Yos. 7:21 - Ebaibul

²¹ Alotooma ŋiboro ŋulu aremunio, abu ayoŋ eŋolik elou ŋolo ajokan ŋolo aoyan, ŋolo itiyaunitae alo Babilon ka ŋakiloi ŋaarei ŋuna a esilipa ta egolid ŋolo adolit apotis atutubet apei ŋina ka akilo. Apotu ŋiboro ŋul okonirasi ayoŋ nooi, olemu ayoŋ ikes. Anukakinit ayoŋ ikes nalup tooma eema kaŋ ka eyai esilipa alokwap.”

Yos. 7:21 Iomraidhean Croise

Akisy. 10:10

Abu apukan a Nimirod kisyak alo Babilon, Erek, Akad ka Kaline. Aya ŋakiboisyo ŋun nakwap ŋina a Sinar.

Akisy. 3:6

Kiŋolik aberu ekitoe ejok aŋuna ka akimuj, tonira daŋ ŋakonyen keŋ; tonira iŋes ekitoe aŋuna ka aosou a ŋina ikiini. Tosodi todeŋu arait alokitoe a ŋol tonyam, inak ekile keŋ daŋ ŋolo arukito ka iŋes apaki ŋin, tonyam.

Akisy. 34:27

Potu ŋidwe a Yakob ŋuluce ŋulusapa lotaun, toryamut ŋalyalin, tolema ŋiboro alotaun, anerae nen aponare kinyasunere nakaato kec.

Akisy. 6:2

kiŋolikis ŋidwe a Set ŋulusapa ŋidwe ŋulupesur ŋul ibusak, yaasi ŋuna daadaŋ apotu ikes toseut, kituruwosi ŋaberu kec.

2 Sam. 11:2

Apeikoloŋit esoŋakini akoloŋ, tonyou Daudi alokitaada keŋ, tolot todoka kidiama akai keŋ neni alapat, ido ca elosi a nen irimit. Alokidiama a nen, kebu iŋes kiŋoliya kwap, kiŋolik aberu iloŋa. Ebus aberu ŋin nooi,

2 Ŋirw. 7:8

Ani kelomasi ŋikilyok ŋulu ka atapon nalomar a ŋasigarya ka Aram, toloto ikes loeema epei kimuja ka tomata, tolemasi esilipa ka egolid ta ŋilowi yaasi kiwua. Toboŋosi nabo toloto loeema ece, tolemasi ŋiboro yaasi kiwua.

Yob 31:1

“Adau ayoŋ akikoŋ atemar nyeŋolikini idiobore okonira, alipite nai apedorya ayoŋ akiŋolikin apese ŋina nyiryamakina ke ekile?

Ŋikiru. 119:37

Nyikimyek ayoŋ amitakinit ŋiboro ŋulu erae ŋikoŋinae; inakinae ayoŋ akiyar anakiwuapit akirot kon.

Awos. 20:17

“Nyiŋobel ŋinituŋanan akai a ikidunyet keŋ, nyiŋobel aberu a ekidunyet keŋ, kori eketiyan ka aketiyan a ikidunyet keŋ, kori emoŋ, kori esigirya, kori ibore ca daadaŋ ŋini erae ŋini a ikidunyet keŋ.”

Ŋakit. 1:19

Erae ŋol epite ŋolo esaluniata daadaŋ ŋulu eyakatar ekibure ŋolo ka akidem ŋuluce ŋiboro kec; elemari ekibure ŋol akiyar a ŋulu eryamunete ekibure ŋolo ikoni nen.

Ŋakit. 23:31

Nyikiburak epiini iŋolikini ereŋ puu, ekulae alokopo ka ilikori emam ŋace.

Ŋakit. 28:22

Ituŋanan ŋini eseguwana, iwarit atemar kerae obar atipei, ido nyeyeni iŋes atemar epedori tari akulyako daŋ akikirikiriun neni keŋ.

