Yos. 7:6 - Ebaibul

⁶ Apotu Yosua kaapei ka ŋikarikok a Ŋisirael tocilicileta ŋilowi kec anakiyaloloŋ, tobuburiyaros kilipa alokiŋaren Asaduku ŋina ka Acamunet a ŋina ke Ekapolon. Topero ikes aneni akitodol eboŋ, ipuripurito apuwa nakyes kec akitoodiunia akiyaloloŋ kec.

Yos. 7:6 Iomraidhean Croise

Akisy. 37:29

Ani eboŋori Ruben kare ŋin, kiŋolik emam Yosepu alotooma akare, tocil ŋilowi keŋ.

Akisy. 37:34

Apaki ŋin, tocilicili Yakob ŋilowi keŋ, tonap ŋiguniyae anacir keŋ, kigwor ŋirwa ŋulu alalak aŋuna alokoku keŋ.

2 Sam. 1:11

Abu Daudi tocilicili ŋilowi ŋulu anapit; kitiyata ŋirukitos a Daudi ŋunapei ŋun.

2 Sam. 1:12

Kiwololoto ka kigworo aŋuna a Saul ka Yonasan lokoku a Saul ka aŋuna a Ŋisirael a ŋituŋa a Ekapolon. Kiredakis ikes akiron akitodol eboŋ. Etiyaete ikes ŋun daadaŋ aŋuna keponere toarae Ŋisirael ŋulu alalak.

2 Sam. 1:2

Ani epete ŋirwa ŋiuni, bu ekile ece analomar a Saul, enapit ŋilowi ŋulu acilicila ka tooŋoryana akou keŋ. Ani edoluni iŋes neni a Daudi, toryedik itoodiunit akitopoloorit keŋ Daudi.

2 Sam. 12:16

Aŋun, abu Daudi todyek Akuj aŋuna a ikoku a ŋin; kiredak iŋes akiron, tolot toper kwap akuwar kya.

2 Sam. 13:19

Nai abu Tamar kiwuak ekuron nakou keŋ, ido tocilicili elou ŋolo anapit iŋes, kidokok akan keŋ nakou keŋ, torotok a nen igworo nooi, iwololoe elosi.

2 Sam. 13:31

Tokuraun erwosit aneni eboiyo, tocilicili ŋilowi keŋ, ido toper alokwap ewuasi ŋiketiyak keŋ anawae keŋ, irimokinito iŋes kidiŋ, ecilicilito ŋilowi kec.

2 Ŋirw. 22:11

Ani iirari erwosit Yosia ŋakiro ŋuna egiritae lokitaabo ŋolo a Ŋikisila, abu tocilicili ŋilowi keŋ.

2 Ŋakiro a ŋirwa 34:19

Ani iirari erwosit Yosia ŋakiro ŋuna egiritae lokitaabo ŋolo a Ŋikisila, abu tocilicili ŋilowi keŋ.

Esir 10:1

Ani eriŋa Esira ilipi elimonori ŋasecisya ŋun kigworo ecakanakin kwap alokiŋaren Akai ka Akuj, tocunun neni ayai Esira Ŋisirael ŋulu alalak nooi: Ŋikilyok, ŋaberu ka ŋidwe, apotu ŋituŋa ŋul daŋ kigworo nooi.

Neem. 9:1

Ŋirwa ke elap ŋatomoniarei ka ŋiomwon a elap a ŋolo a ŋikanikaarei tocunakin Ŋisirael iwapei iredakinito akiron ka enapito ŋiguniyae ka eya ŋalup nakyes kec.

Esta 4:1

Ani eyenuni Moridekai ŋuna keponi totubunoe daadaŋ, tocilicili ŋilowi keŋ, tonap ŋiguniyae, kipunupunakin ekuron, ido tolot kidiŋ etaun iwololoe nooi, enomorito ŋakiro.

Esta 4:3

Aŋina kibois daadaŋ a ŋina kelimoritae kori pa kelimoritae ŋakiro a erwosit ka ŋakiro ŋuna aponi totubunoe, apotu Ŋiyudayan make kisyakis akigworo nooi. Kisyakis akiredanakin akiron, akigworo ka akiwolol. Tolomakis ŋikalalak alokidiŋ kec akiper loguniyae ka lokurono.

