1 Timoti 1:4 - ULufingwi uLupwa

⁴ Havhili uvhavhuuzye kuuti vhaleshe ivwili vwe vitahondeeye nu kutaha amazina aga wooka wooka aga vhataata, vhe vhahafwa. Izyo zye zikuleeta amadali, zitakuvhagomwa avhantu mu mbombo iya Mulungu ye yikufumililana nu lwitiho.

Tesitamenti Umupwa 1965

⁴ Vatenyaje utulumbe namazina ga nkolo mwe galandatine amasitavusilo, shʼagene gakupelʼimbuzilizyo inyinji shisitakulusyʼukusimpa mumiho ga Mulungu ge gali mulwitiho.

1 Timoti 1:4 Iomraidhean Croise

2 VaKolinti 1:12

Ishi iswe tukuyitumvwa kuli ili: Tukuyilola mu mooyo giitu kuuti mu nsi umu, inkaani kuli imwe, twálandiiye ku vhugolosu, havhili na ku mwoyo umuzelu kufuma kwa Mulungu. Tutávhomvile vhwevhulo ku vhushindamu vhwitu uvhwa njeele, nkandi ku vhwila uvhwa Mulungu.

VaEfeso 3:2

Nalyoli nkwitiha kuuti, mwivuuye kuuti uMulungu ambiisile kuvha ne muvhomvi waakwe uwa kulumbiilila uvhwila vhwakwe kuli imwe.

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

1 Timoti 4:7

Uvihaanaje ivwili ivwa vhasongo vwe vitali ni ilonka, nkandi uyiluvhizyaje weneewe kuvha nu lujendo ulwinza pilongolela ilya Mulungu.

1 Timoti 6:11

Ileelo iwe we muntu wa Mulungu, uzishimbile izyo zyonti. Ulandate ku mute ingolosu nu lujendo ulwinza pilongolela ilya Mulungu nu lwitiho ni shikunzi nu vhujimbiilizu nu vhutonsu.

1 Timoti 6:20

Iwe Tiimoti, imbombo iya kuvhasambiilizya avhantu uvhwanalyoli, ye uMulungu akupiiye, uyivhombaje ahinza. Utagitihaje amazwi aga kuyitumvwa ge gatakufuma kwa Mulungu. Yeenya, gakuyangwa kuuti ga vhusambiilile, ileelo te ga nalyoli haa, nkandi ga kunanganya uvhwanalyoli.

2 Timoti 2:14

Uvhakumbusyaje avhantu izyo nu kuvhasoha pilongolela ilya Mulungu, inga vhaleshe kudalinkana ku mazwi ge gatakwanzilwa. Amadali igo gatali nu vhwinza naavhumo, gakuvhananganya vhweleele vhe vhakutejeelezya.

2 Timoti 2:22

Uzishimbilaje impapilo imbiivhi izya vhujaaha. Ulandataje uvhugolosu nu lwitiho ni shikunzi nu vhutehamu. Umulaavhaje uMwene uYeesu pooka na vhaala vhe vhakumulaavha ku mwoyo umuzelu.

2 Timoti 2:23

Uyefwaje mu madali ge gatakwanzilwa na ga vhwalangani, mwe pe umanyile kuuti igo ge gakuleeta ivho ku vhantu.

2 Timoti 4:4

Vhaliileha kutejeelezya amazwi aga nalyoli, vhalilandata ivwili ivwa ilenga.

uTiiti 1:1

Ukalaata uno nsimvile neene ne Paavhuli, ne muvhomvi uwa Mulungu, havhili ne mutumwa uwa Yeesu Chilisiti. Antumile kuzya vhantu avha Mulungu vhe avhasavhuuye wuuyo, kuuti vhavhe nu lwitiho. Havhili vhavhumanye uvhwanalyoli vhwonti vhwe vhukuleeta ulujendo ulwinza pilongolela ilya Mulungu.

uTiiti 1:14

Havhili vhakwanzilwa kuuti vhatatejelezyaje ivwili ivwa Vhayuuda ni ndajizyo zye zisimviilwe na vhantu vhe vhakuvhuhaana uvhwanalyoli.

uTiiti 3:9

Pooka niizyo, uyidindaje na madali aga vhupukuuku aga kutaha amazina wooka wooka aga vhataata vhe vhahafwa. Utatumvanyaaje ku ziila zye zili mu ndajizyo, havhili utavhanje nu vhulumaluma, mwe pe izyo zyonti zitangavhaavwa naashimo, zya shaaha vhweleele!

VaHebuli 13:9

Mutalandataje insambiilizyo injeni izya mavhiila mu mavhiila. Yeenya, amaha aga mu mooyo giinyu gakufuma mu vhwila uvhwa Mulungu, gatakufuma mu ndajizyo izya vwakulya zye zitangavhaavwa naashimo vhaala vhe vhakuzilandata.

2 Peteli 1:16

Ahavhaliilizyo he tuhavhasambilizyaga izya maha aga Mwene wiitu uYeesu Chilisiti ni zya kwinza kwakwe, tutahasuvhilaga ivwili ivwa ilenga vwe avhantu vhásimvile ku njeele zyavho, nkandi iswe sweneeswe twávhwenyi uvhushindamu vhwakwe.