Yos. 7:26 - Ebaibul

²⁶ Totukokinae kidiama Akan ŋamoru ŋuna alalak ŋuna eya tari tokona. Tojoŋo nai Ekapolon aŋoikinit Ŋisirael. Ŋakiro ŋun iŋes enyaritere akibois ŋin akadipaalat ŋina ka Akor tari tokona.

Yos. 7:26 Iomraidhean Croise

2 Sam. 18:17

Todakasi ikes akuwan ka Abusalom kimasakis nadui ŋina ayai namoni, ido tocakakis ŋamoru ŋuna alalak kidiama keŋ. Toema Ŋisirael daadaŋ ŋinituŋanan lore keŋ.

2 Sam. 21:14

Apotu nai ikes tonuka ŋakoyo a Saul ka ŋuna a Yonasan alokoku keŋ neni anukitae Kis papa a Saul, nakibois ŋina anyaritae Sela alo Benjamin. Apotu ŋituŋa kitiyata ŋakiro daadaŋ ŋuna ecikit erwosit ikes akitiya. Kedaut ikes akitiya ŋun, abu Akuj kiira ŋakiro ŋuna elipyata ŋituŋa ekiito ŋasecisya kec aŋuna ka akwap kec.

2 Ŋakiro a ŋirwa 29:10

Acamit tokona ayoŋ acamun ke Ekapolon Akuj a Isirael, ikotere nyebu neni yok anyunyura keŋ ŋina aryenyaanan.

Esir 10:14

Kimyek ŋikapolok kosi kitiyata ŋun aŋuna ka atukot a daadaŋ, ido ŋulu daadaŋ alotaunio kosi ŋulu apotu kiitununut ŋaberu ŋunagelae, emaikina potu apaki ŋina etubunio, potu kaapei ka ŋikasikou ka ŋikatubok ŋulu a ŋolotaun, akitodol ŋina edaunor anyunyura ka Akuj aneni yok aŋuna a ŋakiro a ŋun.”

Ŋikiru. 85:4

Torimakinae isua, okoe Akuj ŋina irae akaiunan kosi; tojoŋo aŋoikinit isua.

Awos. 32:12

Kaanukiro irworotor Ŋijipitian ebe, ‘Arae akitiya ŋuna aronok neni kec, iŋes ayaunia iŋes ikes lomukura lu, ikotere emunyari ikes anakwap a daadaŋ’? Kimyek aŋoit kon ŋin ŋina ka anyunyura; kilocok ŋatameta kon, ido nyisican ŋituŋa kon.

Isa. 40:2

Kirworo irimaaka neni a ŋituŋa a Yerusalem, kiserata ŋakiro neni a ŋituŋa keŋ, tolimokisi ikes atemar erikakin ŋakiro ŋuna atyonok ŋuna sek etiyaete ikes, tolimokis ikes atemar ataci ŋuna sek adikino ikisicanere, tolimokis ikes atemar adaun akisican iyes anapedor a Ekapolon a ŋina apolon aŋuna a ŋasecisya kus daadaŋ.

Isa. 65:10

Eruwor Saron neni edakasi ŋamesekin ka eruwor akadipaalat ka Acor neni euryaketa ŋisipanin a ŋaatuk, anerae apotu ŋituŋa kaŋ ekewara ayoŋ.

Aum. 3:53

Apotu ekemasakis ayoŋ nakipany ayari, ido togolo akipany a amoru.

Osea 2:15

A nen, enyakakini ayoŋ iŋes ŋimanikorin keŋ ŋulu ke epiini, eturuwo akadipaalat ŋina ka Acor neni egeunia akigeno, iwuapi iŋes ŋakiro kaŋ a nen lopite ŋolo ewuapitor apaki ŋina ariŋaakar iŋes esorokana ka iwuapi lopite ŋolo etiyaa iŋes apaki ŋina abunio iŋes anakwap a Ijipit.

Osea 2:17

Alemari ayoŋ ŋirorwa ata Baal anakituk keŋ, ido nyenyarao nabo jik ata Baal a ŋirorwa.

Yoel 2:13

Tokodosi ŋitai kus, nyicila ŋilowi kus. Toboŋutu neni ke Ekapolon Akuj kus, anerae ejok iŋes ka isyoniono, nyeŋoyenene atipei, epol nooi amina keŋ ŋina nyiryaŋiryaŋa, etenit iŋes jwi jwi akisyon akilo akisican.”

Yoel 2:18

Abu nai Ekapolon kitoodiu amina keŋ neni a ŋituŋa keŋ, ido abu kisyoni ŋituŋa keŋ.

Yona 1:15

Tosodo ikes kimasakis Yona nanam; todipakin nai akimorokok a ŋakipi ananam.

Sakar 6:8

Abu emalaika okonyar ayoŋ tema, “Kiŋolik iyoŋ, ekesieŋut ayoŋ ŋaŋolei ŋuna alosete nakwap ŋina alo Kuju anaŋoikinit kaŋ akwap ŋina alo Kuju.”

Ekim. 25:8

kiwuapak Esiraelit ŋolo ayauni aberu ŋina Midianait, kicum ikes daadaŋ ŋiarei nakookyes. Aŋun, abu edeke tojoŋo akiar Ŋisirael.

Ŋikis. 13:17

Nyiridasi a ŋakan kus idiobore ŋini emaikina tomunaarae, ikotere ejoŋoe Ekapolon aŋoikinit iyes, ikisyon iyes, ido anakisyon keŋ, ikitiput iyes lopite ŋolo ekoŋitor neni atapapaa kus.

Ŋikis. 13:18

Itiyakinosi ŋun erae kiwuapa iyes ŋakiro ŋuna elimuni Ekapolon aŋuna iwuapyata ŋakiciketa keŋ ŋuna ekecik ayoŋ iyes akiwuap nakoloŋit na ka torubak itiyaete ŋuna iyookino alokiŋaren Ekapolon Akuj kus,

Yos. 10:27

Ani edoiyori akoloŋ, tolimu Yosua atemar tolacunae ŋawat kec tocakakinae naturukan ŋina sek adukitotor ikes. Ani kedaun akitiya ŋun, aponi totukokinae ŋamoru ŋuna apolok lokek a aturukan, eyakasi ŋamoru ŋun nen tari tokona.

Yos. 7:24

Abu nai Yosua kaapei ka Ŋisirael daadaŋ tocunasi Akan lokoku a Sera ka esilipa, elou ŋolo aoyan ŋol, egolid ŋidwe keŋ ŋulusapa ka ŋulupesur, ŋimoŋin, ŋisigirya, ŋamesekin, eema ka ibore daadaŋ ŋini ayakar iŋes. Yaarae daadaŋ nakadipaalat ŋina enyaritae Akor.

Yos. 8:29

Kinenek nai Yosua ka auno erwosit ŋolo ka Ai lokitoe tomyed, tosodi kimyek akuwan ineno akitodol eboŋ. Ani edoiyori akoloŋ, tolimu iŋes atemar tolacunae akuwan alokitoe a ŋol kiperikinoe lopuke a etaun. Totukokinae kidiama akuwan keŋ ŋamoru ŋuna alalak ŋuna eya nen tari tokona.