Yos. 8:31 - Ebaibul

³¹ Aduki iŋes Namuroet ŋin a ŋamoru a ŋuna pa etyekitae a ŋasuwa lopite ŋolo elimunitor Moses alokitaabo a ŋolo a Ŋikisila. Inakis ikes a nen Ekapolon ŋamuronisya ŋuna epeyo ka inakis ŋainakineta ŋuna ka akimorikina.

Yos. 8:31 Iomraidhean Croise

2 Ŋirw. 14:6

Nai nyeara iŋes ŋidwe ŋulu a ŋikaarak a ŋul. Etiyae iŋes ŋun lopite ŋolo igiritere lokitaabo ŋolo a ŋikisila a Moses neni icikitor Ekapolon ŋituŋa ebe, “Nyearyo ŋikauruunak aŋuna a ŋidwe, kori nyearyo ŋidwe aŋuna a ŋikauruunak, nai earyo ŋinituŋanan aŋuna a ŋasecisea keŋ a elope.”

2 Ŋirw. 22:8

Abu Ilikia esacaradoti ŋolo apolon nooi tolimok Sapan ekegirigiran tema, “Arukau ayoŋ Ekitaabo ŋolo a Ŋikisila alotooma Akai ka Akuj.” Ani einakini Ilikia ekitaabo ŋol neni a Sapan, abu Sapan tosyom iŋes.

2 Ŋakiro a ŋirwa 25:4

Nai nyeara iŋes ŋidwe a ŋikaarak a ŋul. Etiyae iŋes ŋun lopite ŋolo igiritere lokitaabo ŋolo a ŋikisila a Moses neni icikitor Ekapolon ŋituŋa keŋ ebe, “Nyearyo ŋikauruunak aŋuna a ŋidwe, kori nyearyo ŋidwe aŋuna a ŋikauruunak, nai earyo ŋinituŋanan aŋuna a ŋasecisya keŋ.”

2 Ŋakiro a ŋirwa 35:12

Apotu ikes tosetasi nawae ŋainakineta ŋuna epeyo aŋuna ka ainakin neni a ŋatuketa a ŋatekerin, ikotere ŋun eayete neni ke Ekapolon, ikwapei igiritere lokitaabo ŋolo a ŋikisila a Moses. Apotu ikes kitiyata ikwaŋinapei neni a ŋimoŋin a ŋulu ayaunitae erae ŋainakineta.

Esir 6:18

Tosodi kiwuakis ŋisacaradotin a ŋatyaketa kec ka ŋilepi a ŋatuketa kec aŋuna ke etic ka Akuj alo Yerusalem, lopite ŋolo igiritere nakigireta a Moses.

Neem. 13:1

Akoloŋit ŋin, aponi tosyomae ŋakiro alokitaabo a Moses epupete ŋituŋa, ido aponi toryamunae igiritae atemar mam ituŋanan ŋini alo Amon, kori alo Moab ŋini emaikina toloma natukot ŋina a ŋituŋa ka Akuj,

Awos. 18:12

Tolemik nai Yesiro Akuj ainakinet ŋina apeyo ka ŋamuronisya ŋace. Potu nai Aron ka ŋikasikou a Ŋisirael daadaŋ akimuj ka Yesiro ŋamugati, ayai Akuj kaapei ka ikes a nen

Awos. 24:5

Ani kedau ŋun, abu kiyakiya ŋisorok a Ŋisirael, toloto ŋul inakis Ekapolon ŋainakineta ŋuna epeyo ka ŋamuronisya ŋuna a ŋimoŋin a ŋulu apolounok ikwapei ŋainakineta ŋuna ka akimorikina ke Ekapolon.

Mat. 12:26

Ani kiritanari Satan Satan, iŋes atemar atyakatyaka bon; ikokini nai akeepukan icasi ai?

Ŋikis. 27:2

Akoloŋit ŋina idokariata iyes ekekwaye Yorodan, ido tolomasi nakwap ŋina ikiinit iyes Ekapolon Akuj kus, emaikina iyes tosipokis ŋamoru ŋuna aburok, kilelyakis esimit.

Ŋikis. 27:8

Emaikina iyes kigirakis namoru ŋun ŋakiro daadaŋ ŋuna a ŋikisila a ŋulu ke Ekapolon ileerete.”

Yos. 1:8

Kiricakinite asyomenen apaki ŋina ilipyata iyes ŋuna igiritae lokitaabo ŋolo a Ŋikisila, toruwor ikes itami iyoŋ apaaran ka akuwar, ikotere imukekini akiwuapit ŋuna daadaŋ igiritae lokitaabo ŋol. Alopite a ŋol, erereŋior erot kon, topedo akitiya ŋuna ilosikinit.