.

iMbombo izya Vhatumwa 13:2

Isiku limo lwe vhonti ivho vhakumupuuta uMwene uYeesu nu kuyiima kulya, uMupepo uMufinjile ahavhavhuuzya ahati, “Munsavhulile avha Balinaaba nu Saavhuli ku mbombo ye mbitiiye.”

iMbombo izya Vhatumwa 17:18

Mu nsokooni umwo, mwámile avhasambiilile vhamo vhe vhahatinji aVhaepikuleewo na Vhasitoyiiki. Ivho vhahanda kuvhuzilizanya nu Paavhuli. Vhamo vhahati, “Umuntu we akuyangaana uno akwanza kuuti vhuli?” Vhamo vhahati, “Yikuloleha kuuti akulumbiilila izya vhalungu avhajeni.” Vháyanzile isho, mwe pe uPaavhuli ahalumbililaga Izwi iLyinza kuzya Yeesu nu kuzyuha.

iMbombo izya Vhatumwa 20:23

Ileelo mu nkaaya zyonti zye nkutuuha, uMupepo uMufinjile akunsoha kuuti, ijeela na malavha vinguliliiye.

iMbombo izya Vhatumwa 21:11

Ahatwinzila, ahanyatula ilamba ilya Paavhuli. Ahayipinya mu vinama na mu nyoovhe, ahati, “UMupepo uMufinjile akuti, ‘Umuntu uwa ilamba ili, aVhayuuda avha ku Yelusaleemu, kwe vhamukunje inza vhwevhulo nu kumutwala ku vhantu vhe te Vhayuuda.’”

iMbombo izya Vhatumwa 28:25

Lwe aVhayuuda vhaaga vhatakwivwana vhuuvho vheeka ku mazwi ge uPaavhuli ahayangaga, vhaheepa. Lwe vhashiili kwepa, uPaavhuli ahavhavhuuzya ahati, “UMupepo uMufinjile áyanzile izya nalyoli, kuvhavhuuzya avhataata vhiinyu kutuushila kwa mukuvhwi uYisaayi kuuti,

1 VaKolinti 10:20

Ndaali! Impuutile zye vhakufumwa avhantu vhe vhakupuuta iviholanyo, vhatakumufumwizya wu Mulungu, vhakufumwa kwe ku mpepo inkandamanu. Ine ntakwanza kuuti imwe muvhe nu vhuliilani ni mpepo inkandamanu.

1 VaKolinti 11:19

Vhuli, mukusiivha kuuti mukwanzilwa musugaane? Vhuli, mukwanza vhamanyishe vhe vhakuyilola kuuti vhitishiliilwe pilongolela ilya Mulungu?

1 VaKolinti 12:11

Imbombo zyonti izyo akuzivhomba uMupepo wunuuyo, akuumupa umuntu ishikunjilwa shaakwe inza vwe akasiime wuuyo.

1 VaKolinti 2:10

Ileelo iswe uMulungu átulolesiizye zyenezyo kutuushila kwa Mupepo uMufinjile. Yeenya, uMupepo uMufinjile we akupenza zyonti, poosye izya kukwilu izya Mulungu.

2 VaKolinti 11:3

Ileelo ishi nkwogopa kuuti inza uEeva vwe áhopeliilwe ni njoha yiila, niimwe mutahinze muhopelwe, muvhuleshe uvhugolosu na mooyo giinyu amazelu kwa Chilisiti.

Kolosi 2:18

Mutahiitishe umuntu wonti we akuhomeelezya izya vhwahayiisye uvhwa ilenga nu kuvhapuuta avhahavhizya. Umuntu inza uyo atahavhafwule ishipambwi isha shiima. Akuti ali na maha aga kusambiilizya, mwe pe avhwenyi injozi iya pa minso amazelu. Akuyitumvwa ku njeele izya vhuntu vhwakwe uvhwa vhutalamalandu.

2 Timoti 3:13

Ileelo avhantu ivho avhavhiivhi, havhili vhe vhakuhopela, kwe vhajendeelele kuvha vhavhiivhi nkaani. Kwe vhahopenkanyaaje, ileelo vhoope kwe vhahopenkanywaje.

