Yos. 8:4 - Ebaibul

⁴ Kicik iŋes ikes tema, “Kiirasi! Itemokino iyes tourumikis etaun Ai alowae a ŋolo alokaku. Nyicadakinosi nooi alotaun, emaikina iyes daadaŋ totenito.

Yos. 8:4 Iomraidhean Croise

2 Ŋirw. 7:12

Tonyou erwosit nakwaare tolimok ŋiketiyak keŋ tema, “Akalimokini ayoŋ iyes ŋakiro ŋuna etukito ŋasigarya ka Aram akitiya neni yok. Eyenete ikes atemar ikinyamit akoro iwon; iŋes alosyoto akiŋop anariet. Etamete ikes atemar, kori ikilomari iwon kiŋa etaun akiwarit akimuj, tosodo nai ikes ikikamaasi iwon ikiar ka kikamasi etaun.”

2 Ŋakiro a ŋirwa 13:13

Apaki ŋina erworor Abiya ŋin, kebu Yeroboam kiyakiya ŋasigarya keŋ ŋace tomanasi yaye ŋasigarya ka Abiya, kidoŋo ŋuluce kiŋaren ŋasigarya a Yudaya.

Ekal. 7:19

Einakini aosou agogoŋu neni a ŋini eos, ido iloi ŋin tari ŋikepukak ŋitomon ŋulu eya lotaun.

Ekal. 9:16

Aŋun amina ayoŋ atemar ejok aosou akilo agogoŋu, nai ejamuwaritae aosou a ŋikulyak ka mam ituŋanan ecamuni akiirar ŋakiro ŋuna irworosi ŋikulyak.

Ŋitic. 23:21

Nai nyipupok ŋakiro kec, anerae eyakasi ŋikilyok alokidiŋ kec ŋulu edeparit ekimar kec ŋatomoniomwon, ŋulu edapunete iŋes. Adaut ikes akikoŋ atemar nyikimuji kori nyikimasi akitodol ŋina earyata Paulo. Etenito tokona ikes akitiyakin ŋun ka idarito ŋuna iboŋokini iyoŋ.”

Yos. 8:16

Tonyaraunae ŋikilyok ŋulu aya Ai daadaŋ akiwuap Yosua. Kirita ikes ajore a Yosua, toekasi alotaun.

Yos. 8:3

Torotokis nai Yosua ka ŋikajiok daadaŋ akicodokin Ai. Abu iŋes toseu ŋikilyok ŋulu ke ejie ŋalipyo ŋatomoniuni, kitorotok ikes nakwaare.

Ŋikat. 20:29

Aŋun, kiwuakis Ŋisirael ŋikilyok ŋulu irimokinito etaun Gibea kidiŋ.

Ŋikat. 20:33

Toboŋosi Ŋisirael ŋulu alalak aneni ayai ejie todolo Baal-Tamar, apaki ŋin toporut Ŋisirael ŋulu sek aurumikinito etaun Gibea alo To.

Ŋikat. 20:36

Toanyut nai ŋituŋa a ekabila a Benjamin atemar eloun ikes alojie. Apotu ŋasigarya a Ŋisirael ŋuna alalak toboŋosi kaku aneni a ŋituŋa a ekabila a Benjamin, anerae ekinyomito ikes ŋikilyok ŋulu aurumikinito etaun Gibea.

Ŋikat. 9:25

Aŋuna etidiŋitotor ŋikapolok a Sekem Abimelek, apotu toloto adapit ŋituŋa alokidiama ŋikamukumukui. Todemanasi ikes ŋituŋa daadaŋ ŋulu etoreneneete nen ŋiboro kec, ido aponi nai tolimokinae Abimelek ŋakiro ŋun.

Ŋikat. 9:32

Aŋun tokona, toloto nakwaare kaapei ka ŋasigarya ŋuna irukitotor iyoŋ, toduka anariet.

1 Sam. 15:2

Ebala Ekapolon ŋolo Etiron ebe, ‘Esicani ayoŋ Ŋiamaleki aŋuna aponiata ikes toriwokis Ŋisirael apaki ŋina aponiata Ŋisirael alo Ijipit.

1 Sam. 15:5

Potu Saul ka ŋasigarya keŋ lotaun a Ŋiamaleki, tourumikis etaun anakadipaalat.