Yob 1:20

Abu nai Yob tonyou, tocil ekaaso keŋ, tobanya ŋitim anakou keŋ, toramakin kwap ido kilip.

Yob 2:12

Ani iŋolikinete ikes iŋes eriŋa elwana, apotu ikes nyeyan Yob, apotu ikes tocelut nooi, kigworo ecelasi, tocilicileta ŋikaasoi kec, ido kiela apuwa kidiama, min nakyes kec.

Yob 42:6

Aŋun, ajamuwar ayoŋ bon aŋuna a ŋakiro kaŋ, ido akii ewuakinit apuwa ka ekuron nakuwan kaŋ.”

Aum. 2:10

Iboiyete ŋikasikou a Yerusalem alokwap ililiŋete cek; ipuripurito apuwa nakyes kec ka enapito ŋiguniyae; ijuuruyete ŋasorok ŋuna a Yerusalem.

Ekim. 14:6

Anenipei, potu Yosua lokoku a Nun ka Kaleb lokoku a Yepune, ŋirukitos a ŋikilyok a ŋulu alosito akireb akwap, tocila ŋilowi kec,

Ekim. 16:22

Anenipei, toramakinos Moses ka Aron todolo ŋireetin kwap, ido temasi, “Okoe Akuj, Akuj ŋina a ŋitai a ŋituŋa a daadaŋ, iŋoikini iyoŋ ŋituŋa daadaŋ aŋuna ka asecit a ipeituŋanan a?”

Ekim. 16:45

“Kiyotokisi alotuŋa alu ikotere omunya ikes atipei.” Toramakinos Moses ka Aron todolo ŋireetin kec kwap.

Ŋitic. 14:14

Ani iirarete Baranaba ka Paulo ŋakiro ŋun, tociliciliyasi ŋilowi kec, toema tooma nasepico a ŋituŋa iworoete ebasi,

Yos. 7:7

Tolimu Yosua tema, “Okoe Ekapolon Akuj! Kaanukiro bo ibunio iyoŋ kitodokunia ŋituŋa lu lokekwat lo alo Yorodan? Arae mono akipotor isua ikimunyasi Ŋiamori a? Okoe, kerae bo oyenunito daŋ, kikidoŋit ekekwaye Yorodan!

Akis. 18:19

Tobukonokis ŋalup ŋakyes kec, kigworo ka kiyaloloŋo temasi, “Oitakoi! Kerokyata ŋakiro ŋuna atakanut lotaun ŋolo apolon nooi lo! Arae iŋes etaun ŋolo abarakinete ŋimucurus ŋulu ayakatar ŋameeli! Atwania iŋes ebari ŋol daadaŋ alotooma esaa epei.”

Ŋikat. 11:35

Ani iŋolikini Yepesa nakoku keŋ, tocil ŋilowi keŋ, tema, “Okoe nakoku kaŋ, ikituruwo iyoŋ ayoŋ ŋolo eyaloloŋi ka ŋolo a ŋican, anerae adau ayoŋ akikoŋ neni ke Ekapolon ka nyapedori ayoŋ aesikin akitiya ŋuna adau akikoŋ.”

Ŋikat. 20:23

Kitipeiyosi Ŋisirael, kigworo neni ke Ekapolon apaaran daadaŋ akitodol eboŋ, kiŋita nabo ikes Ekapolon ŋakiro temasi, “Elosyo ba nabo isua diyete akicodor akitijikin ŋiyeneta kosi ŋituŋa a ekabila a Benjamin a?” Toboŋok Ekapolon ikes tema, “Toloto kitijikisi ikes.”

Ŋikat. 20:26

Toloto nabo Ŋisirael daadaŋ Besel kigworo neni ke Ekapolon iboiyete a nen, kiredakis akiron akoloŋit ŋin akitodol eboŋ. Inanakis nai alo kiŋaren Ekapolon ŋainakineta ŋuna epeyo ka ŋamuronisya ŋuna ke ekisil.

Ŋikat. 21:2

Apotu nai Ŋisirael toloto Besel, kiboiyoto a nen alokiŋaren Ekapolon tari ŋina awarya akwap, kiworout a nen nooi kigworo nooi.

1 Sam. 4:12

Akoloŋit ŋin, kebu ekile epei ŋolo a ekabila a Benjamin, toem alojie, tolot Silo, todol iŋes Silo ekoris ŋilowi ka ileleba apuwa nakou.