2 Timoti 4:4

Vhaliileha kutejeelezya amazwi aga nalyoli, vhalilandata ivwili ivwa ilenga.

Yakobu 3:15

Uvhushindamu uvhwa njeele inza uvhwo, vhutakufuma ku mwanya, nsiivho zya mu nsi munuumu, havhili zya mu muvhili, vhukufuma kwa Seetano.

1 Peteli 1:20

UMulungu ámusavhuuye uChilisiti uyo kufuma ku vhwandilo lwe insi yishiili kupelwa, ileelo ahaguliilila kufishila insiku izi izya kumpeleela. Pe ahamulolesya apazelu ku vhantu vhonti ku zyinyu.

2 Peteli 2:1

Ahavhaliilizyo aha vhakuvhwi, vháfumiiye avhakuvhwi avha ilenga mu Vhaisilayeeli. Vhwevhulo, avhasambiilizi avha ilenga vhalifumila muhati yiinyu. Avhasambiilizi ivho vhalileeta ku vhuzigizigi insambiilizyo izya ilenga nu kumuhaana uYeesu uMulongozi uMupiti we ávhatavhuuye. Kwi idala ilya nsambiilizyo zyavho, vhaliyileteelela naluvhiilo kulovha kwavho.

2 Peteli 3:3

Yikwanzilwa mumanye suuti kuuti insiku izya vhusililishilo vhaliyinza avhantu avha isuufwo, vhe vhalivhasufwaga imwe nu kuzilandata impapilo zyavho.

1 Yohani 2:18

Mwe vhaana vhaane, ahavhaliilizyo aha kumpeleela hafisile! Mwivuuye kuuti umulugu uwa Chilisiti akwinza, niishi avhalugu avhinji avha Chilisiti vhinzile. Ilyo lye likutuvhiiha kumanya kuuti, tuli mu havhaliilizyo aha kumpeleela.

1 Yohani 4:6

Ileelo iswe swe vhantu vha Mulungu. Umuntu we amumanyile uMulungu, akututejeelezya, ileelo umuntu we te wa Mulungu, atakututejeelezya. Vhwevhulo, vwe tukumanya uvhusugaano uvhwa vhantu vhe vhakulongolwa nu Mupepo uwa nalyoli, na vhaala vhe vhakulongolwa ni mpepo iya ilenga.

uYuuda 1:18

Vhátili, “Amanda aga kumpeleela, kuliivha avhantu vhe vhakujevhula nu kuzilandata impapilo zyavho izya vhupuvi.”

uYuuda 1:4

Nkuvhasimbila ukalaata uno, mwe pe kuli avhantu vhamo vhe vhatakumushindiha uMulungu, vhayinjiziizye ku vhuzigizigi nu kusangaana niimwe. Avhantu ivho vhakugalulanya izwi ilya vhwila, inga livhitishilaje kuvhomba uvhumalaaya. Ivha vhantu vhe vhakumuhaana we ali weeka uMulongozi uMupiti, we wu Yeesu Chilisiti uMwene wiitu. Ileelo kufuma hali, uVhusimbe uVhufinjile vhwáyanzile kuuti vhalilongwa.

Ishitushizya 13:14

Shihavhahopenkanya vhaala vhe vhakutendama pa nsi, ku vilolesyo viila vwe shápeliilwe kuvivhomba pa luvhambo ulwa shihanu shiila ishitanzi. Shihavhalajizya kuuti vhashigombele ishiholanyo isha shihanu isho, she sháali nu vhuvwalale uvhwa ipanga ileelo shihavha shipuuma.

Ishitushizya 16:14

Izyo zye mpepo izya gaseetano zye zikuvhomba ivilolesyo. Zye zila zye zikusogola ku vhamwene avha nsi zyonti kuvhavhungaaniha pooka kuzya vhulugu, isiku liila ipiti lye uMulungu uwa Maha Gonti alivhalonga avhantu vhonti.