Ŋakit. 4:23

Kiyokite akiyar kon icoikinit ŋakiro daadaŋ, anerae nen eleleunia akiyar ŋina ajokan.

Isa. 28:15

anerae itemasi iyes, “Acamunoi isua ka atwanare, acamunoi isua ka akibois ŋina a ŋikatwak; apaki ŋina eponiata ŋican ŋulu apipilak, nyepote neni kosi; anerae ikiuna isua analyokonu ka ikiŋopit isua anakirworo alyokonu.”

Isa. 29:15

Ekaŋ iyes ŋulu iwuaito nooi aneni ke Ekapolon ŋakiro ŋuna iyeete akitiya, iyes ŋulu itiyaete ŋakiro kus anakiryonut, iyes ŋulu ibasi, “Ŋae mono ikite iwon? Ŋae mono ikiyeni iwon?”

Abak. 2:9

Ekaŋ iyes ŋulu ipotu kitabara ŋikalya kus aloboro a ŋulu idemete ŋituŋa. Idaut iyes akiduk ŋirerya kus kidiama ŋimoru, itamete atemar mam ibore ikitapi.

Luk. 12:15

Tolimok iŋes ŋituŋa daadaŋ tema, “Tocoikisi, kiyokito ŋawat kus anarorokanut a daadaŋ, anerae meere ebari itopoloe akiyar a ituŋanan.”

Luk. 12:2

Emam ibore ŋini erapitae ŋini nyisileereunio ka ŋini imunonitae ŋini nyeyenunio.

Ŋiep. 5:3

Ikwapei iraakatar iyes ŋituŋa ŋulu ka Akuj, nyitemokino ŋakiro daadaŋ ŋuna ka amalao kori ŋuna ka asiilyanut kori arorokanut elimitoe alokidiŋ kus.

Ŋiep. 5:5

Toyenete nai atemar emam ituŋanan ŋini amalaanan, asiilyanan kori ŋini arorokanan (anerae ikwaan arorokanut ka akilip akuj ace) ŋini eyakaun Napukan ŋina a Kristo ka Akuj.

Ŋikis. 7:25

Icunyarete iyes ŋitorubei a ŋakujo kec. Nyikinira iyes esilipa, kori egolid ŋolo idelesikinitae lotorubei ŋul, ido iyaasi aŋuna kus, anerae anakiwuapit ŋakiro ka Akuj; epedorete ŋiboro ŋul akitooliyor iyes anerae eŋerit Ekapolon Akuj kus iyes akitiya ŋun.

Ŋikol. 3:5

Itemokino iyes kitoŋopiyasi ekibure ŋolo aronon ŋolo alotooma kus ikwapei amalao, asiilyanut, akitiya ŋuna a ŋileec, ekibure ŋolo aronon, arorokanut (anerae ikwaan arorokanut ka akilip akuj ace.)

Ŋibur. 13:5

Nyiraakasi ŋulu iminasi ŋisiliŋa, kimwonikina a ŋiboro a ŋulu iyakatar iyes. Anerae alimu Akuj atemar, “Nyakaesikini ayoŋ iyoŋ jik, nyakacakari ayoŋ iyoŋ jik.”

Yak. 1:15

Esibit ekibure keŋ ŋolo aronon ibore ŋini epoti, ido touru asecit; topolou asecit, touru atwanare.

Yos. 7:20

Toboŋok Akan Yosua tema, “Kire jik, ayoŋ asecit aneni ke Ekapolon a ŋolo erae Akuj a Ŋisirael, anerae etiyat ŋakiro nu:

Yos. 7:22

Kiyakiya nai Yosua ŋituŋa toema loeema, toryamunae kire ŋiboro ŋul enukakina kwap ka eyai esilipa alokwap.

2 Pet. 2:15

Aesikis ikes erot ŋolo idiiri, aoliyosi alorot kec; atupakis erot a Balaam, a lokoku a Bior a ŋolo amina ŋisiliŋa ŋulu aryamununui iŋes alorotin a ŋulu aronok.