Yos. 8:2 - Ebaibul

² Itemokino iyoŋ torem Ai lopite ŋolopei ibunio iyoŋ toremyo Yeriko kaapei ka erwosit keŋ. Ikicamakin iyes ayaar ŋiboro ka ŋibaren ŋulu iremunete alo Ai, tourumikisi etaun alowae a ŋolo alokaku.”

Yos. 8:2 Iomraidhean Croise

2 Ŋakiro a ŋirwa 13:13

Apaki ŋina erworor Abiya ŋin, kebu Yeroboam kiyakiya ŋasigarya keŋ ŋace tomanasi yaye ŋasigarya ka Abiya, kidoŋo ŋuluce kiŋaren ŋasigarya a Yudaya.

2 Ŋakiro a ŋirwa 20:22

Ani isyakinete ikes aeo ka akipuro, abu Ekapolon kiwuak ŋituŋa tourumikis ŋasigarya a Ŋiamoni ka Ŋimoabi ta ŋuna aponito alomoru Seir akirem Yudaya, ido aponi toreunae ŋasigarya ŋun.

Ŋikiru. 39:6

Kire jik, ikoni ituŋanan daadaŋ elosi etolim. Kire jik, eŋirikinito ŋituŋa akitiya koŋin; iriraete ikes ebari nai nyeyenete atemar eruwor ŋolo a ŋae.

Ŋakit. 13:22

Eesyanakinete ŋituŋa ŋulu ajokak ŋiboro kec toryamut ŋipapae kec, nai idyasitae ebari a ŋikasecak erae ŋolo a ŋulu iyookino.

Ŋakit. 28:20

Ituŋanan ŋini eyakar anupit, eryamuni ŋarereŋisyo ŋuna alalak nooi, nai ituŋanan ŋini ibunya atemar kerae obar, nyebucar aryamun akisicanio.

Yer. 17:11

Ikwaan ŋini ecuni abaru alorotin a ŋulu nyiyookino ka ikenyit ŋini ebekuni ŋabeyei ŋuna pa arae iŋes auruuni, edaun abaru ŋin apaki ŋina eapuunia iŋes amojoŋ, ani ekaku, eruwor ituŋanan ŋin ibaŋaanot.

Yer. 51:12

Kikyasii abendera ŋina itijikinere Babilon, ŋina ebwaŋere ŋarwatatain keŋ. Kitogogoŋo ŋulu iyokiyete akwap, kiwuakisi ŋikererok kitemonokis ŋikadapitok, anerae abu Ekapolon toyeu ka esiyook, ŋakiro ŋuna alimunit iŋes aŋuna a Babilon.

Ŋikis. 2:35

Aponi iwon toŋatarae ŋaatuk ka ŋiboro daadaŋ ŋulu a ŋitaunio.

Ŋikis. 20:14

Nai ipedorete iyes akiya ŋaberu kec erae ŋaŋatara kus kaapei ka ŋidwe, ŋibaren ka ibore daadaŋ ŋini eyai lotaun ŋol. Ipedorete iyes akisitiya ikwaŋina ecamitotor ŋituŋa ŋiboro a ŋimoe kus ŋulu adau Ekapolon Akuj kus ainakin iyes.

Ŋikis. 3:2

Kirwor Ekapolon neni kaŋ tema, “Nyikuryaniar aŋuna keŋ, anerae adau ayoŋ akipotokin iŋes neni kon kaapei ka ŋituŋa keŋ ta akwap keŋ. Kitiya neni keŋ lopite ŋolo ibunio iyoŋ kitiyaa neni a erwosit Sikon a ŋolo a Ŋiamori a ŋolo epukat alo Esibon.”

Yos. 10:1

Abu Adonisedek erwosit a Yerusalem kiira atemar kebu Yosua kikama Ai, tomunya ibore daadaŋ kaapei ka erwosit keŋ, lopite ŋolopei keris kitiyakinia Yeriko. Abu nabo kiira atemar aruwor Ŋigibeoni ka Ŋisirael ŋipei ka erukito.

Yos. 10:28

Akoloŋit ŋin, kikama Yosua etaun ŋolo enyaritae Makeda daŋ, toar erwosit keŋ. Tomunya iŋes ŋituŋa daadaŋ alotaun, nyidoŋ tari ipei. Nyelakakina iŋes idiotuŋanan ebucar ka abu kitiyak erwosit a Makeda ŋuna aris iŋes kitiyak neni a erwosit a Yeriko.

Yos. 11:14

Apotu Ŋisirael taŋatasi ŋiboro daadaŋ ka ŋibaren alotaunio a ŋul. Nai toara ikes a ekileŋ ŋituŋa daadaŋ nyeesikis tari ipei eyari.

Yos. 6:21

Apotu ikes tolemut ŋileŋia kec toaryata ŋituŋa daadaŋ alotaun, ŋikilyok ka ŋaberu, ŋisorok ka ŋimojoŋi. Toara daŋ ŋaatuk ka ŋamesekin ta ŋisigirya.

Yos. 8:12

Arae ekimar a ŋikilyok a ŋulu sek atyakari Yosua kidiŋ Besel ka Ai aurumikin etaun alowae a ŋolo alo To ŋalipyo ŋakan.

Yos. 8:14

Ani irumuni erwosit ŋolo ka Ai ŋakiro ŋun, apotu ŋituŋa keŋ kisyokakis akyenyun, kicodosi ŋikilyok ŋulu a ajore akitijiore Ŋisirael aneni arounit neni enyaritae Araba. Nai pa ayeni erwosit ka Ai atemar eurumikinitae etaun alowae a ŋolo alokaku.

Yos. 8:19

Apotu nai ŋikajiok ŋulu aurumikinito etaun tokuraun aneni aŋopitotor apaki ŋinapei ekyaarya Yosua akan keŋ, toemakinos lotaun kikamasi etaun, kicunyakis atipei.

Yos. 8:24

Ani kedaut Ŋisirael amunyar ŋituŋa daadaŋ ŋulu ka Ai anariet aneni sek ewuaparete ŋikilyok ŋulu ka Ai Ŋisirael, toboŋosi nai Ŋisirael daadaŋ lotaun Ai toara ŋituŋa daadaŋ ŋulu aya lotaun.

Yos. 8:3

Torotokis nai Yosua ka ŋikajiok daadaŋ akicodokin Ai. Abu iŋes toseu ŋikilyok ŋulu ke ejie ŋalipyo ŋatomoniuni, kitorotok ikes nakwaare.

Yos. 8:7

emaikina iyes tokuraun aneni iurumikinitotor etaun, kikamasi etaun. Ebuni Ekapolon ŋolo erae Akuj kus ainakin etaun nakan kus.

Yos. 8:8

Ani nai ikamarete iyes etaun, itemokino kicunyakis, kitiyata lopite ŋolo elimunitor Ekapolon. Adau ayoŋ alimokin iyes ŋuna kitiya.”

Yos. 8:9

Kitorotok nai Yosua ikes, toloto neniurumikinet etaun kiupokinos ikes kidiŋ Besel ka Ai alowae a ŋolo alo To. Nai toper Yosua akoloŋit ŋin nalomari neni aperete ŋituŋa ŋuluce.

Yos. 9:3

Nai ani iirarete ŋituŋa ŋulu ke etaun a Gibeon, ŋuna keris Yosua kitiyak lotaunio a Yeriko ka Ai,