Yos. 9:1 - Ebaibul

¹ Apotu ŋirwosi daadaŋ ŋulu alo To Yorodan kiirasi ŋakiro ŋun. Arae ŋirwosi ŋul ŋulu anakwap a ŋina a ŋikamukumukui, ŋulu anadipo a ŋina alo To ka ŋulu alodiyete anam Mediteranian akitodol Lebanon. Arae ŋirwosi ŋul ŋulu a Ŋiitaiti, a Ŋiamori, a Ŋikanaani, a Ŋiperisi, a Ŋiipi ta ŋulu a Ŋiyebusi.

Yos. 9:1 Iomraidhean Croise

2 Sam. 24:7

Ani nai enyounete alo Sidon, apotu toloto lowae ŋolo ayai aduketait ŋina jiet alo Tiro ka toloto lotaunio a Ŋiipi daadaŋ ka Ŋikanaani daadaŋ. Ani ekaku, toloto Beeriseba lowae ŋolo alo Kwap Yudaya.

Awos. 23:23

“Ani elosi emalaika kaŋ kiŋaren kus, ikiya iyes neni eya Ŋiamori, Ŋiitaiti, Ŋiperisi, Ŋikanaani, Ŋiipi ka Ŋiyebusi, ido erita ayoŋ ŋul daadaŋ,

Awos. 23:31

Ewuakini ayoŋ ekukoru a akwap kus akisyakin a Nanam a ŋina Areŋan tari Nanam a Ŋipilistin, ido kikobar analoŋisat tari naŋolol Eupurate. Akajalakini ayoŋ iyes ŋituŋa ŋulu iboiyete anakwap a ŋin, ido iritarete iyes ikes toloto alokiŋaren kus.

Awos. 3:17

Adau ayoŋ atubun atemar akayauni ayoŋ iyes eketipeunio anakwap a Ijipit a ŋina iryamunitotor ŋican, okoyau nakwap a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi, nakwap ŋina elelyaata ŋakile ka ao.’

Awos. 34:11

“Kirica ŋakiro ŋuna ekecik ayoŋ iyes nakoloŋit na. Kiirasi, eritari ayoŋ alokiŋaren kus Ŋiamori, Ŋikanaani, Ŋiitaiti, Ŋiperisi ka Ŋiipi ta Ŋiyebusi.

Ekim. 13:29

Ŋiamaleki ikes iboiyete anakwap a ŋina a Negeb; Ŋiitaiti, Ŋiyebusi ka Ŋiamori ikes iboiyete anakwap a ŋina a ŋikamukumukui, ido Ŋikanaani ikes iboiyete alodiyete anam ka alodiyete aŋolol Yorodan.”

Ekim. 34:6

“‘Ekukoru kus ŋolo alo To iŋes anam Mediteranian.

Ŋikis. 1:7

Togeutu tokona nabo awosit, toloto nakwap ŋina a ŋikamukumukui ŋina a Ŋiamori ka nakiboisyo nu ŋuna idunyasi ka akwap a Ŋiamori. Araba, akwap ŋina a ŋikamukumukui, Sepela, Negeb ka nakwap ŋina alodiyete anam ka nakwap ŋina a Ŋikanaani ka Lebanon todolo tari naŋolol ŋina apolon nooi ŋina enyaritae Eupurate.

Ŋikis. 3:25

Kimyekinae ayoŋ otubor ekekwaye eŋolik akwap ŋina ajokan ŋina alokekwaye Yorodan, akwap ŋina ajokan ŋin ŋina a ŋikamukumukui ka Lebanon.”

Ŋikis. 4:49

ka akwap ŋina ka Araba daadaŋ alowae a ŋolo alo Kide Yorodan akitodol nanam ŋina ka Araba nakeju a emoru Pisiga.

Ŋikis. 7:1

Ani ikiyauni iyes Ekapolon Akuj kus nakwap ŋina eapi iyes alomar ka akituruwor ŋina iboiyoto iyes, ido kirita ŋituŋa a ŋakwapin alokiŋaren kus, kirita Ŋiitaiti, Ŋigiragasi, Ŋiamori, Ŋikanaani, Ŋiperisi, Ŋiipi ka Ŋiyebusi, ŋituŋa a ŋakwapin a ŋakanikaarei ŋulu egogoŋ ka elalak akilo iyes

Yos. 1:15

akitodol ŋina isieŋunia Ekapolon ŋituŋa kus kaapei ka iyes, kitolom ikes daŋ nakwap ŋina einakinit Akuj Ekapolon kus ikes. Ani isiboikini Akuj ŋatekerin a Isirael daadaŋ, toboŋut nai iyes kiboikinos nalup kus ŋuna abu Moses eketiyan ŋolo ke Ekapolon itotyakak iyes alo Kide aŋolol Yorodan.”

