1 Timoti 2:3 - ULufingwi uLupwa

³ Izyo zye nyinza, havhili zye zikumuhondezya uMulungu uMuposhi wiitu.

Tesitamenti Umupwa 1965

³ She zye nyinza zinizi kuminso ga Mulungu uMuposhi witu zyʼakuzyitishilʼuwene,

1 Timoti 2:3 Iomraidhean Croise

uLuuka 1:47

Havhili wukumudovhela uMulungu uMuposhi waane,

VaLoma 14:18

We akumuvhombela uChilisiti inza vhwevhulo, akumuhondezya uMulungu, havhili akwitishilwa na vhantu.

Filipi 1:11

Muvhavhombelaje inyinza avhamwinyu, kwi idala ilya Yeesu Chilisiti, kuzya kumushindiha nu kumutiima uMulungu.

Filipi 4:18

Vhamwitu, mposheleeye ivintu vwonti viila vwe mwámusonteleziizye uEpafulodiito, kuuti andeetele. Havhili andeteeye ivwinji kuluusya vwe naasovheliilwe, pe ishi indi navwo ivwinji. Ivintu ivwo, vili ngati mpuutile iya mununsi umwinza, havhili mpuutile ye yikwitishilwa nu kumuhondezya uMulungu.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

1 VaTesaloniki 4:1

Ishi vhamwitu, musambiliiye kufuma kuli iswe vwe yikwanzilwa kulandila, inga kumuhondezya uMulungu. Mwe muumwo vwe mukuvhomba vhwevhulo. Ishi, tukuvhalambiilizya ku maha aga Mwene uYeesu kuuti muvhombaje vhwevhulo nu kuluusya.

1 Timoti 1:1

Ukalaata uno nsimvile neene ne Paavhuli. Ine ne mutumwa uwa Chilisiti uYeesu, kufumiilana ni ndajizyo izya Mulungu uMuposhi wiitu, nu Chilisiti uYeesu we lusuuvhilo lwitu.

1 Timoti 4:10

Inongwa izyo zye zikutuvhiiha kuuti tuyifumwaje kuvhomba imbombo, mwe pe iswe tuvhiisile ulusuuvhilo lwitu kwa Mulungu we mulanzi, havhili we Muposhi uwa vhantu vhonti vhe vhamwitisile.

1 Timoti 5:4

Ileelo inga umuziishe ali na vhaana, poosye avhazukulu, ivho vhasambililaje kuvhaavwa suuti avhaziishe avha mu nyumba zyavho. Vhwevhulo, vwe kwe vhavhanje ngati vhakugalusya vwe avhapaafi vhaavho vhávhavhombeeye, izyo zye nyinza pilongolela ilya Mulungu.

2 Timoti 1:9

Uweene átuposile, ahatwita kuuti tuvhe twe vhantu vhaakwe avhafinjile. Uvhuposhi vhwitu uvhwo vhutakufumiilana ni mbombo zyitu, vhukufumiilana nu lukasamo ulwa Mulungu wuuyo ku vhwila vhwakwe. Uvhwila uvhwo vhwe átufwiliiye mwa Chilisiti uYeesu, lwe insi yishiili kupelwa.

VaHebuli 13:16

Mujendeelele kuvhomba inyinza nu kuvhaavwa avhamwinyu ivintu vwe muli navwo, mwe pe kuvhomba vhwevhulo, ye mpuutile ye yikumuhondezya uMulungu.

1 Peteli 2:20

Ishi kuli lilonka vhuli inga mukujimbiilila, lwe mukuhomwa kuzya vhutalamalandu vhwe mukuvhomba? Ileelo inga mukujimbiilila amayimba kuzya vhwinza vhwe mukuvhomba, pe mukumuhondezya uMulungu.

1 Peteli 2:5

Niimwe vhweleele muli ngati mavhwe amalanzi. Muzengwilwe kuvha nyumba imfinjile ye yitakuloleha pa minso amazelu. Umwo niimwe mwe vhapuuti avhafinjile vhe vhakufumwa impuutile zye zitakuloleha pa minso amazelu. Impuutile izyo zikwitishilwa nu Mulungu kwi idala ilya Yeesu Chilisiti.