Yos. 9:4 - Ebaibul

⁴ apotu ikes daŋ kirumut aosou, kiyakiyasi ŋikilyok ŋidi, kisiwoko ŋisigirya ŋiguniyae ŋulu ayai akimuj, ŋulu anyamuna, kisiwoko daŋ ŋisigirya ŋicweei ŋulu adapadapatae ŋulu eturitae epiini.

Yos. 9:4 Iomraidhean Croise

Akisy. 34:13

Aŋuna kebunio Sekem kinyasu Dina nakoku a Yakob, apotu ŋidwe a Yakob ŋulusapa kirworo amodiyo neni a Sekem ka papa keŋ Amor.

Ŋikiru. 119:83

Ikikwaanikin ayoŋ ka ecwee ŋolo ke epiini ŋolo eyai napuru, nai nyimuryakina ayoŋ ŋakiro ŋuna itubunit iyoŋ.

Mat. 10:16

“Topupokisi, ekeyakiyarit ayoŋ iyes ikwa ŋamesekin alokidiŋ ŋipeei. Topiiryaka ikwa ŋimuno ka kiyapara alopitesyo kus ikwa ŋakuryo.

Mat. 9:17

Kori emam ŋituŋa ŋulu etikakinete ewinyiwiny lotwol ŋulu eŋorotonito, ani ketikakis, ebwaŋabwaŋaari ewinyiwiny ŋitwol ŋul, tosodi tobukor ewinyiwiny daŋ. Nai etikanakinio ewinyiwiny lotwol ŋulu kitet, ikotere nyinyasunosi ikes daadaŋ.”

Mar. 2:22

Kori emam ituŋanan ŋini epedori atikakin ewinyiwiny lotwol ŋulu eŋorotonito; ani ketikaki, ebwaŋabwaŋaar ŋitwol, tosodi tobukor ewinyiwiny daŋ. Nai etikanakinio ewinyiwiny lotwol ŋulu kitet.”

Luk. 16:8

“Abu ekapolon kipur ekawuoikiniton etic ŋolo aronon ŋol, aŋuna etiyaa iŋes ŋuna ka apiiryanut, anerae ŋituŋa ŋulu ka akwap a na, epiiryaka nooi aloticisyo akilo ŋituŋa ŋulu ka akica.”

Yos. 9:12

Kiŋolik mono iyoŋ ŋamugati kosi, apaki ŋina ikirotokinio isua anakwap kosi, ariŋa emwaka; nai kiŋolik iyoŋ tokona eokito ka idoidookinit.

Yos. 9:13

Apaki ŋina ikilelebia isua ŋicweei lu, ariŋa ekitetyaka, nai kiŋolik iyoŋ tokona anyamunosi. Tari ŋilowi kosi kaapei ka ŋamuk, arocomiata aŋuna ka aoyau ke erot.”

Yos. 9:3

Nai ani iirarete ŋituŋa ŋulu ke etaun a Gibeon, ŋuna keris Yosua kitiyak lotaunio a Yeriko ka Ai,

Yos. 9:5

Tonapa ikes ŋilowi ŋulurocom ka ŋamuk ŋuna adapadapatae. Aokito ŋamugati ŋuna atiŋito ikes ka nabo edoidookinit.