Yos. 8:35 - Ebaibul

³⁵ Tosyomak Yosua ŋituŋa Ŋikisila a Moses daadaŋ, kiirasi ŋituŋa daadaŋ kiirasi tari ŋaberu ka ŋidwe ta ŋituŋa ŋulu a ŋakwapin a ŋunagelae ŋulu aya nen.

Yos. 8:35 Iomraidhean Croise

Esir 10:1

Ani eriŋa Esira ilipi elimonori ŋasecisya ŋun kigworo ecakanakin kwap alokiŋaren Akai ka Akuj, tocunun neni ayai Esira Ŋisirael ŋulu alalak nooi: Ŋikilyok, ŋaberu ka ŋidwe, apotu ŋituŋa ŋul daŋ kigworo nooi.

Neem. 8:2

Ikwapei alimunioto ŋituŋa, abu esacaradoti Esira yau ŋikisila kiŋaren atukot a ŋituŋa, kiŋaren ŋikilyok ka ŋaberu ta ŋituŋa daadaŋ ŋulu apedorito akiirar ka ayenun ŋakiro. Etiyakin ŋun akoloŋit ŋina esyaunan alolap a ŋolo a ŋikanikaarei.

Neem. 8:3

Abu Esira tosyom ekitaabo ŋolo a ŋikisila iteorit nalapatu ŋina ayai kiŋaren epuke ŋolo a Ŋakipi, tosyom iŋes ekitaabo ŋol ameun taparacu akitodol kidiŋ apaaran, tosyom alokiŋaren ŋikilyok, ŋaberu ka ŋituŋa daadaŋ ŋulu apedorito ayenun ŋakiro, apotu ŋituŋa daadaŋ topupokis ekililiŋat esyomyo ekitaabo ŋolo a ŋikisila.

Awos. 12:38

Apotu ŋituŋa ŋice daŋ ŋulu alalak torukosi ka ikes. Tomyaasi ikes ŋibaren ŋulu alalak, ŋamesekin ka ŋaatuk.

Yer. 26:2

tolimok Yeremia tema, “Towo analapatu a ŋina alokiŋaren Akai ke Ekapolon, ido kirwor neni a ŋituŋa a daadaŋ a ŋulu iboiyete alotaunio a Yudaya, ŋituŋa ŋulu eponeneete akilip alo Kai ke Ekapolon, tolimok ikes daadaŋ ŋakiro ŋuna ekeciki ayoŋ iyoŋ, nyimunon ŋakiro ŋadi.

Yoel 2:16

Tocunakisi ŋituŋa, kitaleutu atukot a ŋituŋa; yautu ŋikasikou iwapei, tocunakisi ŋidwe, tocunakisi tari ŋiŋwea. Emaikina eteran kimyek agule keŋ ka ateran kimyek agule keŋ ŋina iterania.

Sakar 8:23

Alorwa a ŋul epote ŋituŋa ŋulugelaanotin ŋitomon neni ke Eyudayat ke epei temasi, ‘Ecamitae isua arukor ka iyoŋ neni ilosi, anerae adaun isua akiirar atemar irukito iyoŋ kaapei ka Akuj.’ ”

Mar. 10:14

Ani iŋolikini Yesu ŋikasyomak keŋ itiyaete ŋun, toŋo nooi tolimok ikes tema, “Kimyekisi ŋidwe potu neni kaŋ! Nyiretakis ikes, anerae erae Apukan ka Akuj ŋina a ŋulu ikote lu.

Ŋitic. 20:27

Anerae nyimunono ayoŋ akiserakin iyes ŋuna daadaŋ ecamit Akuj.

Ŋitic. 21:5

Tari ŋina alimunitere ŋun, ani edaun ŋarwa ŋuna arukitere isua ka ikes, kitemokinetei isua arotokin. Ikitenakis isua ŋikanupak daadaŋ ka ŋaberu kec ta ŋidwe daŋ, tolotoi kiŋa etaun nacukut ŋina ka anam, toryedikoe kilipae, ido totyakatei.

Ŋikis. 29:10

“Akoloŋit na, icunakina iyes ne kiŋaren Ekapolon Akuj kus, iyes ka ŋikarikok a ŋikabilae, iyes ŋikasikou ŋikapolok ka iyes Ŋisirael daadaŋ,

Ŋikis. 29:11

icunakina iyes ne ka ŋidwe kus, ŋaberu kus ka ŋigelaanotin ŋulu iboiyete ka iyes, ŋiketiyak kus ŋulu eyepete ŋakito ka ŋulu eokete ŋakipi aŋuna kus,

Ŋikis. 29:9

Aŋun, kiwuapa ejok ŋakiro ŋuna ka acamunet, ikotere itiyaete a aosou ŋakiro daadaŋ.

Ŋikis. 31:12

Akoloŋit ŋin tocunakisi ŋituŋa, ŋikilyok, ŋaberu ka ŋidwe kaapei ka ŋigelaanotin ŋulu iboiyete alotaunio kus, ikotere kiirasi ka toyenut akitopoloorit Ekapolon Akuj kus, kiwuapa ejok ŋakiro daadaŋ ŋuna eya lokisila ŋul,

Ŋikis. 4:2

Nyemaikina iyes kiyatakis ŋakiro ŋadi nakiro ŋuna ekecik ayoŋ iyes, kori tolemasi ŋakiro ŋadi anakiro a ŋun, nai kiwuapa ŋakiciketa a Ekapolon Akuj kus, ŋuna tokona ekeciki ayoŋ iyes.