Yos. 7:15 - Ebaibul

¹⁵ Ani nai ŋini eseunio toryamunae eyakar ŋiboro ŋulu icenen, eponio akicunyakin iŋes ka ŋiboro keŋ daadaŋ kaapei ka ŋituŋa keŋ, anerae abil iŋes Acamunet ŋina ke Ekapolon ka nabo etiya ŋuna a ŋileec nooi alo Isirael.”

Yos. 7:15 Iomraidhean Croise

Akisy. 34:7

Ani edolunete ŋidwe a Yakob ŋulusapa anacokor, kiirasi ŋakiro a Dina atipei. Toumokis ka toŋoa nooi, anerae kebu Sekem kitiya ŋuna a ŋileec aneni a Ŋisirael, aŋuna kebunio kikamunia nakoku a Yakob kituruwo aberu keŋ, torae bo ŋun ŋuna pa amaikina akitiya.

2 Sam. 13:13

Ani eruwor ayoŋ, ai alosi ayoŋ ka ŋileec kaŋ? Ani bo iyoŋ, iruwor iyoŋ epei a ŋibaŋaanotin a ŋulu alo Isirael a? Ekemaimai ayoŋ iyoŋ, ape tolimok erwosit ŋakiro nu, nyekeretakini iŋes ayoŋ akiit iyoŋ.”

Yos. 7:11

Aseca Ŋisirael! Abila ikes ŋuna abu ayoŋ ecik ikes atemar, kirica. Alemasi ikes ŋiboro ŋice ŋulu amaikina kinyasunae. Akokoiyasi ikes ŋiboro ŋul, nabo emunoniasi emorikis ka ŋiboro kec.

Yos. 7:16

Ani taparacu iwalari akwap, abu Yosua tonyou kisibak Ŋisirael aponare kiŋaren a ŋikabilae. Aponi tosearae ekabila a Yuda.

Ŋikat. 20:10

Alotooma ŋituŋa amiat earyo ŋituŋa ŋitomon alokabilae a daadaŋ a ŋulu a Ŋisirael, eseunio alotooma ŋituŋa aliput earyo ŋituŋa amiat ka alotooma ŋalipyo ŋatomon earyo ŋituŋa aliput, aŋuna ka akiwok akimuj a ŋasigarya a ŋuna elosete akinyaŋar ŋakiro a ŋituŋa a Gibea a etaun a ŋolo a Benjamin, ŋakiro daadaŋ ŋuna ka akapil a ŋina apotu ikes kitiyata alo Isirael.”

Ŋikat. 20:5

Tosodi apotu ŋituŋa a Gibea potu neni kaŋ nakwaare kirikaut akai ecamito ikes akiar ayoŋ, apotu nai ikes, torata aberu kaŋ tari ŋina atwania.

Ŋikat. 20:6

Abu nai ayoŋ olemu akuwan a aberu kaŋ otubutubu, ido eyakiya ŋatubutubeta ŋun nakwap a ŋituŋa a Isirael daadaŋ, anerae etiyata ikes akapil alo Isirael.

1 Sam. 26:21

Tema nai Saul, “Etiya ayoŋ ŋuna aronok; toboŋu ikaakoku Daudi, anerae ibu iyoŋ nakoloŋit na nyilema akiyar kaŋ, nyekatakini nabo ayoŋ akiar iyoŋ. Kire jik abu ayoŋ etiya lopite ŋolo itiyaa ebaŋaanot, ido etiya ayoŋ ŋuna aronok nooi.”