Ishitushizya 18:2

Ahahoola kwi izwi ipiti ahati, “Aguuye! UBabeeli aguuye, inkaaya yiila ye mpiti! Ishi avha vhutendamo uvhwa gaseetano ni mpepo inkandamanu, havhili avha vhutendamo uvhwa nyunyi inkandamanu zyonti zye zikuviisya.

Ishitushizya 18:23

Uvhuzelu uvhwa nyaale te vhuhaloleshe havhili kuli iwe, poosye amazwi aga we akwimala na we akwimalwa, te gahivwishe naalumo kuli iwe, mwe pe avhavhomvi vhaaho avha kutaanania vháamile vhapiti mu nsi zyonti. Havhili ku vhulozi vhwaho insi zyonti zyápuvile!

Ishitushizya 19:20

Ileelo we átendiime pa mfwalaasi ahashigoma ishihanu isho pooka nu mukuvhwi waakwe uwa ilenga, we ahavhombaga ivilolesyo pa luvhambo lwakwe. Ku vilolesyo vwakwe ivwo, ávhahopenkiinye vhaala vhe vháamile ni vimanyilo ivwa shihanu isho, na vhe vhahashipuutaga ishiholanyo shaakwe. Ishihanu isho pooka nu mukuvhwi uyo vhahasumbwa vhonti vhavhili, she vhapuuma mwa sumbi we akwaha umwoto uwa mbaluuti.

Ishitushizya 2:11

We ali na makutwi, atejeelezye ziila zye uMupepo uMufinjile akuvivhuuzya ivivhanza. Ula we alipoota indingo te ahaafwe ku vhufwe uvhwa vhuvhili.”

Ishitushizya 2:17

We ali na makutwi, atejeelezye ziila zye uMupepo uMufinjile akuvivhuuzya ivivhanza. Ula we alipoota indingo ndiimupa imana iya kukwilu. Havhili ndiimupa ivhwe izelu lye lisimviilwe izina ipwa. Ataliipo we alilimanya izina ilyo, nkandi we wula we akuliposheela.”

Ishitushizya 2:29

We ali na makutwi, atejeelezye ziila zye uMupepo uMufinjile akuvivhuuzya ivivhanza.”

Ishitushizya 2:7

We ali na makutwi, atejeelezye ziila zye uMupepo uMufinjile akuvivhuuzya ivivhanza. Ula we alipoota indingo ndiimupa amantonongwa aga ikwi lye likufumwa uvhulanzi, lye lili mu shilimbika isha Mulungu.”

Ishitushizya 20:10

Woope uMukwalanzi we ahavhahopenkanyaaga, alisumbilwa mwa sumbi we akwaha umwoto uwa mbaluuti. Umwo mwe shili ishihanu shiila nu mukuvhwi ula uwa ilenga, vhoope vhaliyimvilwa uvhusiku nu musanya, shiima shiima.

Ishitushizya 20:8

Pe aliifuma panzi, alitaliha kuvhahopenkanya avhantu vhonti vhe vhasaasite mu nsi zyonti, kwe kuuti iGogu ni Magogu. UMukwalanzi alivhavhungaaniha pooka aVhagogu na Vhamagogu kuzya vhulugu, vhoope vhaliivha vhinji fwe lusenga ulwa mu luvhazu ulwa sumbi.

Ishitushizya 3:13

We ali na makutwi, atejeelezye ziila zye uMupepo uMufinjile akuvivhuuzya ivivhanza.”

Ishitushizya 3:22

We ali na makutwi, atejeelezye ziila zye uMupepo uMufinjile akuvivhuuzya ivivhanza.”

Ishitushizya 3:6

We ali na makutwi, atejeelezye ziila zye uMupepo uMufinjile akuvivhuuzya ivivhanza.”

Ishitushizya 9:20

Avhantu vhe vhásyaye, vhe vhatáfuuye ku mfwa izyo, vhahahaana kupinduha kuzya mbiivhi zyavho. Vhatahapinduha kuzya kuvhasugamilila avhaseetano ni viholanyo ivwa sahaabu ni vwa mpiiya ni vwa shaaba ni vwa mavhwe ni vwa makwi. Iviholanyo ivwo vwe vitangaalola, poosye kwivwa, poosye kujenda.