1 Timoti 1:2 - ULufingwi uLupwa

² Ine nkukusimbila iwe Tiimoti, we mwana waane nalyoli mu lwitiho. UTaata uMulungu nu Mwene wiitu uChilisiti uYeesu, vhakufwilaje uvhwila nu kuukupa ulupepeelezyo nu vhutehamu.

Tesitamenti Umupwa 1965

² nakusimbila we Timoti we mwana wane mulwitiho, nkuti: Uvwila nulupepelezyo nuvwihalo uvufuma kwa Mulungu uTata nuChilisiti Yesu uMwene witu vuvanje nawe.

1 Timoti 1:2 Iomraidhean Croise

VaLoma 1:7

Kuli izyo, nkuvhasimbila imwe mwe muli ku Luumi, mwe uMulungu avhakunzite nkaani nu kuvhiita kuvha mwe vhafinjile. UTaata wiitu uMulungu nu Mwene uYeesu Chilisiti vhavhafwilaje uvhwila nu kuuvhapa uvhutehamu.

VaGalati 1:3

UTaata wiitu uMulungu, nu Mwene uYeesu Chilisiti, vhavhafwilaje uvhwila nu kuuvhapa uvhutehamu.

1 VaTesaloniki 3:2

Tuhamusonteelezya uTiimoti umujenzi wiitu, havhili umuvhomvi uwamwitu uwa Mulungu kuzya kulumbiilila Izwi iLyinza ilya Chilisiti. Tuhamusonteelezya kuuti ayinze, inga avhagomwe amooyo nu kuvhasuvhaalizya mu lwitiho lwinyu.

1 Timoti 1:12

Nkumusalifwa uMwene wiitu uChilisiti uYeesu we ampiiye amaha, mwe pe ambwenyi kuuti ne mutungamu, nu kunsevha ku mbombo yaakwe.

1 Timoti 1:18

Mwana waane Tiimoti, nkuukupa indajizyo izi zye zikufuma mu mazwi aga vhakuvhwi ge gáyanziilwe ku kwaho. Ugalandate amazwi igo gavhe shilwilo shaaho kulwa uvhulugu uvhwinza.

1 Timoti 6:20

Iwe Tiimoti, imbombo iya kuvhasambiilizya avhantu uvhwanalyoli, ye uMulungu akupiiye, uyivhombaje ahinza. Utagitihaje amazwi aga kuyitumvwa ge gatakufuma kwa Mulungu. Yeenya, gakuyangwa kuuti ga vhusambiilile, ileelo te ga nalyoli haa, nkandi ga kunanganya uvhwanalyoli.

2 Timoti 1:2

Ine nkukusimbila iwe Tiimoti, mwana waane we nkukunzite. UTaata uMulungu nu Mwene wiitu uChilisiti uYeesu vhakufwilaje uvhwila nu kuukupa ulupepeelezyo nu vhutehamu.

2 Timoti 2:1

Ishi we mwana waane, uvhe na maha kwi idala ilya vhwila vhwe tukuvhwaga mwa Chilisiti uYeesu.

uTiiti 1:4

Nkukusimbila izi iwe Tiiti, we mwana waane mu lwitiho lwe tuli nalwo pooka niiwe. UTaata uMulungu nu Muposhi wiitu uChilisiti uYeesu vhakufwilaje uvhwila, nu kuukupa uvhutehamu.

uTiiti 2:2

Avhanaavuli avhagoosi, uvhasambilizyaje kuuti vhavhanje vhantu vhe vhakuyikonzya nu kushindikwa, havhili vhavhanje nu vhutimvu. Vhagomaje mu lwitiho, nu kuvha ni shikunzi nu vhujimbiilizu.

uTiiti 3:15

Avhamwitu vhonti vhe tuli pooka navho, vhakukulamuha. Niiwe utulamushile avhamwitu mu lwitiho avha mu Kileete vhe vhatukunzite. UMulungu avhafwilaje uvhwila imwe mwenti.

1 Peteli 1:2

UTaata uMulungu ávhasavhuuye imwe kulandatana nu lukasamo lwakwe, havhili ávhazelufwizye kwi idala ilya Mupepo waakwe. Ávhomvile vhwevhulo, inga mumushindihaje uYeesu Chilisiti, we ávhazelufwizye na mavhanda gaakwe. UMulungu ayonjezye kuvhafwila uvhwila nu kuuvhapa uvhutehamu ku vhwinji.

2 Yohani 1:3

UTaata uMulungu nu Mwana waakwe uYeesu Chilisiti, vhalitufwila uvhwila nkaani nu kuutupa uvhutehamu, mu vhwanalyoli, na ku shikunzi.

3 Yohani 1:4

Shitaliipo ishintu she shikumpa uluseshelo ulupiti nkaani kuluusya isha kwivwa kuuti avhaana vhaane vhakujendeelela kulandila mu vhwanalyoli.

uYuuda 1:2

UMulungu avhafwilaje uvhwila nu kuuvhapa uvhutehamu ni shikunzi. Vwonti ivwo avhapanje ku vhwinji.