Yos. 9:14 - Ebaibul

¹⁴ Apotu ŋikarikok a Ŋisirael tocamut akijaun akimuj ŋin, nai pa a eŋisito ikes Ekapolon ŋakiro ŋadi aŋuna ka akimuj a ŋin.

Yos. 9:14 Iomraidhean Croise

2 Sam. 2:1

Ekaku ke eete a ŋol, abu Daudi kiŋit Ekapolon ŋuna emaikina iŋes kitiya tema, “Alosi ba etipeiyo lotaun a Yudaya edio?” Toboŋok Ekapolon iŋes tema, “Kitipeiyo.” Kiŋit Daudi iŋes tema, “Lotaun ali etipeiyori?” Toboŋok Ekapolon tema, “Ape Eburon.”

2 Sam. 5:19

Kiŋit Daudi Ekapolon ŋuna emaikina iŋes kitiya tema, “Alosi ba etipeiyo esiiryak Ŋipilistin? Ipedori iyoŋ ajalakin ikes neni kaŋ a?” Toboŋok Ekapolon Daudi tema, “Ape kitipeiyo; anerae akajalakini ayoŋ iyoŋ ikes.”

Esir 8:21

Abu nai ayoŋ olimu atemar kiredakinae akiron anaŋolol Aapa, emika ŋawat kosi alokiŋaren Akuj kosi ibore ŋini ecamito ka eŋita iŋes ikiyok isua analosit kosi kaapei ka ŋidwe kosi ka a ŋuna a ŋiboro a daadaŋ ŋulu ikiyakar isua,

Awos. 28:30

Kiwuak loboli ŋol ŋolotubet ŋakiro ŋiboro lu: Ibore ŋini isileereununui ŋakiro ŋini enyaritae Urim ka ŋini isiyoonokini ŋakiro ŋini enyaritae Sumim. Emaikina Aron enapit ŋiboro ŋul anatorobu keŋ apaki daadaŋ ŋina elomarya nakibois ŋina Asegan nooi ŋina eyai Ekapolon. Aŋun, emaikina Aron torubak enapit eboli anatorobu keŋ apaki daadaŋ ŋina etubio ŋakiro a Ŋisirael alokiŋaren Ekapolon.”

Ekim. 27:21

Nai, ewoi iŋes alokiŋaren Eleasar esacaradoti, ŋolo iŋitununui aŋuna keŋ ŋakiro anakisileerekinet a ŋina ke Ekapolon, mati kelimu iŋes atemar apena toloto nai Ŋisirael daadaŋ ka iŋes lojie ka mati kelimu iŋes atemar oboŋosi, iŋes nai eboŋunioto iŋes ka Ŋisirael daadaŋ alojie.”

Yak. 1:5

Ani keyai ipei alokidiŋ kus ŋini icana aosou, itemokino iŋes kiŋit Akuj. Einakini Akuj iŋes ikwa einanakinia ŋituŋa daadaŋ anarimao emam akisibura.

Yos. 9:13

Apaki ŋina ikilelebia isua ŋicweei lu, ariŋa ekitetyaka, nai kiŋolik iyoŋ tokona anyamunosi. Tari ŋilowi kosi kaapei ka ŋamuk, arocomiata aŋuna ka aoyau ke erot.”

Ŋikat. 1:1

Ekaku a atwanare a Yosua, apotu Ŋisirael kiŋita Akuj temasi, “Ataŋae itipeiyorete ikiŋarenikis isua akitijikin Ŋikanaani?”

Ŋikat. 20:18

Toloto Ŋisirael kiŋaren kitipeiyosi Besel neni eŋituniata ikes ŋakiro aneni ka Akuj ebasi, “Ŋae alokidiŋ kosi itipeiyori ekiŋaren akitijikin ŋituŋa a ekabila a Benjamin?” Toboŋok Ekapolon tema, “Ŋituŋa ekabila a Yuda ikes itipeiyorete ekiŋaren.”

Ŋikat. 20:28

ido arae Pineas lokoku ke Eleasar a ŋolo erae lokoku ka Aron iŋes etiyae etic ŋolo ka akidarit Asaduku alorwa a ŋul), kiŋita nai Ŋisirael Ekapolon temasi, “Elosyo ba isua nabo akitijiore ŋiyeneta kosi ŋituŋa a ekabila a Benjamin, kori imyekinio?” Toboŋok Ekapolon ikes tema, “Apesi, kitijikis ikes, anerae moi taparacu epotokini ayoŋ ikes napedor kus.”

1 Sam. 22:10

Abu Aimelek kiŋit Ekapolon ŋakiro ŋuna emaikina Daudi kitiya; abu daŋ iŋes inak Daudi akimuj ka ekileŋ a Golias a Epilistait.”