Yos. 7:1 - Ebaibul

¹ Nai apotu Ŋisirael nyiwuapa ŋuna ecikit Ekapolon ikes ebala nyelemasi alo Yeriko idiobore. Abu ekile ŋolo anyaritae Akan tolemu ŋiboro ŋulu sek abookoi nyilemut, ido abu Ekapolon toŋoik Ŋisirael nooi. (Arae Akan lokoku a Karami a ŋolo arae Lokoku a Sabadi, a ŋolo arae lokoku a Sera a ŋolo alokabila a Yuda.)

Yos. 7:1 Iomraidhean Croise

Akisy. 34:27

Potu ŋidwe a Yakob ŋuluce ŋulusapa lotaun, toryamut ŋalyalin, tolema ŋiboro alotaun, anerae nen aponare kinyasunere nakaato kec.

2 Sam. 24:1

Abu nabo Ekapolon toŋoik Ŋisirael, ido abu inak Daudi akidupor Ŋisirael; tema Ekapolon neni a Daudi, “Ape kimar ŋituŋa a Isirael ka ŋulu a Yudaya.”

2 Ŋirw. 5:24

Ani edolunete ikes lore ke Elisa, kijaa Geasi ŋiboro, kiŋadaki tooma ere, tosodi kitolot ŋiketiyak a Naaman.

1 Ŋakiro a ŋirwa 21:7

Nai abu Akuj nyelakar aŋuna ka akimar ŋituŋa; aŋun, abu kisican Ŋisirael.

2 Ŋakiro a ŋirwa 24:18

Apotu ŋituŋa a Yudaya ka Yerusalem kimyekis Akai a Ekapolon Akuj atapapaa kec, toloto akilip neni a ŋakujo ka lotorubei a akuj a ŋina anyaritae Asera. Abu nai anyunyura ŋina ke Ekapolon bu neni a ŋituŋa a Yudaya ka Yerusalem, aŋuna ka asecit kec a ŋin.

Esir 9:6

otema, “Okoe Akuj kaŋ, ekerumito ayoŋ ŋileec nooi ka nyacamit akikeun ereet kaŋ neni kon Akuj kaŋ, anerae alalata ŋasecisya kosi nooi ka adolu ekaile kidiama.

Yob 35:8

Iteryamunit aronis kon ŋituŋa ŋuluce ŋican lopite ŋolo iryamunitor iyoŋ ka iteryamuni akiyookino kon ŋituŋa ŋuluce akitiya ŋuna iyookino.

Ekal. 9:18

Ejok aosou akilo ŋiboro ŋulu a ejie, nai epedori ekasecan epei bon amunaar ibore ŋini alalan ŋini ajokan.

Dan. 9:7

“Okoe Ekapolon, neni kon eyai akiyookino, nai eleereut ŋileec aneni kosi ŋirwa lu, ido etiyakin ŋun neni a ŋituŋa a Yudaya, neni a ŋituŋa a ŋulu iboiyete alo Yerusalem ka neni a Ŋisirael a daadaŋ a ŋulu eya diyete ne ka ŋulu eya neni alwanan nakwapin daadaŋ ŋuna ibu iyoŋ kiela aŋuna aponiata ikes toseca aneni kon.

Ŋilep. 10:6

Tema nai Moses neni ka Aron ka ŋidwe keŋ ŋulusapa Eleasar ka Isamar, “Nyimyekis ŋitim ijaanaete, ido nyicila ŋilowi kus, ani kitiyata iyes ŋun, itwakete iyes, ido eŋoikini Ekapolon ŋituŋa daadaŋ. Nai ecamakinitae Ŋisirael ŋuluce daadaŋ kigworo aŋuna ka atwanare a ŋin a ŋina etoruni nakim ŋina eyakuuni Ekapolon.

Yona 1:7

Kirworiut ŋikametok ameeli make temasi, “Ocunakin elamilama ikotere ikiyanyuni ŋini ebunitor aronis na neni yok.” Kilamilama ikes toryamut erae Yona kebunitor aronis ŋin neni kec.

Yos. 22:16

“Ikiŋisito iyes ŋituŋa daadaŋ ŋulu a Ekapolon ebe, ‘Anukiro aronok nu ŋuna itiyata iyes neni ka Akuj a Ŋisirael, ŋuna iŋeryoto akiwuapit Ekapolon, anerae iduko aŋuna kus Namuroet erae ŋinaŋeryet Ekapolon?

Yos. 22:18

Iŋero mono kire tokona iyes Ekapolon a? Ani kiŋerito iyes Ekapolon nakoloŋit na, eŋoikini Ekapolon Ŋisirael daadaŋ moi taparacu.

Yos. 22:20

Ani mono apaki ŋina asecia Akani lokoku a Sera ŋolo abu kinunaa ŋiboro ŋulu alimunit Ekapolon atemar emaikina tomunaarae, pa mono abu anyunyura a Ekapolon bu neni a Ŋisirael daadaŋ a? Nabo meere Akani bon abu totwan apaki ŋin aŋuna ka asecit keŋ.’”