Yos. 1:4

Ameun analoŋisat alowae a ŋolo alo Kwap, akitodol lomoru Lebanon alowae a ŋolo alo Kuju, tari Kide naŋolol ŋina apolon ŋina enyaritae Eupurate, akwap a Ŋiitaiti daadaŋ, kigyer anam ŋina apolon Mediteranian alowae a ŋolo alo To.

Yos. 10:23

Aponi toŋaarae aturukan, torikunoe kiŋa erwosit a Yerusalem, erwosit a Eburon, erwosit a Yarimus ka erwosit a Lakis ta erwosit a Egilon.

Yos. 11:17

Toar Yosua ŋirwosi ŋul daadaŋ ka kikama ŋakwapin kec ŋinapei alomoru Alak a ŋolo idiri Seir akitodol neni enyaritae Baaligad neni a akadipaalat a Lebanon a ŋina anakeju a emoru a ŋolo enyaritae Erimon.

Yos. 13:5

Eriŋa akwap ŋina a Ŋigibili ka akwap a Lebanon daadaŋ alowae a ŋolo alo Kide; ameun alo Baaligad anakeju a emoru Erimon tari Lebo-Amas.

Yos. 15:12

Alowae a ŋolo alo To, anam Mediteranian iŋes egyerit ekukoru. Arae ŋol ekukoru a ŋituŋa a ekabila a Yuda a ŋatekerin kec.

Yos. 22:4

Aŋuna nai tokona, adaunia Ekapolon ŋolo erae Akuj kus akisieŋar ŋikaitotoi kus ejie lopite ŋolo eikinitor iŋes ikes, toboŋosi nai tokona nakwap kus ŋina abu Moses eketiyan a Ekapolon ikiinaki iyes alo Kide, alokekwaye Yorodan.

Yos. 22:7

Nai atutubet apei ŋina a ekabila a Manase ŋina sek keris Moses keinaki akwap ŋina eruwor ŋina kec alo Bacan ka atutubet ŋinace ŋina abu Yosua inak akwap aneni a Ŋisirael a ŋuluce alo To Yorodan, abu Yosua apaki ŋina etoboŋorya ikes lorerya kec ka ŋina eterereŋio ikes,

Yos. 23:4

Kiirasi adau ayoŋ akorakin lokabilae kus akwap na daadaŋ ameun alo Kide anaŋolol Yorodan tari To nanam Mediteranian. Adau ayoŋ akorakin iyes ŋakwapin a ŋituŋa a daadaŋ a ŋulu aponi iwon kilounae ka ŋina a ŋulu eriŋa nyilouna.

Yos. 24:11

Ipotu nai iyes todoka aŋolol Yorodan totubunos Yeriko, neni aponiata ŋituŋa a Yeriko ikitijioto iyes lopite ŋolo aponiata ŋikabilae lu ikitijioto iyes: Ŋiamori, Ŋiperisi, Ŋikanaani, Ŋiitaiti, Ŋigerigasi, Ŋiipi ka Ŋiyebusi; nai abu ayoŋ epotok ikes nakan kus.

Yos. 3:10

Tema Yosua “Iyenunete iyes atemar irukito kire ka Akuj ŋina eyari ŋina esurokini alokiŋaren kus ŋituŋa ŋulu enyaritae Ŋikanaani, Ŋiitaiti, Ŋiipi, Ŋiperisi, Ŋigerigasi, Ŋiamori ka Ŋiyebusi, iyenunete iyes ŋun alopite a lo:

Yos. 3:17

Apaki ŋina adokaryata Ŋisirael aneni atyaikinito ŋakipi, awoete ŋisacaradotin ŋulu adakito Asaduku ŋina ka Acamunet a Ekapolon Akuj alokidiŋ Yorodan aneni aonit, akitodol ŋina adokaryata Ŋisirael daadaŋ ekekwaye Yorodan.

Yos. 5:1

Ani iirarete ŋirwosi ŋulu a Ŋiamori alo To aŋolol Yorodan kaapei ka ŋulu a Ŋikanaani alokipetotyo ka anam Mediteranian epite ŋolo kitoonio Ekapolon Akuj ŋakipi a Yorodan akitodol ŋina adokaryata Ŋisirael daadaŋ, tobuliyo ikes, tokuryaketa akitijiore Ŋisirael.

Yos. 6:27

Aŋun, arukito Ekapolon ka Yosua ka abu arwonu keŋ kielakin akwap ŋin daadaŋ.

Yos. 9:7

Nai apotu Ŋisirael temasi neni a Ŋiipi, “Acepaki irae iyes ŋulu anepei a ne. Ikiruwor nai iwon ŋipei ikwaani?”