Yos. 9:8 - Ebaibul

⁸ Tolimokis ikes Yosua temasi, “Ikirae isua ŋiketiyak kon.” Kiŋit Yosua ikes tema, “Ataŋae iyes? Ai iponitotor iyes?”

Yos. 9:8 Iomraidhean Croise

2 Ŋirw. 10:5

Tosodo nai eketen akai ŋina ke erwosit kaapei ka ekapolokiniton etaun ka ŋikasikou ta ŋikawoikinitok ŋidwe a erwosit ŋulusapa kiyakiyaasi akirot neni a Yeu temasi, “Ikirae isua ŋiketiyak kon; ikitiyae isua daadaŋ ŋuna ilimuni iyoŋ. Nyecamitae isua akituruwor ituŋanan ice erwosit; kitiya ŋuna ikijoikinito iyoŋ.”

Ŋikis. 20:11

Ani kecamito ikes ekisil, ido nyikitijioto iyes, eruworosi ŋituŋa a etaun a ŋol daadaŋ ŋulu ikitiyanakinete iyes, ŋulu ereikinitae akitiya.

Yos. 10:6

Kiyakiyasi ŋituŋa a Gibeon ŋituŋa Giligal neni a Yosua temasi, “Nyikicaka isua ŋiketiyak kon, kiwonyu akiŋarakin aiun isua, anerae emorikinosi ŋirwosi ŋulu a Ŋiamori anakwap kec a ŋina a ŋikamukumukui akitijiore isua.”

Yos. 9:11

Apotu Ŋikasikou kosi kaapei ka ŋituŋa ŋulu ka akwap kosi daadaŋ ikilimokis isua alemun akimuj, poni akisiryam iyes. Ikicikitae isua alimokin iyes atemar ikirae isua ŋiketiyak kus ka ikicamit isua iyes aruwor ka isua ŋipei.

Yos. 9:23

Aŋuna itiyaata iyes ikoŋina, ilamam iyes. Eruworosi ŋituŋa kus ŋiketiyak jik, eyepete ŋakito ka eokete ŋakipi ŋuna ka akibois a ŋina ilipere Akuj kaŋ.”

Yos. 9:25

Ikiya tokona isua nakan kus. Kitiyata neni kosi ŋuna ikijoikinito iyes.”

Yos. 9:27

Akoloŋit ŋinapei, kituruwo Yosua ikes ŋikayepak ŋakito ka ŋikaokok ŋakipi aŋuna a Ŋisirael ka Namuroet ŋina ke Ekapolon. Tari tokona eriŋa ikes itiyaete etic ŋol anakibois a ŋina aseu Ekapolon kilipyata ŋituŋa keŋ iŋes.