Yud. 1:9 - Ebaibul

⁹ Tari Mikael emalaika ŋolo apolon nyitiya nu, ŋina apeganakinotor iŋes ka Satan ebasi ŋae alokidiŋ kec itemokino ya akuwan a Moses. Abu iŋes nyetitinyik atubokin Satan anakiyany, nai abu tema, “Ekapolon elope ikiyeyakini iyoŋ!”

Yud. 1:9 Iomraidhean Croise

1 Ŋakiro a ŋirwa 12:17

Tolot Daudi kisiryam ikes tema, “Ani kiponito iyes neni kaŋ ke ekisil, akiŋarakin ayoŋ, ekejauni ayoŋ iyes emorikinos ka ayoŋ. Nai ani kiponito iyes arikor ayoŋ neni a ŋimoe kaŋ, tomam aronis etiyat ayoŋ, elipi ayoŋ Akuj ŋina atapapaa yok kiŋolik ŋun, ido itotubok iyes.”

Awos. 22:28

“Nyemaikina iyes kiyanya Akuj, kori kiceno ekarikon a ŋituŋa kus.

Dan. 10:13

Nai alotooma ŋirwa ŋatomoniarei ke epei, abu emalaika ŋolo epolokinit apukan ŋina a Perisia eketepeg ayoŋ; nai abu Mikael, epei a ŋikapolokinitok ŋimalaikan, ekeŋarak ayoŋ, ido abu ayoŋ emyek iŋes aina kaapei ka emalaika ŋolo epolokinit apukan ŋina a Perisia,

Dan. 10:21

Nai akalimokini ayoŋ iyoŋ ŋakiro ŋuna igiritae lokitaabo ŋolo a ŋakiro a ŋuna a kire. Mam ice ekeŋarakini ayoŋ akitijiore ŋikapolok ŋul mati Mikael bon ŋolo erae ekapolon kon.”

Dan. 12:1

“Apaki ŋin, ebuni Mikael, ekarikon ŋolo apolon ŋolo erae ekedaran a ŋituŋa kon. Eyakaun apaki ŋina ka aryeba apaki ŋina nyeyakauna ŋinapei koloŋ kisyakiniata ŋapukasinei. Nai apaki ŋin, elakunio ŋituŋa kon, elakunio ŋituŋa daadaŋ ŋulu igiritae ŋirorwa kec lokitaabo.

Sakar 3:2

Tema Ekapolon neni a Satan, “Okoe Satan, Ekapolon elope ikiyayakini iyoŋ! Ekapolon ŋolo aseu Yerusalem iŋes ikiyayakini iyoŋ! Nyikwaan mono ekile lo ke emacar ŋolo enepi ŋolo elemunio anakim a?”

Mar. 15:29

Ŋituŋa daadaŋ ŋulu kepotu kitorut nen, kiyanya yesu, kimuŋimuŋete ŋakyes ebasi, “Okoe! Iyoŋ ŋoon ibala ebe ituwori Akai ka Akuj, ido todukok nabo alotooma ŋirwa ŋiuni!

Ŋikis. 34:6

Aponi tonukae akuwan keŋ nakadipaalat ŋina anakwap a Moab ŋina ayai neni eteosi ka Bes-Peor, nai mam ituŋanan eyeni neni eyai alyal keŋ tari tokona.

1 Ŋites. 4:16

Anerae, apaki ŋina elimunio Akuj atemar adol apaki, iirarete ŋituŋa etoil ŋolo ke emalaika a ŋolo apolon ka eruye ŋolo ka arupepe a ŋina ka Akuj. Apaki ŋin nai ebunio Ekapolon elope anakuj. Isyaunete mono ŋikatwak ŋulu sek anupito Kristo ayarun;

1 Pet. 3:9

Nyitacakis aronis naronis, kori ŋilam ka ŋilam; nai itemokino totacakis arereŋu, anerae erae ŋakiro ŋun aponere ikinyarae iyes, ikotere iryamunete arereŋu.

2 Pet. 2:11

Tari ŋimalaikan ŋulu epol agogoŋu kec ka apedor kec akilo, nyisitanakinete ikes ŋisubuna ŋulu itopolooritae alokiŋaren Ekapolon.

Akis. 12:7

Kisyak nai ejiye anakuj. Kitijioto Mikael ka ŋimalaikan keŋ epiu, ido toboŋo epiu ka ŋimalaikan keŋ.