Yos. 7:11 - Ebaibul

¹¹ Aseca Ŋisirael! Abila ikes ŋuna abu ayoŋ ecik ikes atemar, kirica. Alemasi ikes ŋiboro ŋice ŋulu amaikina kinyasunae. Akokoiyasi ikes ŋiboro ŋul, nabo emunoniasi emorikis ka ŋiboro kec.

Yos. 7:11 Iomraidhean Croise

2 Ŋirw. 18:12

Etiyakinosi ŋakiro ŋun, anerae apotu Ŋisirael towout akiirar ŋakiro ke Ekapolon Akuj kec. Toŋero akiwap acamunet keŋ. Ŋakiro daadaŋ ŋuna aris Moses eketiyan ŋolo ke Ekapolon kicikak ikes, apotu ikes towout akiirar, kori akiwuap.

2 Ŋirw. 5:24

Ani edolunete ikes lore ke Elisa, kijaa Geasi ŋiboro, kiŋadaki tooma ere, tosodi kitolot ŋiketiyak a Naaman.

Isa. 24:5

Amunaasi ŋituŋa ŋulu iboiyete anakwap akwap, anerae abila ikes ŋikisila, nyiwuapa ŋakiro ŋuna atubunitoe ka nyiwuapa acamunet ŋina a ŋikaru ka ŋikaru.

Yer. 31:32

Nyikwaanikin acamunet ŋin ka ŋina ikicamunor ayoŋ ka atapapaa kec apaki ŋina arikunio ayoŋ ikes a akan kaŋ anakwap a Ijipit, acamunet ŋina apotu ikes toŋero tari ŋina araakar ayoŋ Ekapolon kec.

Osea 6:7

Nai apotu ikes toŋero Acamunet kaŋ alo Adam, apotu ikes kitiyata neni kaŋ a nen emam akikinyoma.

Ŋilep. 5:15

“Ani kesec ituŋanan idio alokidiŋ kus nyelemu ainakinet ŋina emaikina inak neni ke Ekapolon, emaikina ituŋanan ŋin yau neni ke Ekapolon alosipan keŋ emesek ŋolo ajokan ŋolo emam neni eŋwalit. Emaikina emesek ŋol erae ŋolo epedoryo akigyel a ŋisilipae alotyae a ŋicekelya a ŋulu ecamunito ŋituŋa daadaŋ isitiyao anakibois a ŋina asegan. Erae ŋin ainakinet aŋuna ka asecit.

Abak. 2:6

Eŋoikinete ŋituŋa ŋulu aponi toreunae ŋulu apotu kikamasi ŋakwapin kec, ido ejamuarete temasi, “Ipotu iyes yaasi ibore ŋini pa arae ŋini kus, aŋun, ikisicani Akuj iyes!” Irubakinete iyes tari ori itukete ebari anareikinit ŋulu ideniyorito ŋiboro kus akitac ikes?

Sakar 5:4

Alimu Ekapolon ŋolo Etiron ŋakiro nu ebe, ‘Eyakiyari ayoŋ ŋicen ŋul, ido epete ŋicen ŋul kai a ŋolokokolan ka kai a ŋini ikoŋi alyokonu alokiro kaŋ. Erubakinete ŋicen ŋul anakais a ŋul, ido emunaarete ŋakito kaapei ka ŋamoru a ŋakais kec.’ ”

Mat. 22:21

Toboŋokis ikes temasi, “Ŋulu ke ekepukan a Roma.” Tolimok Yesu ikes tema, “Inakisi ekepukan a Roma ŋini erae ikeŋ, inakis Akuj ŋini erae ŋini ka Akuj!”

Ŋitic. 5:9

Tolimok Petero iŋes tema, “Kaanukiro iponiata iyoŋ ka lokile kon tocamut akikatakin Etau ŋolo ke Ekapolon? Topupok! Ipupi iyoŋ ŋakejen alopuke a? Erae ŋuna a ŋisorok a ŋulu sek alosito akinuk lokile kon, ikidakarete ikes iyoŋ daŋ kiŋa.”

Ŋikis. 17:2

Ani keryamun aneni kus idiotuŋanan ekile, kori aberu alotaun kus a edio a ŋulu ikiinakini iyes Ekapolon Akuj kus, ŋini itiyae ŋuna aronok alokiŋaren Ekapolon Akuj kus ka nyiricak ŋuna ka acamunet,

Ŋibur. 4:13

Emam isubuna ipei daŋ ŋini epedoryo akiwua aneni ka Akuj, ileere ibore daadaŋ eyai eŋaara aneni keŋ. Erae neni keŋ elimoryo iwon ŋakiro ŋuna kitiya.

Yos. 23:16

Ani kiŋero iyes Acamunet ŋina a Ekapolon a ŋolo erae Akuj kus, Acamunet ŋina adau iŋes alimokin iyes akiwuap, kori kitiyanakis iyes ŋakujo ŋace, toryediko kilipa neni kec, ikiŋoikini nai iyes Ekapolon, itomunya iyes anakwap a na a ŋina ajokan a ŋina adau iŋes ainakin iyes.”

Yos. 7:1

Nai apotu Ŋisirael nyiwuapa ŋuna ecikit Ekapolon ikes ebala nyelemasi alo Yeriko idiobore. Abu ekile ŋolo anyaritae Akan tolemu ŋiboro ŋulu sek abookoi nyilemut, ido abu Ekapolon toŋoik Ŋisirael nooi. (Arae Akan lokoku a Karami a ŋolo arae Lokoku a Sabadi, a ŋolo arae lokoku a Sera a ŋolo alokabila a Yuda.)

Yos. 7:10

Tolimok nai Ekapolon Yosua tema, “Tonyou! Kaanukiro ibuburar iyoŋ alokwap?

Ŋikat. 2:20

Aŋun, abu Ekapolon toŋoik ikes, tosodi tema, “Aŋuna aŋeryoto ŋituŋa lu acamunet kaŋ ŋina abu ayoŋ ecik atapapaa kec akiwuap ka aŋuna aŋeryoto akiwuap ŋakiro kaŋ,

1 Sam. 14:38

Aŋun, abu Saul tema, “Potu laalo, iyes ŋikarikok ajore a Ŋisirael daadaŋ, oanyutu atemar ŋae eyaunit asecit na nakoloŋit na.