Yos. 7:12 - Ebaibul

¹² Ŋakiro ŋun ikes nyewoikiniata Ŋisirael ŋimoe kec. Emanakis ikes ŋakausinei lomoe kec, anerae aruworosi ikes ŋulu ilamitae. Nyikiruki nabo ayoŋ ka iyes mati jik kilemasi iyes aneni kus ŋiboro ŋulu aponi ikiciki iyes atemar nyilemasi.

Yos. 7:12 Iomraidhean Croise

Ŋikiru. 44:10

Ibu iyoŋ ikiinak isua abwaŋa alokiŋaren ŋimoe kosi, ido apotu ŋimoe toŋatasi ŋiboro kosi.

Ŋikiru. 60:10

Nyeŋero mono iyoŋ isua, okoe Akuj a? Okoe Akuj nyeriŋa iyoŋ irukonorete lojie ka ŋasigarya kosi.

Ŋakit. 28:1

Eosunit ituŋanan ŋini aronon tari kemam ituŋanan iwarit akikamun iŋes, nai etitiny ituŋanan ŋini iyookino lopite ŋolo etitinyo eŋatuny.

Isa. 59:2

Erae ŋasecisya kus ikityakarito iyes aneni ka Akuj kus ka ŋasecisya kus ikes ainakis iŋes akiwua ereet keŋ aneni kus, ikotere nyepedo akiirar iyes.

Yer. 23:33

“Ani kikiŋita iyoŋ ŋituŋa ŋul, kori ekadwaran, kori esacaradoti ebe, ‘Anukiro eryeba Ekapolon?’ Iboŋokinete iyes ikes atemar ebala Ekapolon, ‘Iyes irae aryebo aneni kaŋ, ido akaŋeri ayoŋ iyes.’

Yer. 6:8

Okoe ŋituŋa a Yerusalem, tocoikisi ŋuna itiyaete iyes, ani pa kilocokis iyes ŋipitesyo kus, ekemyekini ayoŋ iyes, eturuwo etaun kus aloŋisat neni emam ŋituŋa eya.

Osea 9:12

Tari kitopolout ikes ŋidwe kec, eturuwori ayoŋ ikes ŋulu emam ikoku ipei daŋ. Ŋuna kec ŋun, epote ŋican ŋulu apolok neni kec apaki ŋina emyekinia ayoŋ ikes.

Abak. 1:13

Irae iyoŋ Akuj ŋina Asegan, ido nyipedori akitere aronis. Ikokini iyoŋ ite ŋuna itiyaete ŋituŋa lu ŋulu emam akikinyoma ka ŋulu aronok, ido tomam akisican ikes, ŋulu amunyasi ŋituŋa ŋulu iyookino akilo ikes ai?

Ekim. 14:39

Ani elimokini Moses Ŋisirael daadaŋ ŋakiro ŋuna alimuni Ekapolon, apotu ŋituŋa kiyaloloŋo nooi.

Ekim. 14:42

Nyitipeiyosi ama, anerae nyirukito iyes ka Ekapolon, nyilot amunyaro alokiŋaren ŋimoe kus.

Ekim. 14:43

Ikitijikinete iyes Ŋiamaleki ka Ŋikanaani ka ama, ido ikimunyaryo iyes a ekileŋ, anerae iwout iyes akiwuap ŋakiro a Ekapolon, nyirukete iyes ka Ekapolon.”

Ekim. 14:45

Apotu nai Ŋiamaleki ka Ŋikanaani, ŋituŋa ŋulu eboiyete anakwap a ŋina a ŋikamukumukui, kitijikis Ŋisirael kilout, kirita ikes tari neni anyaritae Orema.

Ŋikis. 7:26

Nyiyaut ŋiboro ŋulu eŋerit Akuj nakais kus, kitiyata iyes ŋun, ikityakaryo iyes daŋ toruworos ŋulu ikimunyaryo ikwa ikes. Emaikina iyes toŋerito jik ka tojamuwarito ikes, anerae erae ikes ŋulu etyakaritae aŋuna ka akinyasuno.

Yos. 6:18

Nai iyes, kiuryasi, nyetapa idiotuŋanan ŋiboro ŋulu ilamitae ŋul, ikotere apaki ŋina imunyaryata iyes ikes, nyikodut ŋiboro ŋulu ilamam, yaut nalomari ŋina a Ŋisirael, ido kituruwosi ŋina ilamam, ŋina akodakin ŋican.

Ŋikat. 16:20

Tolimu nai Delila tema, “Samuson, apotu Ŋipilistin!” Ani ekyenyuni Samuson totamak ebe, “Alosi ayoŋ etiya lopite ŋolo etiyator ŋarwa ŋunace, aiun bon.” Nai pa ayeni iŋes atemar kedau Ekapolon aesikin iŋes.

Ŋikat. 2:14

Aŋun, abu Ekapolon toŋoik Ŋisirael, kimyek ŋikaŋatak ŋulu apotu toŋatasi ŋiboro kec, abu Ekapolon kipotok ikes neni a ŋimoe kec a ŋulu eboiyete alowaetin a akwap kec daadaŋ, ikotere nyepedosi nabo ikes akiloun ŋimoe kec.

Ŋikat. 2:4

Ani irikakini emalaika ŋolo ke Ekapolon akirwor ŋakiro ŋun neni a Ŋisirael a daadaŋ, apotu ŋituŋa kiworout ecelasi nooi ka kigworo.

1 Sam. 14:38

Aŋun, abu Saul tema, “Potu laalo, iyes ŋikarikok ajore a Ŋisirael daadaŋ, oanyutu atemar ŋae eyaunit asecit na nakoloŋit na.